رواية #بنت_السفير 🔥
( خيال ممزوج بلواقع )
للكاتبة : #حنو
الرواية بلهجة الليبية
حلقة 1🔥 "
.
.
بـطلـت الـرواـية..اسـمي سلسبيل نـعيـش فـي دار الأيـتـام💔مـن أول مـافتـحـت عـيونـي وانـي فّي نفـس الـمكان لـين تـوا عمـري 22سـنة درت صـحاب وأكـتر مـن خـوات بـس لـلأسـف كـل مـانـستقـر ع صـاحبـة يـتبـنوهـا نـاس وتـنقـطع أخبـارها💔مـديـرة الـميتـم كـانت كـل مـانسـئلهـا عـن أهـلي تقـولـي أهلـك مـاتو💔 كـانت الـكلمـة تقـتل فـيا عـلاش مامـتش مـعاهم عـلاش انـي بـس قـعدت!!!
انـي سمـعت الأذان نـضت صلـيت وقـعمزت نـدعي..يـاربـي اجـمعـني بيـهم يـاااارب ماتـخلينـي تحـت الـذل ونـظرة النـاس لـيا😔يـارب يـاكريـم سـواء حييـن والا مـيتيـن☹
جيـت قـعمـزت عـ سـريـري وفـتـحت الـفون كـان هـديـة مـن صـاحبـتي إسـراء أخـر مـرة جـت فـيهـا مـن سـنة فـاتت ونـقطعت اخبـارها علـيا بـديـت مـعش نـحب نصـاحـب حـد😢
فـتحـت نـت كـسدت شـوية علـيه لـين مـارقدت ونـضت تـانـي يـوم للـجامـعـة نـجري بـاش نلـحق عـ الـباص ركبـت ومـشيـت لـكلـيتي💗
.
.
فـي مـكان تـاني
..احـم انـي طـلال عمـري 24سـنة نقـرا ادارة أعمـال وقـريب نتـخرج وجـوي عـادي اكـتر شـي نحـبه الهـياجـة واكـتر شـي نكـرهه البـنات🙂عـيلـتي خـط أحمر حـالتـنا المـاديـة بـسيـطة والـحمدلله مرـتاحيـن والبـاقـي تعرفـوه مـن خـلال الأحـداث
.
.
طـلال..يما يما يما يمااا
مناني..ومية حق حق الدالة شن تبي شنوو
طـلال..هكـي ولـدك تقـوليله وميـة ولـدك فـلذة كبـدك
مناني..ماعنديش فلوس🙂
طـلال..امالا شن عندك نهار المبارك ديما كل مانجيك تقولي ماعنديش فلوس
مناني.. اللي عطاهولي بوك عطيتهم لأختك مسيكينة خلي تقيم بيهم روحها
طـلال..وووووه اعطي بنتك وزيد عصيدة تو يام براجلها هكي كبره محتاجة لفلوسنا خلاص هدي توا راجلها مجبور بيها يام خيرنا عاد
مناني..اسكت اختك محتاجة ماعندها منين تصرف راجلها سواق تاكسي يناري يالله يقدر ع مصروف الحوش ياوليدي عيب نساعدو حتى احني شوية مننا وشوية منه تمشي الامور
طـلال..اهو بدت في الهم عاد هي بتعطيني فلوس والا شنو!!؟
مناني..هاك شد راس عشرة جني دسيتها قلت اكيد يزن يجي يطلب تي انت راجل مصنع امنع مش لاقي ماتصرف برا دورلك خدمة دك فيها راسك شن بنقعد ديما نصرف عليك اني !؟
طـلال..باه حاضر اللي تبيه اميمتي اسف
مناني..اهو طرم شواربه برا طرمهم حتى ميترو تاني هدا الصح اللي نقول فيه😏
طـلع طـلال وهـو يضحـك مشـي ركـب سـيارتـه ومـشي لـلكـلية
.
.
