رواية #بنت_السفير🔥
( خيال ممزوج بلواقع )
للكاتبة : #حنو
الرواية بلهجة الليبية
حلقة 3🔥 "
.
مـلاحـظة للـناس اللـي تقـول هـذا مـسلسـل تـركـي يـاريـت تـقـرو الـروايـة وتقـارنـو يـعنـي مـش معـقـولة حنـدير نفـس المـسلـسل وتـانـيا المـسلـسل لا نعـرفه ولا حـضرتـه اصـلا غـير ان فـكرة الروايـة عـن بـنت سـفيـر فـ درت اسـم روايـة بـنت السـفير مخـطوفـة وحـاطـها عمـها فـي دار الأيـتام ومـع القـصة حـتعرفـو شـن حيصـير بـس تجـي وتعلـقي وتقـولي هـدا مسـلسـل تـركـي!!! عـلاش نتعـب فـي روحـي انـي ونكـتب كـان نفـس المـسلسل😂 اقـروهـا بعـدين قـولو نفـس المـسلسل او لا وسـامحـوني طـولت عليـكم❤
.
.
.
.
لقـيت احـمد مـتصل بـيا اكـتر مـن مـرة وشـوية وسـمعت البـاب يـطق
امـي طلـعت مـن الحـوش..مـني؟؟
احـمد..انـي احـمد ياخـالتي
فتحـت امـي بـاب الجـنان ودخـلاته
احمد..كيف حـالك خـالتي
امـي..الحمدوولله يـاوليدي كيـف حـالك انت وحـال اميمـتك
احمـد..الحمدلله بخـير تسـلم عليـك امـي
امـي..عليـك وعليـها السلام خـش تفضـل
احمـد..لا غيـر نبـي طـلال نتصـل بيـه مـايردش
امـي..راقد خـشله نـوضه
احمـد تحشم..لا عـادي تـو نولـي بعـدين
امـي..تـي خـش سـلم وليـدي مـافيـه حـد الحـوش غيـر انـي وياه
خـش احمـد لـداري لقـانـي كـيف نـايض
انـي..بسـم الله منـين طلـعت انت
احمد خـدي المخـدة ولـوحها عليـا..يـاكلب من بـكري وانـي نتـصل ونعـاود وانت زي قـلتك
انـي قعـدت نضـحك
احمـد..لا واخرتها انتظااار🙂
انـي..تي باهـي سوري😂
احمـد..لا مصـري🙄نوض نـوض سقـدلي روحـك تراه عنـدنا مـانديرو
اني..شن بنـديرو يـاااراااجـل
أحمـد..مش تبـي تعـرف كـيف تكـلم بـو سلسبيل خلاص هيـا نوض
انـي..شن موضوعك انت متـحمس
احمـد..نبي نـدير الخـير وخـلاص
نـضت توضيت وصليت ومشينا تلاقينا مع صاحبه اللي يخدم في شركة
أيمن..اهلا وسهلا تفضلو
خشيـنا للمربوعة قعمزنا شوية وجي جابلنا الضيافة
انـي..يا ايمن توا احني مانبوكش تعبلنا نفسك انت عارف شن نبو صح ف لازم مانستعجلو
ايمن..هدا واجبي يا طلال وماكم طالعين لين ماتتعشو انت اول مرة تخش حوشي عموما اللي جايين ع خاطره ساهل وبإذن الله نتموه
اني شفت لأحمد..تي كيف ساهل ياراجل لينا شهر واحني نجرو جرته ماقدرناش كيف نخشوله
ايمن..اني من زمان من قبل لا نتزوج كانت بنت خوه تجري جرتي ومش عاطيها وجه وتزوجت وفتتها ومن لما حكالي احمد ع الموضوع رجعت العلاقات بالسيف عليا باش نقدر نعرفلك معلومات لانة زي مانعرف ان السفير محمد هدا من بعد ماتت بنته بنات خوه احتواهم هوا وبدي اللي ليه هوا ليهم هما اكتر من الاولاد ماكانش معدل ع الاولاد بكتر مايعدل ع البنات ولو ع اتفه التفاصيل تخيل انت لدرجة مدايرلهم هوا سيارات كل وحدة بعد تمت ثانويتها هدالها سيارة من نوع وكيف ماتبيها هيا تي ع اخر دلع ياراجل لكن المشكلة ان مش كلهم متربيات صح ومن ضمنهم اللي تجري جرتي هدي حشاك الله لا تروعك البنت لا تربية لا اخلاق لا شي نص ولاد ليبيا تعرفها
