القصة جميلة وكاملة جميع حقوق الطبع والنشر محفوظة ارجو الاستمتاع 🥇 😊 الكاتب رامز
سلام عليكم ورحمة الله وبركاته اليوم اعرفكم علئ حياتي المريت بيها ب شغلات هواية طبعا كلنا نواجه بحياتنا اشياء حلوة وأشياء مو حلوة وتخلينا نحزن بس هسة خل نعرفكم علئ قصتنة وعلئ أبطال القصة الجميلة 💝 بسم الله الرحمن الرحيم اسمي ناز: عمري حاليا 24 سنة تبدي القصة واني عمري 15 سنة نسيت اعرفكم اني عندي خوات 5 واخوان 4 خواتي (نور ودق جوري منارس كوثر) اخواني (محمد وعلي وعلاء ومهند) محمد وعلاء متزوجين وخريجين هندسة والحمدلله والشكر حالتهم كلش زينة اما علئ علي ومهند فا همة وياية بل بيت طبعا الكل بل بيت لان بيت جبير وابوية شيخ وامي ربة بيت طبعا احنة من الجنوب وناس معروفين عدنة البنية متطلع لمن يصير عمرها 16 وفوك قبل اني جنت العب ولد وبنات ودعابل وشغلات كومة فا جنت اعرف واحد العب ويا ودائما يضحكني اسمة فهد جنة نلعب 24 ساعة ونتونس وعرفت هوة من كرايبي هذا اكثر شي اعرفة علية المهم كبرت واهلي واخواني منعوني اطلع بعد لازم اتحجب والبس عباية لان بيتنة بي ديوان او مضيف وزلم تطب وتطلع فا من بعدها اهتميت بدراستي طبعا حالتنة المادية كلش زينة يعني حمدلله اي شي اريدة موجود وابوية وامي مدلليني اما عن خواتي نور متزوجة و منارس كذالك متزوجة وطبعا بيتنة جبير 3 طوابق كل طابق بي غرف طبعا الطابق الأرضي بي مضيف ومطبخ وممر يطل علئ غرفة الوالدة و الولد وحمام تكرمون والغرفة الثانية مخزن كلة طابق الأرضي بس غرفتين اما الثانية غرفتي وغرفة علي وغرفة لمهند وغرفة ل ودق اما الطابق الثالث غرف للمتزوجين علاء وزوجتة غرفة ومحمد وزوجتة غرفة وخواتي المتزوجات هم الهم غرفة ادري طولت بس اعرفكم اهم شي😂 طبعا احنة دائما اكو غرفة جبيرة بل طابق ثاني يعني تعادل غرفتين مسويها كعدة اني وخواتي واخواني مرات يجون ويانة لان منكدر نطلع بس ندرس وذابين حركتنا بل دراسة فا يلة نبدي ناز: اليوم نتائج تطلع واخيراااا😜🤪🤪
علي: إذا نجحتي شتريدين هدية
ناز: اريد جبس واندومي ونساتل😂😂🤪
علي: شهل هدية هاي أسواق ويمنة اجيبها يمج كلها اطلبي شي زين
ناز:ممممممم
علي:وجعم
ناز: انجب😒
علي:مو صوجج صوج الي يجبلج هدية
ناز: لاجذب جذب اشاقة اريد ذهب😊😁
علي: اي هاي الهدية الزينة مو إندومي تدللين بس نجحي 😂
ناز: انجح وغصب......ضليت اليوم افكر شوكت تطلع نتائج ياربي طبعا مال ثالث متوسط بكلوريا تعبت بهل سنة يارب المهم لحد ماكالو طلعت النتائج وبل فعل طلعها الي علي
علي: ناز شهل معدل خرب يومج طيحتي راسنة بل طين انتي بت شيخ هسة شيكولون علينة الا ابطلج علئ هل دكة يا ادبسز طبعا اني بكلبي خربان ضحك طبعا راد يغمئ عليها
ناز:علي طلع المعدل وكعد يغلط علية ويكول طيحتي راسنة اني هنا دم مابقئ بية لان اني واعدة الكل اطلع معدل زين..... صدك تحجي علي طبعا بهل لحظة كمت ابجي رسن
علي: شفتها كامت تبجي طكيتها بضحكة 😂 كتلها مبروك معدلج 90
ناز: شو هذا كام يضحك وكال معدلي 90 مادري شسوي اكتلة افرح ماعرف المهم كمت اكمز وفرحت وعيطت والكل اجة كتلهم نجحتتتتتتتت والكل يبارك طبعا امي وابوية اكثر ثنين فرحانين بية وابوية كلي شنو الهدية كتلة افكر واردلك كال اي شي تريدي يصير امي فرحانة كالت بهاي المناسبة اي شي تريدين طلبي طبعا اني المدللة فول😂😂 كلها تحبني لان أصغر وحدة بيهم ورة مفرحت رحت كتلت علي لان خوفني لمن كال طيحتي راسنة علمود يتادب😂
علي: كتلها معدل وفرحت وكمزت وعيطت والكل اجة ويباركلها فرحت الها ورحت يم ابوية بل مضيف المهم كعدت وشربنة كهوة وسوالف وية الزلم طبعا نسيت اعرفكم علئ نفسي عمري 25 البس دشداشة وغترة لمن اروح للمضيف يعني علئ الوالد الغالي نفس لبس لان يعجبني والحمدلله عدنة خير من الله
المهم كمل اليوم صعدت لغرفتي ساعة 12 اندك الباب علي: ادخللل
ناز: رحت علئ علي دكيت الباب كال ادخل دخلت وكتلتة واني اضحك وهوة مصدوم تخوفني مو تخوفني واني طاكة ضحك 😂😂
علي: دخلت ناز وجان تهجم علية ضربتني وتضحك تخوفني مو كتلها شنو أخوفج انصدمت كالت علئ نتائج فا ضليت اضحك كتلها تستاهلين ضلينا نضحك وراحت لغرفتها تنام طبعا اجت فكرة بالي احنة اخوة ونحب نشاقة بس علاقتي قوية بخواتي وخصوصا ناز فا جتي فكرة اخوفها لمن كالت تخوفني مو المهم فتحت تلفون رحت علئ يوتيوب طبعا جانت هستوها نازلة التلفونات الجلكسي الايفون بعدة فا جان جلكسي اول واحد المهم فتحت اليوتيوب ورحت علئ موسيقئ مرعبة وعليتها وفتت لغرفتها بهدوء طبعا ناز دائما تبقي شوية من الباب مفتوح لان تخاف😂 المهم دخلت بهدوء طبعا السرير جان بعيد من جهة الكنتور اني بعدني يم الكنتور هية ممنتبها ورحت شغلت الموسيقى وعليتها وحطيت تلفون بل كنتور بين الهدوم وطلعت وكفت يم الباب اشوف شتسوي واني بلحظتها