عـندي انـي فـي الكـلية كـانو مـحاضـرات وراء بعـض مـالحقـتش نـاخد حـاجة نـاكلها😅اصـلا مـاعنـديش فلـوس😓
فـي آلـمحاضرة الأخـيرة خـش شـاب يـبانـ حـليـوة كـان مـتأخـر وخـش فـي نصـ المـحاضـرة جـي قـعمـز وراي لـما الدكـتور تـلفت يـكتب كـلمني
طـلال..وخـيتي ممـكن تـزيدي يـمين شـوية مـانـشوفـش
انـي تـلفـتت..ااه اوك اسـفة😊
كمـلت مـحاضراتـي وقـعدت نسـتنى فـي البـاص يتـصل بـيا بـاش نـطلع فـجأة جـي واحـد وقـف علـيا وهـو مـش طـايق نـفسـه ويتـكلم مـن راس خـشمه وعـرفته نفـسه اللـي كلمـني مبـكري
طـلال..معلـيشي لـو سمـحتي عـادي تعـطيني نـصور اللـي كتبـتيه لأنـي مـالحقـتش وجـيت فـي نـص المحـاضرة
انـي..وشـن يعـني انـي نتعـب ونـكتب ورا دكـتور وانـت تـجي تـاخده بـارد بريـدي🙂
طـلال..بـلاش مـنه بـكل خـليـه عـندك
انـي وجـعني وانبنـي ضمـيري..تـعالـى ياخـوي خـودهـا هـي نسـتنى فـيك تعـطلش عـليا البـاص قـريب يـجيني
طـلال..لا خـلاص صـحيتي
انـي عيـوني دمعـو..مش قـصدي انـي راه هـيا خـود صـورها
طـلال شاف لعـيوني وشـاف لـيدي كـيف ترعش وفـيها الكـراسـة خـدي الكـراسـة منـي..ثـوانـي بـس نصـورهـا ونـجي
انـي قعـدت نـشوف فـيه مغبـش وهـو تلـفت وقـعدت نـشوف فـي دنـيا كحـلة ومـعش ننـدري ع شـي
.
.
.
قـبل سـاعات
عـند طـلال وصل للكـلية شـاف السـاعـة لقـي فـايت نـص سـاعـة مـن محـاضرته مشي يجري خش للمحاضرة وقاله دكتور يقدر يخش وخش وهـوا خـاش طاحت عـينه عـ بنت تكـتب مـنتبـهة وتشـارك مشـي قعـمز وراهـا وقـعد مـركز مـع البـنت اللـي شـافهـا وقـعـد يـبي يـتسبل بـاش يـلكمها لـعند مـاكلمـها وقـعد مـركز معـاها لـعنـد طلـعو طلـع وراهـا
طـلال..يا ولاد شـوية بـس ونجـي
طـلال..مشـيت نبـي نكلـمها ونقـوللها نبـي نصـور مـنك محـاضرة مع انـ عمـري ماهتميـت للـي نكتبـو فيـه نحضـر ونخش الإمـتحان ونصـفي شـن صـايرلـي وهـدا انـي اللـي مسـتحيل نـشوف لبـنت شـن دارتـلي هالبـنت!!! اففف يـحكو علـيها انـ ديـما ع حـالها ومـاتخالـط فـي حـد ولا حـد يخـالط فـيها لأنـها مـن دار الأيـتام!!! وكـان يـعني مـن دار الأيـتام تـموت خـلاص!!؟؟
مشـيتلها سـئلتها حسـيتها مـش سـاهلة مـن نظـرتها الـحادة وصـوتها وكـلامها الحـاد ورانـي انـها بـنت بألـف راجـل وسـرعـان مـا دمعـو عيـونهـا الـعسـليات💗وقـت قـتلها مـعش نبـي تبـينلـي ان ورا القـوة اللـي هـي حـاملتهـا انثـى نـاعمـة ورقـيقة💕 خـديـت الـكراسـة مـنهـا وحـاس انـها مـش طبـيعـية دوب مـاتلفـتت سـمعت وراي شـي طـاح اللـي قـدامـي نشـوف فـيهم يشـوفو وراي ومصـدوميـن تلفـتت لقـيت البـنات متلقـطين علـيها نصـدمت فـي اللـي شفـته الـشي الوحيـد اللـي درتـه هـوا انـ قـمتهـا وحـطيتهـا فـي سيـارتي وتـوكلـت بـيها لأول مسـتشفى
طـلال وهـو شـادها..سـاااااعـدووونـي بـالله عليـكككم
كـانو مـعاي الاولاد جـابولـها باريـلا والممرضات جـو خدوهـا ودخلـوها للإسعاااف طـولل قـعدت متـوتـر ومـش عـارف شـن نـدير خـايف عليـها ومـشعارف الخـوف هـدا عـلاش!! قلـبي يـوجـع فـيا وكـانت دقـاته تزيـد فـي الوجع ليـن مـاطـلع دكتـور
دكتـور..انـت قريـبها!؟
طـلال..لا بـس خيـرها يـا دكتـور!؟