انـي..لا حول ولا قوة الا بالله ربي يستر عليها وخلاص اني مش همي هيا همي توا كيف نوصلو للأب
ايمن..ايه هوا هدا خلي نكملك ونفهمك باش نوصلو للموضوع الاساسي هدا ياسيدي رجعت معاها العلاقات وحتى مرتي علمت بالموضووع باش ماتصيرش اي مشاكل وتميت معاها في دوة والهدرزة لعند ماعرفت ان عمها السفير السبوع جاي يوم الخميس يطلع فيه بروحه هو ومرته بدون لا حراسات ولا اي شخص يطلع ويمشي لإستراحته يقعمز فيها هوا ومرته
انـي..وشن سبب!!؟
ايمن..لانة اليوم هدا من كل سنة يطلع فيه ذكرة وفاة بنته
انـي..وتعرفـها ويـن الاستـراحة؟
أيمن..شوور😎 الجمعة اللي فاتت مشو تزردو فيها البنات وكنا نهدرزو ع الفون وحكتلي اللي قتلك عليه توا و درت روحي نبي نجي نسلم عليها وبنعطيها هدية باش نعرف المكان وين بزبط ومشيت عطيتها هدية وعرفت المكان وين وتم الموضوع يعني توا يوم الخميس جاي بتمشي انت وسلسبيل وتتلاقو معاهم وتحكولهم كل شي وهوا هدا 😌
انـي..وربـي ليـك احسـن هـدية لـو تم المـوضوع
أيـمن..مانبـي شي غيـر يتم الموضوع ونفتك من تنقنيق االمرا🤣
انـي..والله وقفتك هدي ماننساها
ايمن..عيب عاد انت صاحب حميدا راك وزي حميدا بزبط
انـي..صحيت بارك الله فيك
.
.
.
عنـدي انـي
قعدت نستنى فيـه يتصـل ولـكن شـي شـي نـزلت للـساحة لـوطة قـعمزت نتفـرج ع السـمي ودموعي يـنزلو كـل مـانذكر انـ بابا وماما عـايشيـن كـل مـانزيـد ننـقهر معقـولة لـيا السـنين هـدي كلـها نـدعيلكم بـالرحمة وانـتم عـايشيـن؟؟💔ااااه يـاربـي ماحـرها
شـوية واتـصل فـوني مـسحت دمـوعي ورديـت عـ طـلال
طـلال..حبيبي
انـي..يا اهلين
طـلال..عطلت عليك ياروحي؟
انـي..ايه
طـلال..اسف يـاعمري غيـر كـنت مـع الاولاد بـس
انـي..لا عـادي خـود راحتـك
طـلال..نحـبك
انـي..حتـى انـي نحـبگ
طـلال..ونمـوت فـيكك
انـي..😂😂بـاااااه
طـلال..ونعشقـگ
انـي..امممم
طـلال..يـا جفاااف
انـي..😂😂😂
خـشيت للـدار و قعـدنا نهـدرزو ليـن رقـدنا❤
ومـشت الأيـام امتـحااانات وطـلال يخـطط ويفـكر كيـف بيـقدر يـرفعنـي لـيهم ولازم مـايكـون عنـده دلـيل كـبدايـة بـاش يـوافقو يـديرو تحـليل ويعطـو فـرصة والا مـش حـيقبلـو حـتى يـقابلـونا💔
يـوم الإربـعاء كـلمنـي طـلال
طـلال..سالي شن جو
انـي..تمام الحمدلله وانت حبيبي
طـلال..الحمدلله اسـمعي بنـقولگ حـاجة ولااااازم تتـنفذ
انـي..شنوو؟؟
طـلال..تلفـون المـديرة!
