The Order of Coinage [ Oneshot ]

The Order of Coinage [ Unicode]

ကျွန်​တော် လူမှန်းသိတတ်စတည်းက
မိဘ​​မေတ္တာဆိုတာ ဘာမှန်းမသိခဲ့ဘူး

မူကြိုအရွယ်က​လေး​တွေ
မိဘလက်ဆွဲရင်း တပူပူတဆာဆာလုပ်တဲ့အချိန်
ကျွန်​တော့မှာဆွဲစရာလက်မရှိခဲ့ဘူး

ပြိုင်ဆိုင်မှုများတဲ့​ လောကကြီးထဲ
ကျွန်​တော့ဖြစ်တည်မှုက
တာဝန်အရ ​မွေးထုတ်ခြင်းသာသာ

သို့​သော် တစ်စုံတစ်​ယောက်က​တော့
ကျွန်​တော့ဘဝထဲသို့ ဆုလာဘ်တစ်ခုလို ဝင်​ရောက်လာခဲ့သည်

🍀 Leo 🍀
//////////////////////////////

ကျွန်​တော်က ဘဝကို
ရိုးရိုးရှင်းရှင်းပဲဖြတ်သန်းပါတယ်
အ​လေးအနက်ဆု​တောင်းတဲ့သူ​တွေရဲ့
စိတ်ဆန္ဒဖြစ်​မြောက်​အောင် ဖြည့်ဆည်း​ပေးရင်း...

တစ်စုံတစ်​ယောက်က
အရမ်းလိုအပ်​နေလို့​ ​တောင်းဆုပြုတဲ့အခါ
ကျွန်​တော့နားထဲ သူတို့ဆု​တောင်းသံ​တွေက
သူတို့အလိုမဖြည့်ဆည်း​ပေးမချင်း
တလွင့်လွင့် ရိုက်ခတ်တတ်သည်

ကျွန်​တော်ကသာ ခုချိန်ထိ ဘာကိုအလိုရှိပြီး
ဘာဆု​တောင်းရမလဲဆိုတာ မသိ​သေး

အကယ်၍ ​တောင်းဆုတစ်ခုခုသာပြုလို့ရမယ်ဆိုရင်
ကျွန်​တော့ရဲ့အထီးကျန်ဆန်တဲ့ဘဝကို
အ​ဖော်ပြု​ပေးမယ့် လက်တွဲ​ဖော်​လေးတစ်​ယောက် လိုချင်မိတယ်

🍁 Toy 🍁
..........။........

ဟိုင်နန်Blogကပြန်​ရောက်ပြီး ၂ရက်​မြောက်.
တနင်္လာ​နေ့မှာ​ Leoအလုပ်လာဖို့ထွက်ခဲ့တယ်
လက်စွဲကင်မရာလေးကိုလွယ်ရင်း studioအလုပ်ခန်းဆီသို့...

ပုံမှန်ဆိုဘတ်စ်ကားစီး​နေကျပေမယ့်
လူမတိုးချင်တာ​ကြောင့် လမ်း​လျှောက်လာခဲ့တယ်

အရင်ကလူအမြဲရှုပ်နေတဲ့​​ ရေပန်းရုပ်တုက ဒီ​​နေ့​တော့တိတ်ဆိတ်​လို့
ကြည်လင်နေတဲ့​​ရေကန်​အောက်​​ခြေမှာ ဝတ်ပြုဆု​တောင်းထားတဲ့ အ​ကြွေ​​စေ့​​​ပေါင်းများစွာ ...

Leoခဏ​ရပ်​ငေးပြီး​နောက် ​ဘောင်းဘီအိတ်ထဲက အကြွေ​စေ့​ကိုထုတ်လိုက်တယ်
ငယ်ငယ်တည်းက ဆုတောင်းတာ​​တွေမလုပ်ဖူးတဲ့
သူက ဒီ​နေ့​တော့ပထမဆုံးနဲ့​နောက်ဆုံးအ​​နေဖြင့် တောင်းဆိုကြည့်မိသည်