دكتور..لازم تتـصلـو بأهـلها والمـريضة ماـتخـافش عليـها هبـوط بـس مـن قـلة المـاكلـة ركبـنالهـا تغـدية تكـملهـا وتطـلع
طـلال..اوك مشـكور دكـتور
مشـي الدكتور وقعـدت نشـوفلـها مـن البـاب وهـي تتـألم مـن نخصـة اليبـرا لـين مـاكلمنـي واحـد مـن الاولاد وقالـي ان تلفـون فـي شـنطة يـتصل فـتحت شـنطتها وخـديت تلفـون ورديـت
طـلال..ايوا
صاحب الباص..السلام عليكم من معاي!؟
طـلال..انت مني!؟
صاحب الباص..اني متصل بي سلسبيل انت اللي مني ياخوي هدا تلفون سلسبيل وله؟
طـلال..ايه هدا تلفون سلسبيل مني انت!؟
صاحب الباص..والله اني متع الباص اللي نروح بيها من بكري نتصل وندور عليها
طـلال..ااه البنية داخت وجبناها للمستشفى تقدر تعطيني عنوان اللي تروح ليه باش نرفعها
صاحب الباص..البنية ماعندهاش اهل وهيا في دار الايتام اللي فـي....
وعطانـي مكـان السـكن اللي قـاعدة فـيه وسكـرت منه وحطيت التلـفون فـي شنطتهـا وقلـت للأولاد يـروحو بمـا ان مـعش فـي شـي يخـوف خشـيتلها لقـيتها متكية وتـشوف لكيـسة التغـدية وتبـكي
طـلال..مـاتخافيش تكـمل التغـدية ونرفـعكـ نـروح بيـك
انـي..اسـفة شـغلتـك مـعاي بـس نعرف نـروح بـروحي
طـلال..انـي جبـتك انـي نـروح بيـك ومـاتعصبـينيش
انـي..شـكرا
طـلال..علاش مـاتاكلـيش؟
انـي..مافـيش نـية
طـلال..غلط اللـي اديـري فـيه
انـي..ماعنديـش فلـوس نشـري💔
طـلال..عـادي عـلاش ماتجيـبيش مـن حـوشكم نـفص
انـي..كيـف بنجيـب معـاي نفـص فـي جـامعة يضـحكو عليـا البـنات
طـلال..خلـي يضـحكو بـاهي اللـي صـايـر فيـگ تـوا مـش حرام علـيك هـكي
انـي..انت شـن دخلگ فـيا نبـي نمـوت بـاهي نبـي نقـعد هـكي بـاش نـموت انـت مـش عـارف شـن اللـي نـعيش فـيه مـش فـاهم شـي😭😭
طـلال قعد يشد فـي يديـا..باه اسـف سـامحيـني بـس غلـط اللـي اديـري فـيه والله غلـط حـرام علـيك تعذبـي فـي نفـسك
انـي..اصـلا عـادي مـافيـش حـد حيـهتم لـو متت فـي مـن يـاخد مكـاني وسـريري نـكون هـم وانـزاح نكـون ريـحت نـاس مـن ثـقلي علـيهم تعبببـت انـي تعبببت😭😭
طـلال ناض وقـعمز ع طـرف سـرير وشـدلـي يديـا..خلاص اسـ مـعش تقـولي هـكي اكـيد فـي مـن يحبـك ويـخاف عليـك
انـي..مـافيييش والله مـااافـي انـت مـشعارف شـي
طـلال..عـارف والله عـارف انـك مـن دار الأيـتام بـس عـلاش اديـري فـي نفـسك هـكي كلـنا زي بعـض
انـي..😭😭😭
كـانت نفـسيتي تعـبانـة ومـشعارفة شـن ندير كل اللي عليا نديره نبكي وبس💔
طـلال..والله تقطعيلي في قلبـي خلاص ارجـوك معـش تبكي
انـي مسحت دمـوعـي..نبـي اميا
طـلال..حـاضر
جابلـي اميـا وقـعدنـا سـاكتيـن لـعنـد ماتـمت التغـذية وطلـعنا
انـي..خلاص تقـدر تمـشي تـو نـتصـرف بـروحـي
طـلال..زيـ مـاجبـتگ زي مـانروح بيـك
سـكتت وركبـت مـعاه كـان مـاعنديـش خلـوق حـتى انـاقش 💔
قعـدت سـاكتة لـعند وقـف عـ محـل نـزل
طـلال..خلـيك شـوية بس
نـزل للـمحل
قعـدت شـوية شـفته واقـف يـدفع نـزلت مـن سيـارة وخديت شنطـي ومشيـت
طـلال جـي للـسيارة لقـاها فـاضية حـط الكيـسة وركـب سيـارة وقـعد يـدور فـيا ليـن لقـاني قـدامه نمـشي بـيب عليـا بالـسيارة تلفـتت مخـلوعـة لقـيته هـوا
انـي..واااااك مـش نـاااوي يسـيببني هـدا!!!