انـي..خيره!؟
طـلال..لازم مـاتاخديـه
انـي..كيييف!!! نخنـبه قصـدك
طـلال..ضـرورري
انـي..علااش بـاااهي
طـلال..فـي الأكيـد عنـدها تسـجيلات لـي عمـك منـير
انـي..بـس شـن الفـايدة يـعني!!؟
طـلال..ديري اللـي قلـتلـك علـيه اخنـبيه فـي لـيل وجيـبيه الصـبح مـعاك فـاااهمة!!؟
انـي..بـس طـلال حـرام علـيا نخـنـب صـعععب
طـلال..لمـصلحـتك حبـي هيـا مـاتكلميـنيش لـين تاخديـه تـشااوات
انـي..تييي طـلااااال اوووف سـكرر كيف نـدير يـاربي سـامحنـي علـى هالـعملة حـيييي لقـيتهاااا نـمشي لـي حـلا وهـيا تعـرف كـيف تـاخـدهولي مـشيت نجـري للـدار اللـي فـيها حـلا وطقـيت وخـشيت طبـعا هـدي حـلا مـن النـوعيـة المـردف😂لبسـها ديمـا زي الاولاد وديـما مـدايرة عمـايل وفـلايط الشيـطان بـروحه يغـطي وجهه مـن عمـايلها
حـلا..اووووه الآنـسة سـلسـبيل عنـدنا عـشنا وشـفنااا
انـي غـمزتلـها وطلـعت طلـعت وراي وفـهمـت انـنبيـها فـي مـوضوع خـاص
حـلا وقـف ع جنـب تشـوفـلي وتمضـغ فـي مسـتيكة و حـطت يـدها اليـمين ع الحيـط ويـدها تـانيـة فـي نصـها وتـشوفلـي..تفـزلـي
انـي..عنـدي مـوضوع مـهم نبـيك تحليـهولي
حـلا غمـزتلي..انتِ اعطيـني الفـلوس واعـتبري مـوضوعـك تـم
انـي نـوشوش..نـبيـك تـخنبيـلي تلفـون المـديرة تـووا
حـلا شـدتنـي مـن كـتفـي وفنـصت..انتِ شـن تقـولي مسـتحيل
انـي..100دينار توا و100دينار بعـد متـاخـديهولي!!؟
حـلا ضـحكت..و100دينار بـعد ما اتمـي مـوضوعگ بـالكـامل😉؟
انـي سكتت شـوية وبعـدين تكلـمت..تم اتفـقنااا👌🏻
حـلا..باه تم
طلـعت الـ100 من جيـبي وعطيـتهالها..وريـيني فـلاحتك😉
حـلا وهي تعد فـيهم..والله نحسـابك هـادية ومـش متع مـواضيع لـكن طلعتـي ماشاءالله
انـي..نبـيه فـي مـوضوع ولـو تـم مـوضوعـي حـتاخـدي هـدية
حـلا..مية مية
مشـت حـلا وهـي تنـط وتجـري وانـي خـشيت داري قعـمزت وانـي نسـتنى علـى نـار فـتحت شـنطي وطلـعت منهـا الفـلوس اللي نلقـط فـيهم بالجـني يـاربـي عـطيتها كـل شـي عنـدي مـن تـوا نعلـن افـلاسي🙂
بـعد سـاعـة نسـمع فـي طـق عـ البـاب طلـعت طـول لقـيتها هيـا
وبـحكـم انـ فـي كـاميـرات خشـينا للـحمام وعطـتهولـي وعـطيتهـا 100تـانية
انـي..كيـف قـدرتـي تـاخديـه
حـلا..مـش شغـلگ المـهم وصـلك😉
انـي..تمـام