خربان ضحك بس كاتم صوت ضحكة 😂 المهم كامت وتباع وتسمع صوت وتقرة ايات وجها كام ينطي الوان طبعا جنت يم الباب رحت لغرفتي لان احنة حايط علة حايط فا دكيت عليها الحايط هاي ابد ممسويها وجان اروح علئ سرير سويت نفسي نايم جان تجي مرعوبة سويت نفسي مادري جان تكول سمعت صوت وكذا واحد يدك الحايط فا هيا خافت 😂 كتلها ماكو شي روحي واقري ايات كالت ماشي ضليت اهدي بيها راحت ورة خمس دقايق كمت دخلت جان ادك علئ كنتور ضليت ادك هية ختلت نفسها جوة الغطة واني ميت ضحك جان اروح يم سرير واسوي صوت مرعب وهية ضلت تبجي وتعيط ب ايات جان ارفع الغطة وهية قوي لازمتة جان تشوف وجهي عيطت😂😂😂😂😂 خافت والله كلش ضحكت وضلت تضرب بية والله جان احلئ شي سويتة وهية ماتت من خوف مرعوبة المهم جتي ودق وجوري وكوثر ومهند كعدنة ضلينة نسولف ونشاقة ونضحك صارت ساعة 4 الفجر الكل راح نام كعدنة ثاني يوم اتريكنة وخلصنا رحت للحديقة كعدت اجت يمي اختي الي كل اسراري ونشاقة ونضحك سوة ودق طبعا علاقتي بخواتي قوية بس هية المفضلة عندي كعدنة نسولف ونضحك نشاقة فجأة اندك الباب كلت منو كال اني صوت ولد فتت طلقة جوة اخوية محمد بوجهي طلع
محمد:شبيج ناز
ناز:اندك الباب وطلع ولد جنت كاعدة بل حديقة
محمد: كلتلي متت ضحك 😂
ناز:شو هذا طك ضحك مدري شبي كتلة روح افتح الباب
محمد:رحت فتحت الباب طلع فهد رحبت بي ورحنة للمضيف كعدنة ونتكهوة ونسولف ونشاقة و صار الغدة وعزمنا تغدا وراح
ناز: رحت صعدت فوك لان محمد راح يفتح الباب طب واحد شايفتة مو غريب علية ابد بس كلبي مادري مشاعر تخربطت ماعرف شصار هو شافني لان جان ورة محمد يمشي طبعا اني جنت فوك بل طابق ثاني واشوف من جوة منو فا شافني شخص لحد الان ماعرفة بس شايفتة متأكدة نزلت يم الباب اسمع صوتهم يشتاقون وجانو يسولفون سوينة غدة محمد كال جيبو غدة لان فهد يمنة جاي اني لمن سمعت فهد مادري شصار متغير شكلة وكومة شغلات حلوة بي
علي:ناز شبيج صافنة
ناز: ها لا بس دايخة
علي: اجيبلج شي تريدين
ناز:لا هسة شوية وتروح
علي:تمام
ناز:كالو فهد طلع اخذو راحتكم اني رحت مرة ثانية اكعد بل حديقة لان ماعندي شي اسوية هسة خلصنا الغدة ضليت يمكن ساعة بل مرجوحة طلعو محمد وعلي وعلاء شافوني كالو شعدج
ناز:تغير جو ضوجة حلو الجو هنا
محمد وعلي وعلاء :تمام تريدين شي
ناز:سلامتكم مسئلتهم وين رايحين مادري ليش بس شعلية😂
علي:طبعا ناز كالت علئ الهداية الي تريدها وكلت لمحمد وعلاء وكالو تمام ورحت للولد بلغته وانطاني فلوس وكال جيبلها تلفون طبعا ناز ماعندها تلفون كلشي ماعندها وضايجة هم وتكعد بحدها فا هية متدري شحيصير مفاجاة طلعنة شفنة ناز كاعدة متفاجئت من ناز لان تحب تكعد بل حديقة بس مادري ليش مسئلتنة وين رايحين بس احسن علمود لانتوتر لان مفاجأة رحنة واشترينا تلفون وحطيتلها خط واشترينا ذهب وطلباتها فجأة وكف محمد وكال خل نشتري للبنات لان هسة يضوجون لازم همة ويانة :الكل اكيد وكعدنة نفكر شيحبون البنات بعد عناء طويل واشترينا للكل اهدوم وشغلات الي يحبوها ورها رجعنة تاخرنا اني ماحب اطلع هواية لان احنة ولد شيخ وهيبة يعني😎 يعني يكولون علينة ولد شيخ ويفترون فا ماحب اطلع الا للشغلات الضرورية رجعت للبيت ولكيت ناز كدامي تفاجأت شجابها هاي😂 طبعا جان هواية أكياس بيدنا هواية كلش كل واحد يمكن بيدة 3 او 4 طبعا هسة تسئلون ليش مهند مو وياكم مهند عندة شغل وملتهي فا منشوفة هواية كلش المهم نرجع.... رحت اتفقت وية علي وعلاء نصعد نبدل ونرتب الغرفة الي دائما نكعد بيها الكل كالو تمام
ناز:اخواني اتأخرو نزلت جوة جان يفوتون بوجهي بيدهم الأكياس شكددد هواية كتلهم تأخرتو كالو تعاي عود فوك وصيحي البنات ويصير خير اني تفاجئت اول مرة يحجون هيج وياية خفت رحت مرة ثانية كتلة شصاير الأخوة:صيحي البنات ويصير خير دنكلج
ناز بخوف: ماشي طبعا اني متت بدمي اريد اعرف شصاير همة بل درج كتلهم مني المكسورة لو منكم
الأخوة:لحيتي كافي عاد صعدي ويصير خير
ناز بتوتر:تمام تمام رحت صعدت البنات الكل مستغرب وخايف وهاي اول مرة يسوها بينة مو من عادتهم صعدنة ولكينة الغرفة النكعد بيها مرتبة وكلشي تمام ودق وجوري وكوثر ومنارس ونور استغراب فول وخوف وتوتر محد يعرف شصار كعدو كدامنة
الأخوة: احم احم
البنات:خير شصاير
ناز:محمد طلع علاكة وانطاها الي كال فتحيها طبعا مرعوبة كلش عبالي مقلب لكيت اول شي جبوسة ونساتل وحبشكلات فدشي وراها كارت مبروك يا احلئ اخت وان شاء الله نشوفج من احسن البنات ومن هذا الحجي الي تعرفو شلت الكارت لكيت ذهب كمت اعيط واكمز كلي وخري ذهب وخرتة ولكيت تلفوننن اهنا جان ودي اطير حضنتهم البنات فرحولي والصدمة طلعو علاليك وانطوها للبنات كلهم هدوم وكلادات وشغلات نحبها احنة كلش فرحنة ومحد اتوقع جنة خايفين بس طلع كلش حلو وخوش مفاجأه بست اخواني كلهم الله يحفظهم الي ورحت بست بابا وماما كلش فرحانة جنت اكيد انتو متعجبين اكو هيج اخوان طبعا اخواني احبهم ويحبوني وماكو اخ ميحب اختة الئ اكو عداوة او يكرها فد مرة الكاتب رامز مصطفئ
