نحافة جسمي💞

بارت 08💞

رتاج بين يدين نسيم لموس 🔪في كرشها ولهروب مستحيل، تحاول فيه يخليها تروح؟؟
رتاج: عيشك نسيم انا حبيتك بنيتي ومن قلبي وما أذيتكش بحتى حاجة خليني نروح لدارنا تعيش
نسيم: انا لي نقرر وين تروحي لداركم ولا لبلاصة خرا، نتيا مشكيتش حتى واحد راح تعجبيه بهاد لاطاي حتى صدر ومكانش ههههه وش راح ندير بيك
رتاج:ما عندك مدير بيا والله شوف كيفاش راني تقول منيش مرا خلاص اطلقني نروح
نسيم:مزالكي تهدري قتلك انا نقرر ،رانا قريب نوصلو
رتاج في حالة تدعي في ربي يسلكها من بين يديه
وكيما يقلك لي خلق ما يضيع
شويا هكدا وحبس لbus دخلو جدارمية داو نسيم وسلكو رتاج من يديه ورجعت للدار في شوك
خالتي سليمة:يا بنتي متقلقيش روحك راح هدا يجي غيرو حمد الله كي سلكتي منو ومن شرو
رتاج:لالا ماما غلطة نتاعي انا حطيت راجل هوا كلشي في لحياة وقللت من شأني وكي لمتسولة في شوراع نسنى في كاش راجل يجي يرحمني ولا يشفق عليا منا وليوم راح نعيش حياتي ونفرح بيها ونحب روحي كيما راني جسمي نحيف معليش مهيش نهاية لعالم
وهكدا رتاج قررت تعيش براسها ونحات فكرة زواج من راسها كرهت حاجة اسمها راجل ولا زواج
بدات صفحة جديدة في حياتها 
تنوض صباح تفطر مليح وتروح لخدمتها جديدة لي كانت مضيفة في لوتال بشويا حتى فتحت ريسطو كبيرة للمؤكولات كانت تخرج وتنحي على قلبها سجلت في نادي رياضة ولاو عندها بزاف صحبات، حياتها ولات تووووب حتى وين لحق نهار وكي عادتها في ريسطو نتاعها قاعدة مع اماني يڨسرو حتى دخل عليها زلة الله يبارك مقدرتش تقاوم شبوبية نتاعو اسمو وائل راجل ومتربي خدام ماصو
دخل ديركت راح لعندهم رتاج خافت في لول
وائل:هاكي دارهم اشري تلفون لي تحوسي عليه
رتاج:حايرة
اماني:يااا مرسي خويا لعزيز
رتاج:هدا خوك
اماني:وي خويا وائل لي ديما نحكيلك عليه،وائل هادي صحبتي رتاج لي حكيتلك عليها
وائل:سفا رتاج سمعت بلي صرالك معليش ربي يعوضك مخير عليه
رتاج:نحيت فكرة راجل وزواج من راسي
وائل:هههه هدا مكتوب ربي كي ليوم ونتي بلحمل في شهر الرابع 🤣🤣
شايخو وڨسرو بزاف حتى غلقت ريسطو
رتاج:اماني خوك بزاف شباب ومتربي
اماني:مرسي
رتاج وهيا ماشية في طريق علاش ربي مبعتليش واحد كيما هكدا رزين وعاقل وولد فاميليا
روحت متحسرة للدار تعشات وغسلت ماعن وقعدت تكونيكتي مع صحباتها حتى جاها طلب صداقة جديد زعما شكون بعتلها
بارت 09💞