طلـعت حـلا تجـري ودسـيته انـي وطلـعت وراهـا خشـيت للـدار وحـطيته فـي شنـطي فـجأة نـسمـعوهـا تعيـط وتقـول تلفـونـي راح ويـن تلفـوني
المـديرة..لازم مـايتم تفـتيش الميـتم
الاخصـائية..تفـتيش شنـو يـامديـرة البـنات كلـهم راقـدين غيـر بتخلـعيهم
المـديرة..وتلفـووووني؟!؟؟
جـتني حـلا تجـري وخـدت منـي تلفـون وقتـلي انـي نـدسهـولك وغـدوا صـبح تعـالي خـوديه عـطيتهـولها طـول واصرت المـديرة انـها تفتشنـا وفتـشتنا ومـالقاتاش وانـي نرعـش وحـلا تفـنص فـيا روحـت المـديرة وهـي متعصـبة انـها مـالقتش تلفـونها ورقـدنا الا انـي ماجـانيش النـوم للـصبح نـضت بـدلت واتصـل طـلال
طـلال..سالي صباح د حبـيبـي وتيـتي!؟
اني.. ايه
طـلال..باه انزلي بنـوصلك انـي كلمـت باصـكم وقتـله مايـجيكش
انـي استغربـت..علاش!؟
طـلال..بعـدين نحكـو هيـا وقت عـ امتـحانك
انـي..اوك درس بعيـد شويـة بـاش المـديرة ماديـرليش قصـة
طـلال..تم اني لوطة تلقـيني فـي راس شـارع
انـي..اوك
خـديت شنـطي واتجهـت لـي حـلا لقـيتها نـايضـة وتسـتنى فـيا
انـي..الفـون هيـا بنـطلع
حـلا..No No فلوس قبل
انـي..تي عطيـتك امس 200!!
حـلا..لو مـادسيتهـولكش كنتـي رحتـي فيـها
انـي..كم تبـي!!؟
حـلا..100دينار
انـي..تمام نـروح نعـطيك 200 مش ميـة غيـر توا نبـي نمشـي وقت
حـلا..انتِ عـارفة شن حنـدير فـيك لـو كـدبتي
انـي..اني ماعمـري كـدبت ومـاعندي ليـش نكـدب
حـلا..اوك
عطتنـي الفـون وحـطيته فـي شنطـي وطلـعت طـول وكـانت المـديرة مـزال ماوصـلتش طلـعت مشيـت ع رجليـا مسـافة قصيـرة ولقـيت طـلال قدامـي ركبـت سـيارة وسنـدت راسـي ع الكرسـي وغمضـت عـيوني بـراحة انـها مـشت علـى خيـر
طـلال..خيـرك؟
انـي تنهدت..شي هي بـرا امتـحاني قـريب
طـلال..باهي حاضر ياروحي هدي روحك بس
انـي..اوك
مشينا للـكليـة درت امـتحانـي وجـاوبت وطلـعت مـضايقة وكـأني مـش مـجاوبة فـتحت فـوني شـفت لقـيتـه الـيوم تـاريـخ ولادتـي اللـي حـطوني فـيه فـي دار رعـاية💔 غمـضت عيـوني زيـن ونـزلو دمـوعي فتحـتهم فجـاة وخـطرلـي شـي كـان غـايب عليـا اذا كـان انـي حـطوني فـي دار رعـاية مـن بعـد ولادتـي فـ كيـف اهلـي دارو حـادث!! مـش لازم يـكونو فـي المسـتشفى وماما كـيف طـالعة مـن الولادة!!!؟؟ يـاربببي غمـضت عيـوني من جـديـد وانـي فـي راسـي ان حـنبهددل كـل مـن بـعدنـي عن اهلـي وخلانـي يتيـمة هكـي بـدون لا اب ولا سند ولا ام نزلت دمعـتي سـخوونـة فـتحت عـيونـي لقـيت قـدامـي يـد جـاية مـن وراي وفـيها وردة تفاجأت وتلفتت وابتسمت لمـا لقـيته طـلال