المهم مر اسبوعين ونسة وضحك وشقة ومقالب الئ ان اجة اليوم (المشئوم) اليوم المرعب الزفت الي كرهت بي نفسي كلش كاعدين دنيا مغرب ومصير احد يطلع تعرفون شياطين وهاي سوالف فا منطلع وفجأة صار الي صار اشتعل الرمي علئ بيتنة طبعا تحولت كعدتنة من ضحك الئ عياط والرمي قوي جدا اخوتي طفرو جوة واخذونة وياهم ختلونة مهند طفر من مكانة طبو للمخزن طلعو رشاشات كلهم طبعا احنة ناس معروفين كلش وابوي شيخ عشيرة يعني تعرفون الشخصيات المعروفة لازم يكون عندها شي دافع علئ نفسها فا جان عدنا رشاشات 5 وبندقية وحدة ومسدس بس طبعا احنة مو محل أسلحة ولاشي بس اخواني هم الي لزمو الأسلحة طلعو اخذ مهند البندقية طلع ركض وطلعو اخوتي ورا ورمي مستمر وامي تعيط وتصرخ وأصوات اعياط وأشياء تتكسر اجة ابوية شايل المسدس كال صعدو الطابق ثالث اختلو ب ابعد مكان لاتوكفون كدام جام ابد طبعا سوينة درج اقل من ثانية وماما ويانة هم اجتي لكينة زوجت محمد وعلاء بس يعيطن ويبجن رحت لشباك وكفو رمي جان يصوبون مهند اي واحد رمئ مهند وكع ومحمد صوب واحد 3 طلقات برجلة اليمنة طبعا صارت حرب حرفيا ابوية طلع رمة طلقة بل جو ديفاكك ونريد نعرف شصار فوتنة المتصوب يمنة وعلي ومحمد ضربو عذبو ملخو تملخ واذكرو مهند طلعو المتصوب وراحو للمستشفى ركض واني اعيط خوية وخوية البيت انكلب رحنة للمستشفى مهند اتصوب بكلبة وطبيب كال حالتة خطرة جدا جدا بين الحياة والموت راح نسوي علينة والأطباء يركضون واحنة نركض وراهم سو عمليتين وكالو حالتة غير مستقرة وصارت عندة فتحة بل قلب امي اغمئ عليها بوكتها لان مكان طلقة بل قلب يعني مكان حساس لدرجة وانكلبت المستشفى من زلم وهواية لمن سمعو تصوب مهند الدكتور كال لازم يبقئ اسبوع يرتاح حالتة خطرة جدا يراد راحة ونعتني بي خلينة طبيب يبقئ ودفعنالة علمود يبقئ يم مهند يعتني بي طول الاسبوع رجعنة للبيت واحنة تعبانين وجام مكسر وعرفنة سبب تهديد هوة مهند جاية ظرف وبي طلقة بسبب شغلة وترك شغلة المهم عدت 5 ايام مهند حالتة بدت تتحسن الئ ان ساعة 3 الفجر اجانة اتصال هز البيت هز انو مهند مات وهسة ديسولة صدمات كهربائية طبعا الأخوة رسن حركو للمستشفى اني وماما وخواتي بس نعيط بابا راح وية اخوتي
الأخوة:اجة اتصال انو مهند مات وحيسولة صدمات كهربائية فتت المستشفى وجنت امشي بكل سرعتي بل سيارة وصلت ورحت للغرفة لكيتهم هسة بدو يسون صدمات نبضة واكف يعني ميت واني اعيط ولك خوية ولك خوية اكعد مهندد خووية ورة ربع ساعة كعد ورجع النبض حمدت ربي لان فعلا مات ورجع وراها بساعات كعد مهند كال شبيك هياتني كاعد عايش ويضحك كتلة الحمدلله على سلامتك وطمنت اهلي لان ضل بالهم كالو عكب باجر تطلعون مهند وبعد مرور يومين بل فعل طلع مهند ورجع للبيت
ناز:طبعا مهند الحمدلله عاش وذبحنة خروف علمود سلامة مهند ورجعت الحياة طبيعية بعد مرور 4 اشهر ماكو اي تغير مجرد سوينة إلقاء قبض علئ صوب مهند ولكينا وانحكم علية مؤبد والثاني خسر رجلة اليمنة بتروها اسم الله عليكم ومهند ترك شغلو لان لازم نعتني بي بعد عندة فتحة بل قلب رجعت دراستي وكملت سنة وجاوبت ومعدلي 86 فرحت ونجحت الخامس اعدادي كمرحلة تأهيل السادس طبعا نسيت اكلكم انو ودق وجوري اكبر مني بسنة ونسيت اعرفكم عن شكلي😂 اني طولي 162 شعري طويل كلش واشقر عيوني زرك جسمي متوسط يميل للضعف بشرتي بيضة جوري عيون عسلية طويلة تقريبا بطولي او اقل جسمها ضعيف حتنكطع لان متاكل ها وشعرها ماشاءالله علية طويل كلش اما نجي علئ كوثر عيون خضر شعر اسود طويل دبة خدود حلوة بشرة بين بيضة وسمرة واخواني مهند احلاهم بس بعد الحادثة انتهئ خطية لان ميكدر يلعب حديد يأثر علئ قلبة وتنفسة ويصير إجهاد عندة عمرة 27 سنة مهندس عيون ولحية وشعر وعضلات حلوة مو بارزة كلش مخليها وسط احلة علي ميحب الحديد كلش يحب نفس ابوي يكعد بل مضيف ويا طبعا اخوتي لبسهم دشداشة ولفة العكال العمانية الخرافية محمد وعلاء حلوين ثنينهم علاء عيون عسلي ومحمد عيون بنية ولحية ومزوجين ميصير نمدحهم😂😂😂😂 ها واختي منارس ونور منارس شعرها كارية متحب طولة تكول اربع وعشرين ساعة بل بيت دبة هية ونور وكوثر دببة😂😂😂😂😂 بس ياكلون منارس سمرة ونور سمرة بس مو قوي كلش يعني بيها بياض
الكاتب:رامز مصطفئ