وقـف عليـا وفـتح الروشـن..اركبـي خيـر مانركبـك بطـريقـتي
انـي..هفففففففففف منكك
فتحت البـاب وركـبت السيـارة
حـرق طـلال العـجل وكـمل طـريقـه واول مـاوصلنـا فـتحـت البـاب
يـزن..اسـتنني سلسبيييل
وقـفت وتلفـتتله..نعممم نعممم
طـلال نـزل وكـانت كـيسـة فـي يـده..شـدي
انـي..مش محـتاجة صـدقات شكـرا
طـلال..مش صـدقـة ياغبـية🙂اعتبـريها هـدية مـن صـديقك
انـي..خلاص ارجـوك شـكرا لـكل شـي درتهـولي بـس خـلاص مـعش نقـدر نقبل
طـلال شـد يـدي ودارلـي فـيها الـكيسـة..خـودي وضـمي عليـا فمـك هيـا خـشي
انـي..شن نخـش هـدي شـد شكـارتك
طـلال..تو قلـنا هـديـة عـلاش ترفـضي فـيها الـننم
انـي..اففففف بـاه هـي طيـر
طـلال..طـاير مـن وقـت مـاريتك
انـي شفتله ومشـيت خشـيت
المـديرة..وين كنننتي ويييين اااه وييين معقولة كلهم يروحو الا انتِ؟؟ وين كنتي تصيييـعي ومـن الفـرخ اللي حـطك هدااااا مـنوووو
انـي..دخت فـي الكلـية ورفعني للمستشفى وتوا كيـف روحـت
المـديرة..وشـنوووو فـيها الكيـسسسسة!!! هـاتيهااا جاااي
اني حطيتها ورايـ..لاااا ليـا انييي هدي😢
المـديرة..قللللللت هـاتيييييهاااا
عـطيتهالها وعيـوني مـدمعـات
جـت الإخصـائية وشـافتنا خـدت الكـيسة مـنها وعطتهـالي..البـنت مريـضة ولازم تـاكل كـويس ومـش من حقگ تـاخدي مـنها حـجاتها
المـديرة..انييي خـايفة عليـهم وكـانا فـيها حـجات مـضرة
انـي..احسن نموت وتفتكي وينـقص العـدد😒
مشيت و خـشيت لدار وقـعمـزت عـ سرير وقـدامي الكـيسة اللـي معبـية بكـل شـي حلـو سـرحت وقـعدت نفـكر فـيه يـالله ربـي يـوفقـه ويـكون مـن ميـزان حـسناته يـارب فتحت شكـلاطة وقعمـزت نـاكل فـيها يااااه قـداااش ليـا علـيها😍
.
.
عنـد طـلال
شـاف ع الكـرسي اللي كـنت مقـعمزة فـيه لقـي شنـطي دوِّر ووالا خـش للـميتم سـئل النـظافة ويـن مـكان مـكتب المـديرة ودلاتـه علـيه وهـو بيـخش كـان البـاب مـردود وقفـه صـوت المـديرة وهـي تـدوي بصـوتها العالـي
.
.
الـمديـرة..####
طـلال..😳😲.. #يتـبع
.
.
شـن تتـوقـعو تقـول المـديرة؟؟وشـن حـيسمـع طـلال!!؟
تـعمـدت نـديرهـا قـصيـرة بـاش نـشوف تفـاعلـكم ومـزال الـجاي أحـلا واقـوى !!💗
انـ شـاءالله تكـون نـالت اعجـاب الـجمـيع❤🕊
#حـنو