انـي..خلعتنـي
طـلال..خيـرها حبـيبتي زعـلانة ودمـوعها ع خـدها
انـي قوسـت فـمي..شـي☹
طـلال..خودي الـوردة والا ماتبيـهاش!!؟
ابتسـمت خديت مـنه الوردة ومشيـنا مـع بعـض..شـن صـار فـي الفـون لقـيت فـيه تسـجيلات؟
طـلال ابتـسم..لقـيت فـيه هلـبا حجـات😉
انـي..ان شاءالله اليـوم هـدا من يـوم منحـوس يتحـول لـيوم حلـو
طـلال شـد يـدي ومـشينا للـسيارة..عـلاش منـحوس مـجـاوبتيش؟؟
انـي..لا جـاوبت بـس اليـوم عيـدميلادي ونفـس الوقت اليـوم هـو اللـي حـطونـي فـيه فـي دار الأيـتام
طـلال..خيـرك مـش حـاكيـتلي علـيه!!؟
انـي..شـي مـجاش فـي بـالي😓
طـلال..بـاه يـاروحـي توا نبـيك تكـوني هـاااديـة ومـاتسئليش ويـن حنـي مـاشيين لـين نـقولك تمـام؟
انـي..وين بنـمشو يـعني🙄فكـني مـن هبـالك وخلـيني نـروح
طـلال..يا تسـكتي يانـسكرلك فـمك باللصـقة😂
انـي..نننن خـرف
خـطـم طـلال ع حـوشهم وقـالي نـزلـي روحـك لـوطـة لـين نـطلعـو مـن شـارع
انـي..تي ويـن رافعنـي
طـلال..بلا اسـئلة واوثـقي فـيا بـس
وصـلنا حـوشهم فتـح تلفـونه بـعت مسـج وشـوية و طلـعت اخـته مـن البـاب ركبـت سيـارة مـن تالـي وطلـع يـجري مـن شـارعهـم وطـلعنا ع رئيـسي
طـلال..هـي نـوضي تـوا
انـي نـضت قـعمـزت..طـلال تقـدر تفـهمني شـن اللي قـاعد يـصير وتلفتت نبـي نعـرف شـن فـي لقـيت بنـت مـقعمزة وتـبتـسملي
انـي وليـت تلفـتت القـدام نحـساب روحـي نتـخايل وولـيت تلفتت مـن جـديد لقـيتهـا جـديات شـفت لـطلال بصـدمة وشـفتلها..مـنو هـدي😳!؟
طـلال ضـحك..اخـتي اسـراء
انـي تحشـمممت ووجهـي والا احمـرر سـلمت علـيها وولـيت قعمـزت وتلفـتت قـدامـي ومـعش قـلت ولا حـرف وكـل تفـكيري ان البـنت حتـاخد علـيا فـكرة غلـط انـي صـح شـن جيـبني مـع طـلال شـكلي خـديت راحتـي بـزايد!! يـاربـي شـن اللـي قاعـد يـصيـر وويـن مـاشيين ومـن السيـارة اللـي قـدامنـا هـدي مـن بـكري شـافلـي طـلال شـفتـله وانـي كـلي خـوف شـدلـي يـدي وحـطهـا ع المـارشة وغـمزلي انـي فنـصت فـيه وسـحبت يـدي طـول ضـحك وحـط يـده ع لحـيتـه وولـت نـظرتـه الـجدية وكـأنه تفـكر شـي وقـعد يـشوف لقـدامـه وبـس
.
.