ناز:ادري طولت بس اعرفكم لازم😁😈😈😈😂😂😂😂المهم بدت العطلة واجة العيد وبدت الكشخة يابةةة طبعا احنة بنات بيناتنة فوك فقط والزلم بل مضيف فا كل وحدة تتكشخ وتجي يمنة بس تصعد طلقة فوك😂 علمود لحد يباع هاي حياتنة لحد يتعجب مو مثل بغداد احنة كلش غير المهم بدة لعيد وقبل ميجون الشيخ كعدنة الولد ساعة 5:30 والله هبطت بوكتها من خوف كلي كومي صلي صلاة العيد ونسيت صلاة العيد اني 😂😂 ولكيت البيت كلة كاعد وشكلنا مخربط مال نوم والكل بلكوة يحجي 😂😂 منظر يخرب ضحك رحنة توضينة و الولد يكول والله ولا واحد اخلي ينام اليوم ويضحك لان عيد وبدينا الصلاة طبعا (الشيخ) هوة بابا فا اني اصيحلة شيخ المهم وكف الإمام وبدينة نكبر تكبيرات العيد ونصلي وكملنا طبعا ابوية قبل منصلي مخلة اي احد ينزل ماعرف ليش والي خلاني أتعجب انو هوة صعد فوك ابوية قليل يصعد فوك كلش يعني تعجبت وكال يلة نزلو نزلنة ورحنة للمطبخ لكينة مئادبة كتلة الشيخ هاي من شوكت واني منصدمة واو يعني ماشاءالله فد شي رهيب انواع الاكل قيمر عرب وعسل وبيض وخبز يعني هواية هواية وضحك وكعدنة كلنة نشاقة وطبعا تلفونات متوكف الكل يخابر بحيث انسطرت تريكنة وخلصنا صارت ب 8 بدينة نلبس ملابس العيد ونتكشخ والعطور واخواني هيبة دشاديش سود والنظارة والساعة والعطر يعني رهيب احنة البنات كلابيات مال شيخات يعني وترتيب وأشياء حلوة جان يوم حلو كلش بس ماسولف شصار كملت لبس ساعة 10 كل البنات كملو الا واشوف هجوم من البنات والعالم علئ بيتنة وكلها تعايد كلت هاي معقولة يمنة كلهم يمكن بل 20 بنية يمنة والزلم خير من الله بيتنة صار ملعب😂😂 والحمدلله الديوان جبير وهاا قبل منزلو اخواني وكفنة سرة اني والبنات عيدية😂😂😂😂🤣🤣🤣 لحد يضحك رجاء 😂😂 والله انطونة ورحنة للشيخ وماما هم الكل جان يوم جدا جدا حلو تونست بي صراحة ومرت 3 ايام نفس هوسة والغدة قوازي تطب وتطلع الكاتب: رامز مصطفئ........
ناز: واخيرا بعد عناء خلصنة واكدر انام بحدي لان البيت هوسة ومخبوصبين🙄😂 ساعة 8 تعشينا وضحكنا وكل واحد راح لغرفتة تقريبا ساعة 10 رحت فتحت تلفون لان نسيتة طول هل ايام وكمت اتصفح وانزل تطبيقات بي نزلت عدة مواقع التواصل عن طريق الانترنيت ونزلت يوتيوب وكعدت اشوف وحلو تلفون جان كلش وراها انتبهت ساعة 1 😂😂 اخذني الواهس المهم طفيت تلفون وشحنتة وقبل مانام متعودة اخلي الباب مفتوحة لكيتها مزدودة بس يجوز دايخة وراها سمعت صوت غريب مثل شخص يعيط من الغرفة الي كدامي الي بيها علي جان رحت ركض لكيت كلشي ماكو تعوذت من شيطان كلت يجوز دايخة ونمت وصحيت صبح تريكنا المهم اخوتي كالو النة تعالو فوك كلكم ضروري عدنة موضوع طبعا الكل كال تمام غسلنا الماعين وصعدت يم اخواني فوك كعدنة كلنة اني والبنات واخوتي بدة الموضوع وأنصدمت وانرعبت وجسمي يرجف من سمعتة يعني صدك مو جذب كالو الأخوة: بنات عدا شقة ترة كاعدين نسمع اصوات بليل غريبة ومردنة نحجي علمود لانكبر الموضوع بيناتنة كولو النة انتو نفسنة لو ايش وصار شكد طبعا الكل مصدوم وميتين رعب والكل كال اي واني من ضمنهم وكالو من البارحة مباشرة لمن راحو بنات خالي وعمي وعماتي ولد خالي معقولة مسوين سحر كالو انتظرو هل يتكرر هذا شي اليوم وخليكم كاعدين و اي شخص يسمع بلغونا والكل كاعد لحد يخاف طبعا متت بدمي لان كلش اخاف من هل سوالف ساعة رحنة سوينة الغدة والارتباك مادري ليش لان احنة نخاف بس الولد لا متحمسين يريدون يعرفون شيصير ماعرف شديصير واني كلش اخاف تغدينا وكملنا وصار المغرب ورحنة فوك التمينة وكاعدين نشاقة كل عادة ونكرز وناكل وسوالف نزلنا نسوي العشة واجوي الولد كالو لاتنسون اليوم لازم نعرف شيصير اني جنت ناسية ورجع الخوف كتلهم جلبتو يجوز تخيلات
الأخوة: شلون تخيلات والكل ديصيررر ويا نفس شي
ناز: بس سدو الموضوع
الأخوة: تمام يمعودة
ناز: صعدنة فوك مادري هل ايام اشياء غريبة كاعدة تصير شسالفة😂😑
المهم.. فتت للغرفة وتصفحت بل تلفون وصار صوت كلش قوي ترة القصة (حقيقية) صار صوت كلش قوي بل بيت الكل طفر كانو شخص كاعد يتعذب الصوت من غرفة مهند ونور طفرنة لغرفهم وهمة بعدهم يعيطون نريد نفتح الباب متنفتح علي بصياح وخروو جان يكسر الباب ونور تبجي ومغمئ عليها مهند شكلة مدمة والحايط علية كلمات غريبة مو ب لغتنة بس دم كلة صعد ابوية واني شفت منظر مهند واغمئ علية رجعو كعدوني توقعت بحلم بس طلع حقيقة مهند ميحجي ابدا امي تبجي وتعيط البيت انكلب ابوية شايل سلاح مديفتهم شصاير عبالة شخص اقتحم البيت وعالجنة جروح مهند بصدرة وب إمكان غريبة بس جرح قوي جبنة جنطة الاسعافات وعلاجنة بس ميحجي كال ابوية الكل ينزل جوة وفتحنة الاضوية كال الشيخ شصاير احجو منو فات وشنوو طبعا علي ومحمد حجو الصار بس مهند ميحجي والبنات يبجون واني ماحجي ابد نفس مهند ابوية الشيخ: كال ليش محجيتو البارحة ليش محد بلغنا ومحمد وعلي كالو علمود لانكبر الموضوع بس هيج صار ورة مراحو كرايبنة ولد عمي وخوالي والكل ابوية كال هسة انجيب شيخ يقرة علئ البيت وعلئ الغرفة بيها مهند
