للكاتبه:Aloo🔪Es
الحلقه:الاوله
سارا و الدموع معبين عيونها:ماما بلهي عليك منبيش نتزوج....حرام عليك
لطفيه:هيا نوضي بلا جو الدلع يلي اديري فيه....هيا قعمزي خلي مراء تخدم هدمتها ولا تبي اتخشميني قدام الناس
سارا:حتي عرس مدرتوشي و تبيني نسكت والله حرام
البنات يلي بتحط الميك اب:خلاص.....ياسارا ...علاش تبكي توه انتي عروسه
سارا:انتي شن دخلك فيها.....ادلعي من داري منبيش حد.....خلاص اني قلت منطلعش يعني منطلعش
لطفيه:اتكلمي مع البنت بالباهي.....اني خلاص اعيت...
تلعت لطفيه من دار وهيا معصبه...وهيا طلعت تلاقت مع نسوين اولادها
هدى:خيرك خالتي شن فيه
لطفيه:والله تعبت من هالبنت منعرفش شن اندير معها.....قاعده تعيط وتبيش اتحط الميك اب....بالهي ياهدى بري شوفيها
هدى:باهي خالتي توه نشوفها....هيا مها نمشو نكلمو سارا
نزلت لطفيه تشوف اذا البوفيه وصل من مطعم والوضع كان تمام العشي يلي جهزوه لعرس سارا.....وخروج سالم من المشفي
للكاتبه: Aloo🔪Es
مها وهدى دخلو دار سارا:الله الله كل هالدموع ع خاطر بتستحشينا يالدبه
سارا وصوته كله عياط:والله بنستحشك كلكم لكن انتي راضيه يا مها شن يصير ليه كاني بضاعه بيعاها......حتي زواج دخلو فيها مصالح...
هدى:الله يهديك ياسارا.....ماهو انتي قتلي نبي نتزوج.....اهوو بيزوجوك....تبي تصيري مطلقه
سارا:ايييه عادي.......ولا اعيش مع واحد لانحبه ولا يحبني
مها:ومني...قال انه ما يحبك ومتزوجك علي مصلحه
سارا:علاش.....اني غبيه ولا انتي تبي تتغابي ...لي اسبوعين مخطوبه ولا عمره كلمني كلمه....ولا شفته الا يوم الخطوبه...وشافته ساعه بس و طلع ....وهو باين عليه مغصوبه
مها:الراجل مينغصبش....متفكريش هكي.....انتي تعرفين الطروف الي مرو عليها....لولا طيحة عمي سالم....راهو دارولك عرس
هدي:انشاءالله ياسارا لما ترجعي من شهر العسل انديرولك حفله
سارا:علاش...تبو تحتفلوو بانتحاري
هدى:حرام عليك راجل طيب...ومحمد ديما يشمر فيه
مها:وقالو حلوو وطويل
سارا:ماهو شفته....شكلك انسيتي انه هو خوو صحبتي سليمه..وسليمه ديماا تشكي منها
هدى:هيا بلا حركات متع الاتراك راك كبرتي
سارا:والله مش قصة اني كبرت....ولا وحده من صحباتي متزوجه.....
يتبع...
عارفه الحلقه قصيره لكن الحلقه التانيه رح اتكون اطول من هكي 💝
تعليقاتكم تهمني👌 و انشاءالله اتكون عجبتكم الروايه
❤الخوف من الحب ❤
للكاتبه:Aloo🔪Es