قـبلها بـساعات مـن لحـظـة دخـولي للإمـتحان
عـند طـلال
بـعد مـا اتأكـدت انـها خـشت الامـتحان طـلعت الفـون مـن جيـبـي وكلـمت أحـمد وأيـمن وقلـتلهم ان تلفـون المـديرة بـين يـيديا لـكن لازم مـن حـد يـفتحـهولي
أحـمد..جيبـه انـي نعـرف نـفتحـه
انـي..ميـة ميـة
طـلعت مـن الـكلية وانـي نـحسب فـي الـوقت بالـثانيـة اتـصلت بـامي وحكيـتلها اللـي صايـر وقلـتلها تفـهم اسـراء لانـي نبيـها تمـشي مـعاي وافقـت امـي وسـكرت منـها ومشـيت للأولاد فـتح أحـمد الـتلفون وقـعـد يـبربـش فـيه لـعنـد مـاوصلـنا لأكـثـر مـن دلـيل واتـضحلـنا انـ المـديرة مـصورة حـتى فـيديـوات للاخ مـنير واعتـقدنـا انـهم كـتهديـد لـيه ولقـيناها بـاعتـة مسـجات عـلى الـواتس اب بيـنها وبـين مـنير ولقـينا هلـبببببة حـجـات تعتبـر دلـيل قـوي حـولنا كـل شـي فـي لاب توب ومن لاب توب فـي الفـلاش ورفـعت انـي مـعاي فـلاش واحمـد فـلاش وأيـمن فـلاش بـاش مـايضيـعش الاحتـياط واجـب شـفت السـاعـة
انـي..هـداكا هـوا خلـي نمـشيلـها نـاخدهـا ونـاخـد اختـي ونمـشو
أحمـد..اختك؟؟ علاش؟
ايـمن ضـربه عـ راسـه..فـي كـل شـي ذكـي جيـت فـي هـدي ولـيت غبـي بـاه كـان البـنت صـارتلهـا حـاجة داخـت والا شـي لازم مـايـكون مـعاها حـد
أحمد حـك راسـه..خـديتوني بـعين شـكله😂
طلـعنا مـع بـعض واحنـي فـرحـانين انـ واخيـرا وصّلنا لآخـر نـقطـة
مـشيت للكـلية ووراي أحمـد وايـمن وصـلت وخشـيت بـسرعة وكـنت متأكـد انـها طلـعت قـعدت نـدور فـيها لقـيتها خـطم مـن جنبـي واحـد يـبيـع فـي الورد اكيـد النـاس كـلها تعـرفـه🤣 خـديت مـنه وردة ومشـيت طـول ولقـيتها واقـفة وكـأنهـا مضـايقة تـوقعت انـها مـجاوبتـش مشـيتلها طـول وحـطيتلها الوردة قـدامها
كـانت تبـكي بـس وقت شـافتنـي حسـيت اللمـعة فـي عيـونها عـطيتها الوردة وهـدرزنا شـوية وواضـح انـها مـضايقة مشيـنا سيـارة وحكيـنا وطلـعت تعـرف بـإن اليـوم تـاريـخ ولادتـها وتـاريخ مـوتهـا وتـاريخ اللـي حـطوها فـيه فـي دار الأيتام شـعور اخـي مـايقـدرش حـد يسـتحملـه
.
.
نـرجعو للـوقـت الـحالـي
انـي..طـلال ويـن رافـعنا😣المـديرة حـدير فـيا الويـل لـو زدت اتأخـرت
طـلال..اصـبـري شـوية بـس تمـام!!
انـي..كيـف نصـبر طـلال كيييف واحنـي مـاشيين جيـهة حوايـز واسـتراحات روح بيـا طـلااال روح بيـااا😦
اسـراء..سلسـبيل مـاتخـافيش خيـرك اصبـري وحتفـهمي كـل شـي ارجـوك
انـي قـعدت نبـكي
اسـراء..اهـدي بـس
طـلال بـدون وعي شـد يـدي..اهـدي وراس حبـيبتي حيـمشي كـل شـي علـى خيـر اهـدي بـس
اسـراء تحشـمت وولـت لمـكانها ووجـهت وجهها للـروشن وهـي بتـضحك مـن غبـاء خـوها
هـديت بـعد مـاشدلـي طـلال يـدي وقـعد ضـاغط علـيها كـأنـه يمـتصلـي فـي غضـبي وصـلنا ودرس السيـارة طـلال وانـي قـعدت نشـوف للـمكان غـريب اول مـرة نشـوفه نـزلنا احنـي الخمـسة وقـعدنا نـشوفو للإستـراحـة واضـح انـها تجـنن هـدي مـن بـرا هـكي امـالا مـن داخـل كـيف!!!!!
.
.
.
