الحلقة الرابعة ✨👇
رواية صديقات العمر 👭💗
للكاتبه لولي الحميدي 💕💕
عم الهدوء دقائق
كريم " شن جو قرايتك
شهد " تمام
شهد توترت من وجوده حبت تغير الجو
شهد " كريم
كريم " نعم
شهد " عادي اتجيبلي طاسة اميه
كريم " تمام
مشي كريم لي المطبخ وهو يفكر ( كريم خلاص انت تحبها اعترفلها متقعدش هكي وقعد صراع بينه وبين نفسه قرر بعد يرفع الميه يعترفلها)
رغد " شهودة شن الجو
شهد " ي كلب عطلتي مخليتني مع خوك بروحنا
رغد " احم توترتي منه ولا 😜
شهد " باهي ياتافهة نبي الكتاب الي خديتيه مني هيا وبنروح
كريم " تفظلي
شهد " ثانكس
رغد " تعالي نعطيهولك
مشت رغد وشهد وكريم يتبع فيهم بي عوينه
(مسكين فرصة فاتت عليه 😂 )
_____________
كتابة لولي الحميدي 💕💕
____________
البنات ملتمين عند شهد
ريان تيليفونها يتصل سكراته وحطاته
رغد " منو
ريان " محمد
رغد ، شهد، يقين " منووو 😳😳
رغد " ياكلب منو هادا معندناش علم بيه
ريان " تو انحكيلكم عليه
ريان بدت تحكيلهم عليه وكيف تلاقو في المطار وفي تونس وكل الي صار لي اليوم كيف تعرفو علي بعض وبدو اصدقاء
يقين " حي طراف لاكن هوا وصاحبه هداك اليوم 😂
ريان " 😂😂😂
وكملو هدرزة وروحو البنات
شهد " يام بندخل نرقد اني متبي شي
عواطف ( ام شهد) كملتي الكوجينه
شهد " ايه
عواطف " باهي بري
___________
ثاني يوم
رغد " الوو
جبران " ايواا شن الجو
رغد " تمام كان يقين جنبك متحسسهاش اني انكلم فيك
جبران " اه تمام
رغد " نوض من جنبها
جبران " نضت شن في
رغد " عارف ان بعد يومين ميلاد يقين
جبران " اي عارف
رغد " تمام احني مدايرلها مفاجئة ونبوك تساعدنا
جبران " مفيش مشكلة كيف بنساعدكم
رغد " اتمثل ان ناسي اليوم ميلادها ونبيك ترفعها لي الصالة الي مدايرين فاها الحفلة من غير علمها
جبران " تمام هادم ساهلات
رغد " مشكور
جبران " خليك علي تواصل معاي لو احتجتو حاجة
رغد تمام باي
جبران باي
جبران سكر الخط وقعد يشبح لي التيليفون ويضحك اخخ من صوتها 😜
____________
كتابة لولي الحميدي 😌💗💗
___________
ريان " ياهلا
محمد " اهلين بالحلو شن جوه
ريان "تمام وانت
محمد " عسل بعد سمع صوتك
" ريان " اها 😅
محمد " وين مغيبه
ريان " انجهزو لي عيد ميلاد يقين
محمد " اها امت
ريان " بعد يومين
محمد " وين بديروه
ريان " مش عارفة قعدين اندورو في صالة صغيرة للايجار
محمد" عندي محل صاحبي علي دورين الفوقي فاضي انكلمه عادي
ريان " جديات عادي ايه تو انكلم البنات
محمد " تمام باي تو انكلمه
ريان " باي
كلمت ريان البنات وعجبتهم الفكرة
_____________
في نفس اليوم في الليل
جبران شاد فونه ويتفرج علي قائمة الاسماء القي اسم رغد حط عليه اتصل ومش عارف شن بيقول اصلا
رغد ايواا
جبران ياهلا
رغد اهلين
جبران شن جوك توا
رغد تمام
جبران محتجتو شي مناقص شي قوليلي عادي بفاجئها معاكم
رغد حاليا كله تمام لو احتجت نكلمك
وكملوها هدرزة لي قريب الساعة 2.
__________
يوم عيد ميلادها
جبران صباح الخير خويتي الغالية
يقين صباح النور
جبران متبي شي بنطلع
يقين سلامتك
يقين استغربت في خوها كيف انسي عيد ميلادها ومبتش اتقوله
_________
البنات في القروب يهدرزو فتحت شهد مفيش ولا وحدة معايدتها
شهد " صباح الخير
رغد " صباحووو
ريان يقين " صباح النور
وقعدو يهدرزو ومفيش ولا وحدة بينت ان اليوم في حاجة
جبران " يقين ي يقين وينك
يقين!" نعم
جبران " نبيك في حاجة
يقين " شنو
جبران " في بنت عاجبتني ونبيك
يقين " متقولش وحدة من صاحباتي
جبران " ( ياريت نقدر انقولك نبي صاحبتك ) اه لالا نبيك تطلعي معاي بناخدلها هدية بسيطة
يقين " شوف اسيل مخاطريش
اسيل جايه من بعيد وعارفة ب المفاجئة
اسيل " لا مدخليش قالك انتي
جبران " هيا وتي روحك اني منشاورش فيك فيسع هيا
يقين " اوووف باهي
جبران " اسمعي
يقين " هم
جبران " ردي باهي
يقين " نعم
جبران " كلمي صاحبتك رغد خلها تمشي معاك تساعدك في الاختيار
يقين " رغد 😜😜
جبران " بري درقي وجهك هيا
يقين " باهي
______
يقين " الوو رغوش
رغد " ايواا
يقين " شن اديري
رغد " ولا شي
يقين " اه باهي جبران بيطلعني قالي قولي لي رغد تطلع معاك
رغد " باهي عادي
يقين " مش مشاورة اهلك
رغد " هيا مكلمتهم ان اليوم بتطلع عيد ميلاد يقين / اه ايه مش رح ايقولو لا عادي
يقين " تمام شوية وانجوك
رغد " تمام
______
ريان " الوو حمادي
محمد " عيونه
ريان " اني جاية لي المحل نبي العنوان
محمد &*$&%%#
ريان تمام باي نتلاقو
محمد باي
________
رتاج " من تكلمي ....... يتبع
رواية " صديقات العمر 👭❤
كتابة " الاء الحميدي 👻🔥