طبعا كلت الماما مانام فوك ابد كالت صعدي انتي وخواتج بغرفة وحدة وخلي مهند يمنة وافقت لان خواتي وياية ومحمد وعلي بنفس الغرفة محد يريد يبقئ بحدة وفجأة سمعنة صوت عياط وأشياء تتكسر بكل قوة طلع مهند ويعيط ويسوي حركات غريبة ابوية اتصل علئ شيخ كال هسة يجي شرح ابوية الحالة لشيخ: كلة الشيخ هذا متلبس لتخلي احد يباع علية لان يفوت بي الي يشوف طبعا الدرج صار جزء من ثانية نزلنة بأسرع ماعدنة واجة شيخ وعلئ سريع كعد مهند ويقرا علية ومهند يعيط طبعا
علاء بهاي الاثناء جان بايت بل نجف رايح زيارة
فا ممتواجد المهم..... مهند نومة شيخ وضل يعيط مهند والشيخ يقرة آيات ويكول اطلع اطلع اطلع وكال جيبو دنبوس من رجلة يطلع وكال بيتنة بي سحر وجن 3 طبعا اني طفرت يم امي لمن كال هيج وابجي طلع الجن من مهند بس شيخ صعد فوك قرة وكام يجي صوت صراخ عالي كلش قوي بحيث البيت كلة صفن والشيخ يقرة آيات وكال الشيخ هذا قوي الجن اطلعو من الغرفة طلعنة بقئ هوة وصياح قوي واختفئ فجأة الصوت ونفس الشي بقئ واحد بغرفة نور بس لمن صاير صوت بغرفة مهند متعاونين علية وطلع الجن كمل ساعة 5 الفجر ساعتين وهوة يقرة طبعا صار فلم رعب متنة خوف مهند ميحجي ابدا رحت نمت يم خواتي وكال شيخ قبل ميطلع قفلو غرفة مهند منا لسبوع يلة يدخل وبل فعل قفلناها ودينة مهند لطبيب كال حالة صدمة قوية فترة ويرجع وانطا أدوية وأشياء ومر شهر علئ الحالة ومصار شي ابد بعد ومهند ابد محجة بس حجة الموقف وبس طبعا شرح الموقف ويخوف كلش يكول شفت اثنين كلش شكلهم يرعب وغمضت عيني يكول شكلهم بالي وكتلوني ومديروح شكلهم ماعرف ليش بس يحجي هذا موقف بس ورا شهر هم اتحسن مهند ورجع يحجي بس قليل..... تسريع لل أحداث مهند رجع يحجي وهاي سنة مشئومة بل نسبة الي كلشي الي موزين صار بيها 2013 بدت الدراسة واريد اشد حيلي ودق وجوري اكبر مني بسنة فا همة سادس واني خامس اريد اشد حيلي بس اتمرضت قبل امتحانات نص سنة مع الاسف لان سبحت وطلعت والهوى جان كلش بارد فا لازمتني صخونة وافلاونزا حاولت اقرة بس بلكوة امتحنت وخلصت درجاتي بين 80 و 70 كلها كلش انقهرت لان مو مستواي بس الحمدلله مو سادس صرت زينة وقررنة نطلع نغير جو بمناسبة النجاح وياريت مطلعنة رحنة لمطعم اكلنا وخلصنا وضحكنا وغيرنا جو شوية وية شيخ كذالك طلعنة توجهنا للسيارة وجهتنة انو انروح بل بيت وبل فعل احنة ودنرجع حاصرنة شخص طبعا احنة طالعين سيارتين سيارة الاولئ الي بيها اني ودق وجوري ومحمد وعلاء سيارة ثانية منارس ونور ومهند وبابا وماما طبعا اني كاعدة من جهة علي علئ اليمنة مو يم سايق يعني علي يمي.... المهم حاصرنة شخص علئ رصيف حاولنة نتعدا بس جانت سيارات اكو جنة دنمشي بين 80 و 100 ولح هوة ويانة حاصرنة لحد ما انكلبنة اي مع الاسف انكلبنة وبعد محسيت علئ شي اسمع صوت عالم قوي وعيوني مغوشة واشوف دم والعالم اصواتها غريبة احاول استعيد طاقتي بس مكدرت مع الاسف كعدت واني بل مستشفئ وامي يمي جانت تبجي علية طبعا اهلي الحمدلله بل سيارة ثانية مصار اي شي بيهم بس احنة تعرضنة للحادث طبعا اريد اشوف اخواني شفت محمد متضرر ب ايدة ورجلة جوري ودق فاقدات الوعي الئ لان وضربة قوية عد جوري براسها بسبب اصتدامها بل جام أثناء م انضربنة وانكلبنة وصدمة الأكبر علي بل عناية المركزة حالتئ خطرة كسور بجسمة هواية اما اني ايدي لان جنت ظاغطة عليها ورجلي اليسرة والام بظهري وجسمي مكسر عطلة مو زينة مع الاسف جوري صحت بس شبة فاقدة الذاكرة يعني تسترجعها بس مؤقت حاليا فاقدتها اما علي حالت نوع ما استقرت ودق الوحيدة الي ما كعدت كلنة قلقين عليها مر اليوم الأول ودق نفس حالة اليوم الثاني ونفس حالة ودق اليوم الثالث نفس الحالة الئ اليوم الرابع طبعا كلنة بل مستشفى وامي ومهند وعلاء يروحون ويجون علينة الئ ساعة 3 فجر نبض ودق توقف ماكو نبض الجهاز توقف وخسرنا ودق......الأخت العزيزة والمرحة توفت جان خبر صاعقة للجميع بس قدرها اني انغمئ علية لمن سمعت الخبر وجوري متعرف ودق متذكر فاقدة الذاكرة رجعت وعيت ولكيت ديسون صدمات كهربائية بس بدون نفع لان ماتت خلص فوك نص ساعة يسون بس خلص فقدناها..... يعني اختي واحبها بس ماعرف شعبر خسرت حلم ومستقبل..... رجعتلي صدمة انو ماكدر احجي ابد سوينة الفاتحة والكل يبجي وشيخ كذالك صدمة مو خبر صدمة بس ضليت ابجي اخوتي مصدومين امي كلسع يغمئ عليها وتعيط وتضحك صارت مثل مخبلة..... الكاتب رامز مصطفئ...... خلصت الفاتحة وماصدك خسرت شي غالي بحياتي وكسوري وكلشي وبعدني عايشة خسرت سند خسرت جزء من روحي وضحكتي وحياتي ودق الغالية ماكدر احجي لان تعبت حرفيا تسريع لل أحداث..... خلصت فاتحة واجلت السنة لان كسور وفاة اختي وأشياء كومة وكالت..... مرت السنة وطلعت سنة اختي ورجعت ادرس الخامس بس بدون واهس وحتئ مكمنة نجتمع ابد بل غرفة من يوم وفاة ودق محد دخل للغرفة وقفلنا غرفة ودق الي بل طابق