🐏الحولي🐏

2 و الأخيرة

🐏#__الحولي🐏
🎬بقلم:عميق السلاك🎬
🎥الجزء 11🎥

الهام:(تحنات عندها) وابنتيي واش اناا قلت ليك.درتي راه هضرت بنادم قتالة وانا براك عليا غي لي فيا يكفيني مقادة علة تنعات وتغاميز وسط لعيالات وراه كنت عند.عمك قبيلة وقال ليا مفهمتيهش هو قصد.انا لي نجي ندي لفلوس حيت نتي صغيرة وخاف لضيعيهم وهادشي لي كين هو غيبقا يصرف علينا وغيشري تالحولي ونتي غي كلسي وقال ليا غتكلف ليك بقرايتك تاتاخدي لباك و تتكمليها سمعتي

سكينة: بلاتي بلااتي  مشيتوو عندووو وقال ليك هاد لهضرة وتقتي بييه اوا سمعي (هزت فيها عينيها ) انا راه لكروسة هي لي منفرق واخا نعرف نخدم حماالة و نهز على ظهري والله  والله لخليت لداك.الشيطان.منين يدخل وهو باغي غي تسالي لمونة ويجي يصدق عليك ولا يامكا عاجباك هضرتو

الهام:(هزت ايدها تالسما وسرفقتهاا) عجباني هضرتوو انا عاجبانيي ياكما خدمتي عام يحساب ليك راك هزيتينا بديك.جوج فرانك الا مكان هو منين غتعيدي منين بغيتي باك يشوفو فيه شوفة ناقصة ولا ياكما نخرج انا لشي طرييق باش نجيب ليكم متاكلو

سكينة:(شادة حنكها وهزت فيها راسها) ضربيني اماماا حيت قلت ليك لحقيقة هدااك راه شيطاان وانا غنبين لييك

الهام:شوفييي بااك مرييض دنوبك على راسك ابنت كرشيي لسمع صدااعك.مع خوه يمشي تشدو لكريز وفكها يامن وحلتيها نوليو نضاربو على ودنين الضيفان قاليه زكا وقتلتك يا جيلالي على والي ونتي غي مفهمتيش عمك 

سكينة: يعميي ليه  لعينين ولاوعرفتي اشنو انا متنهضرش انااا راه.متنهضرش ليووم نعيد عليه نوريه يشري لينا لعيد ( ناضة هزت موس تاع لخضرة وخرجت خبطت الباب حتا فاق عزيز قافز ونزلت مع دروج تتجري)

عزيز:ااش.واقع فين مشات سكينة

الهام:(غاديا تابعاها ) احنا غادين لعند لخياطة
عزيز:ااه واخا(رجع تكا)

سكينة:(غادا وسط الزنقة تتبكي وتجري وكلشي تيشوف فيها) انا غنوريييك الحماار اشمااتة الكلللب

الهام:(مكفضة جلابيتها وتابعاها تاهي تتجري وتزرب) سكيينة وقفيي ليحش ليك ركابي وقفي المسخووطة لمشيتي عندو انا سااخطة علييك وقفيييي

سكينة:زيديينيي اميي زييد وملي غنوصل عندو لبقا حي دفلي عليااا (بدات تتجري وتمسح فدموعها وعينها زرقة بالدق ومرة مرة تبدا تكحب تا وصلت لواحد الحانوت كبير ديال التبزيرة (العطرية والاعشاب المنسمة) دخلت تتغوت على الخدامة ولموس فايدها ) فيييين لحماار لي مخدمكم فيييين  دويي راه تنهضر معااك فنهو

العامل:(تيشوف فيها اش لابسة وديباردو طالع.من.جهة خصرها قرب ليها) اش.حب لخاطر ازين

سكينة:(دورت ادها مقلوبة وصرفقاتوو) فيين لي مخدمك ال**مل.
🐏#__الحولي🐏
🎬بقلم:عميق السلاك🎬
🎥الجزء 12🎥