قـبل هـدا كـله نـرجـعو للـصبح عـند السـفيـر ومـرته كـان الـيوم هـدا المـشؤم عنـدهم فـمسـتحيل تجيـهم نيـة يـديـرو اي شـي كـان السـفير يـعطي فـي اليـوم هـدا اجـازة لـكل اللـي يـخدمو عنـده ويـطلع هـوا ومـرته لـلإستـراحة نـاضـو الصـبح بـدلو وركبـو سـيارتـهم وطـلعو
محـمد...ايييييه يـادنيـا لـو بـنتنا عـايـشة تـوا راهـي تفـكر لـعيد ميـلادها😓
آمـنة..تـلاقـينا فـي الجـنة ان شـاءالله يـارب
مـحمـد..اميـن يـااااارب
قـعدو طـول طـريق وهـما سـاكتيـن لـعنـد مـاوصـلو لـإسـتراحـتهم كـالعـادة وخـشو واسـتريـحو فـيها وبـعدهـا نـاضـو يـروقـو ويـحكـو عـ الحـياة وكـيف صـاير فـيها طيـبو الغـدي مـع بـعض وهـما يـحاولو يـنسجمـو ويـغيـرو جـو فـي هـذا اليـوم اللي مستـحيل يـمر بـسرعـة علـيهم💔 لـعند مـاسـمعـو البـاب الخـارجـي يـطق شـاف الأب مـحـمد الـشـاشة مبـينتلـه مـن فـي فـي الشـارع واسـتغرب بـوجود خـمسـة اشـخاص وبـاين انـهم شـباب صـغار خـاف يـكونو عصـابة فـ مبـاش يـفتح
آمـنـة..مـنو يـا مـحمد
مـحمد..مـانعـرفش شـوفـي مـن الشـاشة
شـافت آمـنة وهـي مسـتغربـة وتـعصر فـي دمـاغهـا وتقـول ممـكن يـكونو صـحـاب صـغار سـلفـها قـعـد محمد مـاشي جـاي وهـو يفـكر شـاف مـن جـديد للـشاشـة وهـو مـشبه علـى أيـمن واذكـر انـه يـخدم عنـده فـي الشـركة واسـتغرب وجـوده طـلع طـول وفـتح فـكر انـ يـكون طـايح فـي مشـكلة ويـطلب مـنه فـي المـساعدة
آمـنة تشـوف لـسـلسـبيل وتبتـسم..سـبحـان الله نـسخـة مـني وقـت كـنت فـي العـشرينات الله أكبـر عليـها ااااه فـعلا يـخلق مـن الشـبه اربعـين فـاقت ع روحـها ومـشت لـبست بـدلة الصـلاة و طلـعت ورا راجـلها
.
.
.
عنـدي انـي قـعد يـقولي طـلال..شـرينـي ومـاتبـطليش لـين يفـتحو
انـي..تي كـيف مـني فـيه اهنـي
اسـراء..طـلال كنتنـا قصـقاصـة هلبـا واعتقـد امـي مـش حـتوافق علـيها كـانها بتقـعد بالعـناد هـدا😂
انـي تحّشمت وقعـدت نـشريـن وجـي فـي بـالي ان يكـون طـلال دايـرلي مـفاجأة بعيـدميلادي اليـوم واكيـد امـه داخـل😅 لعنـد مـانفـتح البـاب وكـان راجـل شـباني نعـطيه عمـره فـي الخمسـينات كـان شـعره ابـيض ولحـيته بيـضاء ولابـس جيـنز وتيـشرت هـو صـح رجـل خمـسيني لـكن قـيافتـه واهتمـامه بنفـسه تعـطيه اصـغر مـن هـكي جـت عيـني فـي عيـنه قـلبي دق ابتـسمتـله وهـو رد الإبتـسامه وشـاف لـ الـولد اللـي مـعانا طـول
محمد.. #يـتـبع
.
.
انـ شـاءالله تنـال إعـجابـكم وهـيا نـبي تفـاعـل أقـوى لانـي تعـبت فـيها هـلبـا❤ #حـنـو