ثاني والكل يوكف يمها ويقرا الفاتحة الها شخصية طيبة وخلوقة بس مع الأسف 💔 مرت الايام ونجحت بنص السنة بس بدون فرحة جوري اجلت السنة ثانية متريد تقرة ومفكرة تبطل بسبب ودق منارس ونور البجي ميخليص والقهر... حياتنة خالية صارت لان شي عزيز مو تفقد انسان وتجاهلة لا شي عزيز هاي اختي اخواني ميضحكون ولابسين اسود محد يقبل يتركة امي تصلي وتقرالها قرآن وتبجي يعني كل ماذكر ينكطع كلبي ومتوقعت تروح ودق مني العزيزة الغالية روحي من دنيا بس مع الأسف نجحت بنهاية السنة والسنة جاية سادس ابوية كام يحجي ويانة كال الحياة ترة متوكف لازم نكمل اذا انتو حزانين عليها وتبجون ادعولها واترحمولها وكال اتركو الأسود خلص صار سنتين من الحزن كال هاي بتي وعزيزة علية روحي من دنيا بس مابيدنا غير رحمة ودعاء وبل فعل تركنة الأسود ضحك محد يضحك ولاشي وابوية يومية نفس كلام اني قليل احجي صرت كلش قليل بس بل مدرسة علئ الاسئلة واجاوب فقط وسويت واهس الجوري ندرس سوة ونعوض ودق لان هية هسة تشوفنة وتنقهر انو تركنا حلمنة علمودها فا هية تنتظر نعوض الها الحلم وجوري قبلت وكالت نرجع بس ماكو ضحك نهائيا وافقت وابوية يومية يحجي بس ماكو اي تغير حياتنة صارت اسود وابيض فقط من مدرسة للبيت دراسة اكل نوم بجي دعاء فقط الغرفة الي جنة نجتمع بيها طلعو قافليها من وفاة ودق صار سنتين مداخلين الها وكل شخص بغرفتة كاعد واخواني علئ كد شغل.... بدة السادس وبديت اشد حيلي لان لازم أحقق حلمي لازم وشديت حيلي وطلعت معدل 94٪ بوكتها مفرحت ولاشي سويت لان متسوة الفرحة بدون ودق وجوري معدل 97% جانت متحفزة اكثر مني بس محد فرح وراح ادخل كلية أهلية واكمل صيدلة وابوية يحاول يغير جو وبدون اي إستجابة 3 سنين نفس الوضعية الئ ان اجة اليوم الي ابوية كال الكل ينزل هسة بل مضيف طبعا تفاجأت بتصرف ابوية ماعرف شيريد وعصبي صاير كال الئ متئ تبقون هيج لاضحك ولاشقة وبس حزن ترة حموت وراكم.. الكل اسم الله شيخنة.....وابوية عاد الموضوع وكال الي مايضحك لحد ينزل بعد الئ متئ ترجعون وتشاقون لمن اشوفكم هيج اتكطع ميصير صار 3 سنين وهذا قدر يا ولدي قدر وقضاء الله لازم ترضون بي الكل......... لارد كال قسم بالله الي ميقتنع خل يطلع ولااعترف بي بعد لان ميصير هيج تاثرون علئ نفسيتكم ومن هذا الحجي كال اني شيخ وخلص المفروض تضحكون وتشاقون وتترحمولها وتدعولها مو تبجون ميفيد البجي بعد ميفيد البجي بس دعاء وصلاة..... الكل صار شيخ
الشيخ:اريد اشوف ولدي يرجعون يشاقون وفرحة بوجهم كال والي ميريد يطلع هسة كال الحياة متوكف وكلنا نموت...... وخلال اسبوع رجعت حياتنة مثل الماضي بعد عناء 3 سنين من البجي والاغماء و هواية شغلات طبيت صيدلة وابوي اشترالنا هدايا مال سادس جددلنة تلفونات واشتر ملابس وذهب لكل بنية اما الولد سيارات وهدوم ومصرف والنة هم مصرف ومن الكلية او الجامعة تبدي الحياة الجميلة...... حياة غير عن المدرسة حرفيا ولد وبنات ومطعم وشغلات هواية حلوة 2016 طبعا هذا الكلام وتطور العالم تدريجيا وأشياء حلوة تغيرت والكلية عالم ثاني بعد مرور شهر من دوام بل كلية اجاني شخص يريد يتعرف علية ودائما نظراتة غريبة ومختلفة حاول وياية بس جنت رافضة رفض قاطع.... وتركني واني مواصلة دراستي وطبعا دالاحظ جوري اكو نظرات بينها وبين شخص حلو ومرتب فا شكيت بيها
ناز: احم جوري عليمن دتباعين علئ ياحلو
جوري: ناز انجبي دايخة
ناز:صحيح مبين 😂🙄
جوري: ناز كتلج ما اشاقة ماكو شي ابد
ناز: اتذكرت انو جوري من بعد وفا ودق متشاقة ابد ومتقبل
اجة اليوم الثاني الي غير حياتي 180 درجة الي فرحني كلش اليوم الثاني جان عندي اوف او عطلة فا صعدت منارس وجوري يركضون علية لج ناز جاين خطابة عليج اني انصدمت منو خطابة ومنو وشنو وشصاير كالت ماعرف اي معلومة غير اسم شخص فهد اني لمن سمعت فهد ماعرف شصار بية الله حصير زوجتة فهد شخص حلو ومعضل والبنات كلها تباعلة اجة اختارني واني محاجية ويا ابد بس لمن جنت صغيرة لمن نلعب وشفتة قبل 5 سنين او 6 اخر شي الكل شاك انو عندي علاقة بس ماعندي اي شي ويا لان مفاجأة اصلا اجة فجأة صارت والكل وافق بقيت اني فقط نزلت يم شيخ وكلي بابا انتي كبرتي ولازم تصيرين مرة وام واشوف ولدج وافرح بيج و اريد ازفج بيدي وافرحلج وبقت عندج باجر تردين الخبر كتلة بابا علئ رأسي وكل التقدير والاحترام الك والله يحفظك الي وتسلم وكتلة ميحتاج موافقة هوة كال تعرفي كتلة لا والله اصلا اتفاجئت انو اجة كال تمام بلخير عليج بنيتي وان شاء الله اشوف ولدج وباجر اردلهم الخبر كتلة تمام وبستة وامي تهلهل والكل فرحان ورجعت اداوم ورة يومين اجوي خطابة وقرينة فاتحة وانخطبت ولبست الحلقة بس شرطت انو اكمل دراستي بس شرطي الوحيد و وافق وكلتلة لمن اكمل مرحلة ثانية نزوج يعني بعد سنتين علمود اتعرف