رواية 🔥هروب غير حياتي🔥 (خيال)

الحلقة 1🔥المقدمة

رواية : هروب غير حياتي🔥 باللهجة الليبية من وحي خيال الكاتبة

الكاتبة : 🔥ولاء_الهتلرية🔥
.
.
.
الساعة ال5:30العشية.🕟
.
سمرا :كنت متكية ع باب الدار حاطة راسي بين يديا ومسكرة وداني بسبب المشكلة إلي كل يوم بسبب العراك والمشاكل جتني حالة نفسية بديت مش متحملة 😞
بس وقتها فكرت أي فكرت لأني خلاص ملييت شفتهم مرة أخيرة قبل ما نطلع كانو متشابكين في بعضهم أمي طايحة علي ركابها اختي تعيط خوي سهيل يبكي بقوة شفت للباب وطلعت...

جريت بقووووة كنت نسمع في صوت السيارات ونسمع في الكلاكساط ونجري ونعيط لين وصلت قدام المطار لأن كنا نسكنو جنب المطار جريت جريت بقوة لقدام باب المطار شفت الركاب كيف راكبين وشفت الناس كيف تشبحلي ......يتبع

~~~~~~~~~~~~~~
🔥روايات الهتلرية🔥

مرحبا 👋 اني سمرا م2005 نسكن في..... بدون ذكر

مناطق ، اني بيضة وطويلة شوي شعري كاري لجنب

وداني وعيوني كبار وعسليات )) اني عندي 4 خوت

سهيب أكبر واحد م90 وسفيان م93 وسيف م98

وسهيل م2000 وعندي اختي تؤام سهيل

2000حتى هيا اسمها سهر وبابا اسمه عمار م66

وماما اسمها ميرا م78

عيلتنا ديما عرااكات من لما كنت صغير لأني اني

أصغر وحدة كانو ديما خوتي وبابا يتعاركو بع بعض

ماعاد سهيل كان هاااادي الباقي كلهم ديما عراكات

~~~~~~~~~~~~~~
🔥روايات الهتلرية🔥

اليوم الأول من الرواية🌃

عمار (بابا) : ياسهيب سفيان نوضو سيف تي نوض انت وياه نوضو مسد مبطلين من القراية وزيد تاني نوم نوووض😡

سهيب : تي باهي وين نمشو بابوي الساعة 8

عمار : سهرانين البارح ع البابجي ولا شنو اسمها لعقابات الليالي مع الرديف عياد ومعتز والله لما نلزهم تو تشوفو

سيف ناض وقف من الغل😠 : باهي خلينا نبيعو وحدة من أراضي جدي الله يرحمه ونخدمو علاها

عمار : تي والله يا حيوان الأراضي ماك رأي منهم شقفة نوضو تخدمو علي روسكم ولا تبو ثورتوني ونا حي

[طبعا مقلتلكمش علي بوي بوي حالته أي حالته مش حالتنا لأن بوي معمره وفرلنا إلي نبوه كل شي لا لا لا لا حالته المادية فوق الريح جدي الله يرحمه كان عنده أراضي وحياش كلهم كتبهم ب اسم بوي ع خاطر بوي ولد وحد علي 6بنات وابوي ميبيش من يخدم فيهم نهائي]

سفيان : مالا شنو تبينا نمشو نخدمو عند الناس يقولو علينا بوهم معبي أراضي ويخدمو عند الناس

سيف : ايه صح يابوي

سهيب :😴😴

عمار : تي نوووض يا فرخ نوض انت وياه اخدمو والله ماكم رايين مني مليم احمر

ميرا خشتلهم في المربوعة قايمة يديها وتلعلع : واللهي تبي ولادي بخدمة ويتعبو وحضرتك عابيلي علي شقفة هالارضين نوض زيك زيهم تخدم باش توكل عيلتك

عمار : تردي عليا في الدوا انتي وياهم (سكر الباب برجله وجبد سبتت السروال متع سفيان إلي طايح لوطة) تو نوريكم

سفيان&سهيب&سيف&:😱😱

_______________
في المدرسة متع سمرا كانت قريبة من حوشهم لأنهم كانو يسكنو في منطقة كلها مباني وجنبهم مطار ....(بدون ذكر مناطق):-

سمرا في ساحة الاستراحة مع صحباتها ومقابلها إسلام 😍

[إسلام : إني ولد واحد عند بوي عندي تلاته خوات عائشة تقرأ مع سمرا وعطاف متجوزة وساكنة في تركيا وآيات عمرها 3سنوات ، بوي يحبني هلبا وموفرلي كل شي نبيه لأني رأس ولد ونحب سمرا ]

عصومي ولد يقرأ في ال6:سمرا سمرا

سمرا : نعم خيرك خلعتني انشالله خير

عصومي ياخد في نفس : اختك تعيط في حوشكم

سمرا : تي شنو تحكي اختي في الكلية

عصومي : معناها أمك اعيطاها لآجنب المطار

سمرا:😱😱 ومشت تجري مش حاسة ب شي غير أنها تجري وتجري لعند ماوسلط😨

إسلام : يجري معاها حتى هوا وخايف عليها

سمرا : بوي😨....)!
🔥روايات الهتلرية🔥

يتبع........تفاعلو