لا تترك يدي

اني عذراء عمري 17 سنة مواصفاتي حلوة وبسيطة واحلة شي بية هنة عيوني بي لون زيتوني ع اخضر.

عندي اخو واحد صغير بعد ماولدتة امي وتوفت اسمة جود وهوة الي مصبرني ع هلحياة كلش متعلقة بي لين اني الي ربيتة وابوي اتزوج لين مايكدر يضل ويانة او يهتم بينة بلبيت فتزوج ومرت ابوي اسمهة حميدة وعندهة بنية تقريبا بعمري وهية مطلكة فأبوي هم قبل يتزوجها بس جانت مو زينة وياية بحيث اخوي الصغير تعلق بيهة هواي لين بس يجي ابوي تبين العكس وتهتم ببتهة الي هية نور واني احب نور وكذالك نور تحبني مو مثل امها فمرت الايام والسنين واني وصلت كلية وتخرجت بمعدل 96.85 الحمدلله واني جنت رايدة معدل 99 بس الحمدلله وقبلوني كلية طب عام لين جان صديق بابا اهناكة فقبلوني واني جان هذا حلمي وجان مرت ابوي ضاجت لين نور جابت معدل 78.67 بلرغم جانت حاطتلهة كل كتاب مدرس ومن غير الدورات الي نزلتهن بس اني ضليت ادرس علة نفسي وعلة ربي والحمدلله ونور انقبلت بمعهد عربي واخوية جود جان بي مرض التوحد فجان بالي من حيداري من بعدي مرت ابوي ملتهية بشغلة لين هية موظفة فكال بابا يمي يضل يروح بلرغم هوة جان مايحب ناس هواي وابوي عندة مقهى المهم باجر اول يوم الي بلكية.....

الساعة 5:33 فزيت من النوم ع صوت المنبه كمت غسلت ولبست وخلصت واخذت جنطتي ونزلت جانت حميدة تصب الريوك ونور كاعدة وبابا وجود جان نايم فصبحت ع الكل كلعادة كلهة صبحت بجمال الة حميدة من ورى خشمهة وجانت ضايجة لين اول يوم الي بلكلية وبابا جان حاطلي خط فأكلت لكمتين وشربت حليب وكمت اجة ابو الخط ودعتهم وكلت لبابا يدعيلي علمود اول يوم الي ونور هماتين خطية فرحانة لفرحي وجان بودي اروح لحميدة بس اعرف گلبهة ميحن علية وتمنيت امي عايشة بهذاك الوكت بس الحمدلله ع كل حال صعدت وي ابو الخط وداني للكلية.......

،،،،،،،،،،،،،$،،،،،،،،،،،،،$،،،،،،،،،،،،،،،$،،،،،،،،،،،،،،،،$
سلامن من عليكم اني مصطفى عمري 29 سنة اني دكتور بكلية الطب العام الجديدة انوصف بعيوني العسلي وضخامتي لين انة وارثهة الضخامة من ابوية الله يرحمه واجدادي يعني جسمي معضل بدون لا لعب نادي ولا غيرة وراثة هيج شي انة كلش عصبي  وقاسي وبنفس الوقت عطوف ماعندي غير اخت وحدة وهية نجمة عمرهة 20 الي جابت معدل 95 ونص ودخلتهة بلكلية الي ادرس بيهة  بلكوة  لين يردون معدل 99 فمافوق وامي الله يخليهة الي الحنينة الي حضنهة ماكو منة
الله يديمهة الي ويديم امهاتكم ويرحم موتاكم فبعد مابدت ايام الكليات جانت نجمة متوترة لين ماتعرف شخص بلكلية وجانت خايفة من الروتين اهناكة فلمن كلتلهة اني ادرسكم انشالله اطمنت لين بنفس الوقت اخوها وماريدهة تفكر زايد.

كعدت ع صوت امي تكعدني اصلي وكعدت بعدهة الله يخليهة سوت ريوك ونجيمة بعدهة نايمة ماليكول امس سطرتني شلون وشلون اخاف اتأخر وووووو راحت امي تكعدهة مافاد

ام مصطفى.. يمة هاية اختك ماتكعد اخاف شاربة حباية منوم كوم شوفهة حبيب

مصطفى.. انشالله يمة كايم كايم رحتلهة الاخت الحلك مفتوح والشعر كفشة ادري شجاها هاية اخاف التفكير اخذ عقلهة
نجمة كومي يلا دوام بعد ماتلحكين يلا يلا يلا يلا يلا يلا يلا
مافاد جبت كاسة ماي بارد مثلج وكبيتة عليهة وطاح ابطن حلكهة وكعدت تكح

نجمة.. صدك جذب خوية لوميتة شعندك مكعدني
مصطفى.. لج حيوانة كومي دوامج ماترحين

نجمة.. zzzzz هااخ شنوووووووووو ابيش الساعة
مصطفى..بل 7.

نجمة.. يبووووووه ماروح مالحك بعد اهئ اهئ ليش ماكعدتوني من وكت
مصطفى.. لج امج انبح صوتهة وانتي ماكو ادري شنو تنبل

نجمة.. خوية ماروح اطلبلي اجازة مالحك اكلك
مصطفى.. هوة شنو صف اول انتي يا اجازة وهنوب اول يوم تكومين لا وعلي اسحلج سحل

نجمة.. كايمة كايمة 😒😒

طوط طوووووووط

ام مصطفى.. لج يمة يلا شلقصة اطلعي لخوج متانيج
نجمة.. يمة حبوبة ادعيلي يلا طالعة طالعة

يتبع......