علية بل تلفون وصرت يومية اخابرة ونحجي رسائل ويوم عن يوم تعلقت بي اكثر واكثر وكام يجيبلي هداية ويعبرلي عن حبة الي وهوة صغير واني هم كتلة انعجبت بيك وحبيتك وكتلة ليش اختاريتني الي كال لان صرت مجنون بيج اخر مرة شفتج بعزومة علي وبل غلط وشكلج ميفاركني والله بوكتها خجلت وضل يغازلني واردلة كملت مرحلة اولئ بقئ سنة واتزوج صرت مرحلة ثانية اني وجوري وجوها خطابة نفس للولد الي تباع علية بل بداية كتلها ها خية بشري وهية فرحانة كتلها لكفتج من بداية هية خربت ضحك وراها بكم يوم دارجع من كلية للبيت اجتي سيارة مظللة سودة تمشي بخفة من يمي جان شخص طلع راسة ملثم ولازم سلاح وصوبني وانهزمو محسيت غير بشي حار صارر بجسمي والحمدلله الأصابة كانت ب كتفي الأيسر صحيت واني بل مستشفى وكلها يمي ولكيت فهد عيونة دم علية كال الا الكفهم الي صوبوج وابوية كال متروحين بعد للكلية كتلة لا وكمت ابجي كتلة خلي حماية الي كال هيج اي بس بحدج مستحيل طبعا ميقبل من خوفة علية ورة كم يوم رجعت نفس السياره وجنت بل حماية كاعدة وجانو وياية بل حماية 2 مسلحين وأخوية علاء شايل مسدس نزل علية كل تعال ولك وصعدة بسيارة هم جان الة نية يضربني اتوقع وحطة بل صندوك وصعد الثاني واتوجهنة للبيت وكلي صعدي ودخلو الاثنين المضيف كتلهم علاء وحقوو وياهم وطلع اخو الي صوب مهند قبل كم سنة جاي ينتقم الأخوة بس انلزم وشرح شلون عرفني وضل يتبع خلال هل سنين طلع عارف شكلي واسمي عن طريق العميد الي بل كلية وعلئ نيات العميد ميدري منو هوة بس ضل يبحث علية وانحكم وية اخوة مؤبد اما الثاني انحكم 6 سنين كمتعاون بل جريمة وضليت بل حماية اتنقل ونجحت بهاي سنة وصلت مرحلة ثالثة وبهل سنة مفروض ازوج وحددت موعد العرس لمن تنتهي الامتحانات خطية شلعت كلب فهد 😂 وحنسوي العرس سوة اني وجوري اما علي يريد يخطب وحدة وراح وبل فعل خطبها والهلاهل مشتعلة سنة 2017 احسن سنة وجانت سعيدة كلش كملت الامتحانات وبدأ الايفون ينزل وابشركم رجعنة فتحنة الغرفة بعد 5 سنين من عفناها الي جنة نجتمع بيها فتحناها ولكيناها متربنة وبيها ذكرياتنة الحلوة بس انتهت وراحت مثل التراب الي بل غرفة وكلشي ينتهي مع الزمن فتت للغرفة وبجيت بحركة كلب لان كل الأشياء الحلوة و المرة هنا وراح افراكها نضفناها وكتبنا ذكرا ولكينة اشياء قديمة ناسيها اما عن غرفة ودق يومية نوكف كدامها نقرالها الفاتحة ونباشر اليوم طبعا فهد اشترا بيت بصف بيتنة تخيلو😂😂😂 علمود لمن اضوج اروحلهم طبعا كلش فرحت لمن سمعت الخبر انو بيتي بصف بيتنة واوو حرفيا جان شي حلو كلش واجة يوم زواجنا اني وجوري رحنة لصالون اتمكيجنة طلعت اخبل سويت تعديلات وحفيت وسويت شغلات لجسمي وعرس علي ورة عرسنا بشهرين لان يريد يضبط وضعة علاوي وصار العرس والهوسات بدت والمزيقة وسيارات ورحنا للقاعة سوينا عرس اني وجوري وكملنا بعد عناء طويل مبجيت لان بيتي بصف بيت اهلي وبست ايد امي وابوية ورحنا للفندق مباشرة وفتنة فهد:ياهلا بل حلوة بنت شيخ والأحلام جبتها الغالية واعيشها بعز ودلال
ناز:ابو بيتي ماكو مثلك الله يحفظك الي
فهد:اكلج شفتي الكيكة حلوة
ناز:اي طيبة كلش
فهد: همزين تعرف بنفسها حلوة وطيبة اكلج اني جوعان
ناز: تريد اسويلك شي
فهد:اتعشئ بيج
ناز:... 😁 اريد انزع البدلة واسبح تعال بس افتح سحاب
فهد:يبوووي شحيصبرني نزعتها البدلة وراحت سبحت واني هم سبحت
ناز:سبحت وخلصت ب أثناء مديسبح فهد لبست سيت نوم وخليت ضوة خفيف ورشيت عطر قوي كلش وطيب
فهد:رحت سبحت وطلعت والضوة خفيف ريحة عطر طيبة كلش ولكيتها لابسة سيت نوم.... ورحت بستها من ركبتها ذبت بيها
ناز:شافني هيج اشو هذا اجة وباسني من ركبتي وذاب واني محسيت شي.... وووو عرسان بحدهم شتريدون مثلا🤔يلة طلعو😂😂
ناز:جانت احلئ ليلة بحياتي وجوري كذالك وراها رجعنا للبيتي الجديد بصف بيت اهلي😂 اما جوري ويانة بنفس منطقة بس فرق كم بيت يعني قريبين الحمدلله ورة شهر رحنة وسوينا شهر العسل وجانت احلئ الايام بحياتي كلها والكاع مشايلتني من الفرح وابوية فرحان بية فا اليوم كعدت صبح
ناز:صباح الخير فهودي حبيبي
فهد:مممم
ناز:كافي نوم اكعد يا عيني
فهد:صباح الخير والعسل
ناز:صباح الكيمر والورد
فهد:شهل المصباح اصبح بوجهج احلئ مصباح
ناز:فديتك ياغالي الله لايحرمني منك
فهد:وميحرمني منج
ناز: اني اليوم دايخة ماعرف شبية
فهد: صدك تحجين
ناز:والله اريد دكتور دوخة قوية كلش اريد احلل
فهد:سوي ريوك نتريك وحضري نفسج لدكتورة ونتغدا برة
ناز:اروح فدوة لليخاف علية
فهد:غير انتي النفس والروح
ناز:فدوة فدوة سويت ريوك وتريكنا وتحضرت ورحت للدكتورة وحللت وكالت ساعتين ويطلع تحليل كلت تمام
فهد:بشري
ناز:ساعتين ويطلع تحليل امشي نتغدا ونفتر ونرجع
فهد:تمام ان شاء الله خير
ناز:ان شاء الله... رحنة تغدينا وافترينا وصارت 3 ساعات يمكن😂😂
