𝐘𝐎𝐔𝐍𝐈𝐕𝐄𝐑𝐒𝐄

𝐘𝐎𝐔𝐍𝐈𝐕𝐄𝐑𝐒𝐄-2 [ ɪɴᴛᴏ ʏᴏᴜʀ ᴡᴏʀʟᴅ ]

[Unicode]

𝐘𝐎𝐔𝐍𝐈𝐕𝐄𝐑𝐒𝐄-2
■■■ ɪɴᴛᴏ ʏᴏᴜʀ ᴡᴏʀʟᴅ ■■■

ဂျုံအင်၏ ပျင်းရိဖွယ်ရာ ​နေ့စဥ်ဘဝသည် ဆယ်ဟွန်း​ရောက်လာသည့်​နေ့မှစ၍ ပျင်းစရာအချိန်ပင်မရှိ​အောင်ဖြစ်လာရသည်။

ဆယ်ဟွန်းသည် ဂျုံအင်၏ဘဝထဲသို့ တစ်​ယောက်တည်းဝင်လာခဲ့ခြင်းမျိုးမဟုတ်​ပေ။ အ​ပေါင်းအ​ဖော်နှင့်တကွ လာ​ရောက်​နှောက်ယှက်​သည်ဟုဆိုရ​ပေမည်။

ချန်း​ယောလ်က သူ့အိမ်သူ့ယာကဲ့သို့ပင် မီးဖို​ချောင်ထဲတွင် အကုန်ရှာ​ဖွေကာ ချက်ပြုတ်​နေ​သည်။ ဆယ်ဟွန်းက​တော့ ဧည့်ခန်းထဲမှ ဆိုဖာ​ပေါ်တွင် ဂျုံအင်၏ ​ဘေးသို့တိုးကပ်ထိုင်​နေ​လေသည်။

"အိုဆယ်ဟွန်း ​!!! ... ဘာလို့ ဒီ​လောက်ထိ တိုးကပ်​နေတာလဲ"

ဂျုံအင်​အော်လိုက်သည့်အခါမှ မျက်နှာငယ်​လေးနှင့် ဆိုဖာအစွန်ဆုံး​သို့ ဆယ်ဟွန်း ပြန်​ရွှေ့ထိုင်​​လေသည်။ထို့​နောက် မ​​ကျေမနပ်နှင့် ဂျုံအင့်ကိုပြန်​အော်​ပြော​လေသည်။

"ကိုကိုကလည်း ... ကျွန်​တော်ဒီကို​ပြောင်းလာတာမှ ဘယ်နှစ်ရက်မှမရှိ​သေးဘူး ဘာလို့အလုပ်ထွက်လုပ်မှာလဲ ကျွန်​တော့်အနား​နေ​လေဗျာ ... ။ ပြီး​တော့ Hyung ကလည်း ​နောက်တစ်ပတ်ဆို ပြန်ရ​တော့မှာကို "

ဘာအလုပ်မှမလုပ်ပဲ နေချင်စိတ်မရှိ​တော့​သော​ကြောင့် အလုပ်​​ခေါ်စာများရှာကြည့်ပြီး အလုပ်သွား​လျှောက်ရန် ပြင်ဆင်ပြီး​သော်လည်း က​လေးလိုမျိုးဆယ်ဟွန်း ဂျီကျ​နေ​သော​ကြောင့် ဂျုံအင် ထိုင်​နေရာမှ ထ၍မရ​ပေ။

ဂျုံအင် အလုပ်ရှာရန် ဆုံးဖြတ်မိသည်မှာ ဆယ်ဟွန်း​ကြောင့်လဲပါသည်။ဆယ်ဟွန်း မျက်နှာခြင်းဆိုင် အခန်း​သို့ပြောင်းလာသည့်​နေ့မှစ၍ အချိန်ပြည့် နည်းလမ်းမျိုးစုံ၊ အ​ကြောင်းမျိုးစုံဖြင့် ​ချောင်း​ပေါက်မတတ်ပင် ဂျုံအင့် အခန်းသို့လာသည်။ သူတစ်​ယောက်တည်းပင်မဟုတ် တစ်ခါတ​လေ ချန်း​ယောလ်ပင် ပါလာသေးသည်။ဂျုံအင် တံခါးမဖွင့်​ပေးသည့်အခါမျိုးတွင် အခန်း​ရှေ့၌ အကျယ်ကြီး​အော်​ခေါ်​နေတတ်​သည်။