فهد:مو كافي ترة ابو تحليل طلع
ناز:هههههههههه 😂 يلة امشي نشوف
رحنة ونزل فهد وياية يريد يعرف
فهد: اريد انام نعست😂
ناز: يعني يم دكتورة مثلا انتظر😂😂😂 بل بيت نرجع ونام
فهد:اشاقة شبيج عيني 😂
ناز: اوك اوك المهم اجة السرة ونادت علة اسمي وفتت
الدكتورة:بعد وكت جان جيتي الباجر😂
ناز:دكتورة اسفة بس اخذنة الوقت😂
فهد:دكتورة جذابة رحنة تغدينا😂😂😂
ناز:ياحقير🤣
دكتورة: حلوة خطتكم عجبتني😂😂😂
ناز وفهد: شعبالج دكتورة 😂 وضلت تضحك ويانة شخصيتها حلوة ومرحة كلش😂
ناز:شصار علئ تحليل دكتورة
الدكتورة: خل يجي زوجج يشوفة لان شي خطر
ناز:اني خفت لمن كالت هيج والله الاشوية وابجي
ناز:ش شن ششنو ش شش بية
دكتورة: ههههههههه شبيج خفتي ياعيني خل يجي زوجج يمي
ناز:راح فهد وانطتة تحليل
فهد:دكتورة ماعرف اقرا تحليل
دكتورة: مبروك صرت اب وصرتي ام
فهد راح وحظني ويعيط واني ابجي من الفرحة متوقعت ابدا والمشكلة مو هنا فهد طلع 100 دولار وانطاها للدكتورة😂😂😂😂 هية فرحت ودعتلنة بل ذرية صالحة والحمدلله طلعت حامل ورة 4 اشهر رحت يم نفس دكتورة وسوتلي سونر وطلع توم ولد وبنية والفرحة مشايلتني
فهد: راحت تسوي سونر واني اتمنئ ولد وبنية بس هية اتوقع بيها بنية اني شيجي أنعم الله احبهم اثنينهم بس خل نشوف راحت سوت السنور ورجعت الكاع مشايلتها من الفرحة وكلتلي توم ولد وبنية يابة بوكتها شسويت صليت ورحت لنفس دكتورة ودي ابوس ايدها ورجلها وانطيتها هم 100 دولار 😂😂😂😂😂 ورحت للفقراء اشتريتلهم اكل وناز تبجي وفرحانة كلش واحنة بل سيارة كالت خل نروح ل اهلي اكوللهم افرحهم كتلها اكيد امشي يلة
ناز:دقيقة اوكف
فهد:شنو
ناز: خل نسوي نفسنة ضايجين وبعد كم يوم واموت يمكن وعلساس ابجي
فهد: اسم الله عليج ياعمري بس خوش فكرة يلة شوية نتونس 😂😂😂
غير اشرار احنة
ناز: اي والله 😂😂😂😂😂
فهد: كال اليوم نسهر ونفتح فلم رعب😈🤣
ناز: جيب جبس ونساتل ونوتلا وايس كريم انطيتنا قائمة🤣
فهد: مو تدللين نسوي سهرة اليوم شوية نتونس اليوم ونسة فول يلة
ناز: فهد طاير من فرح ومشغل اغاني عالكها ويغني وكلسع يباوع علية الله يحفظة الي زوجي الغالي
فهد: وصلنة يلة ننزل للبيت بس مو تضحكين تخربين المقلب🤣
ناز:راح احاول ما اضحك نزلنة وفتنة سويت نفسي ضايجة كلش والكل مستغرب من حالتي وفهد يكول الحمدلله علئ كل شي والله ماكدر اعوفج وحط ايدة علئ وجهة وسويت نفسي ابجي
الكل:شن ن شش نووو صاي اا يرر بخوف يحجون 🤣
ناز: طبعا اجوي كلهم واني اريد اضحك بس كاتمة احاول وشيخ ياستار شصاير ويحجي وية فهد وميجاوبة فهد
ناز: سمعوني اني اليوم حللت لان جنت دايخة رحت وطلع تحليل بية مرض نادر وخطير اول مرة اكتشفو وبعد 5 ايام اموت
الكل: عزةةة صدك تحجين ونص يبجون ونص مصدومة وامي صعد ضغطها
فهد:والله ماكدر افاركج ماكدررر وسوة نفسة يبجي ويكول راح تروح ناز ويعيطط🤣🤣🤣🤣
ناز: الكل مصدوم كتلهم ماكو علاج ابدا واخواني محد حجة بس يباعون مصدومين كلش ودهم يبجون وعلي حضني ويبجي شفت للوضع صار محلو وكفت وكف فهد وياية كتلهم مبروك اني حامل بتوم والله كلها تعيط وراها انكتلت كتلة توب وحلوة طبعا بل بداية اول مصرت حامل كتلهم يدرون حامل بس ميعرفون يا جنس وراها سويت سونار بس كلبت مقلب اني كلت محللة وكذا والله امي ضربتني ابوية يابنت البنت هبطتيني وصار عصبي وانكتلت من اخواني وخواتي🤣🤣🤣🤣🤣🤣 جان يوم حلو كلش وسهرنا وتونسنة كلش...... الكاتب رامز مصطفئ جوري حامل ب ببنية وطايرة من الفرح وزوجها يحبها وكلشي ماشي بخير واني فهودي ممقصر وياية ابدا بكلشي معيشني بعز ودلال بعد مرور 5 اشهر اجة يوم الولادة اليوم الي جنت قلقة ومرعوبة وخايفة وكلشي بس الكل جان يحفزني طبعا جوري قبلي بيومين جانت هنا وبعدها مجابت الئ الان فهد قلق ومتوتر بس يحفزني ويقويني ساعة ب 3 الفجر جوري جابت البنية تخبل وحليوة ودنفوشة وسمتها تقئ...... اني ورة جوري ساعة 5 ولدت اول شي الولد بعدين البنوتة طبعا احلئ اثنين اجوني هدية من رب العالمين الحمدلله والشكر سميت الولد يحيئ والبنوتة ميامين..... والحمدلله والشكر ❤️ الله رزقني بيهم ونسيت اكلكم علي تزوج ورحنة بعرسة ذبينة لحم ومرتة حامل هسة بتوم ولد وهسة هية بشهر 7...... وكوثر اسفين نسيناج بل قصة اتزوجت قبل 3 سنين وطلعت للخارج وعدها بنوتات 2 أما عن جهالي فهد شايلهم وممصدك طاير من الفرح بعد الولادة ب اسبوع
ناز: ولك جهالي عوفهم خل اشوفهم شوية شنو هاي🤣 ولكم بابا راح ياكلكم تعالو يمي
فهد: ما انطيجياهم ذولي العشق
ناز: ترة كمت اغار
فهد:غاري بكيفج🤣
ناز:انطيني ميامين جوعانة خطية
فهد: فدوة للجوعانت هاج اخذيها
ناز: انطانيها ورضعتها وشكد حليوة الله يحفظها ميامين تشبهني ويحيئ يشبها فهد ملامح وجهة عصبي ويلعب ولطيف الله يحفظهم......بعد مرور الايام ما ننسئ ودق بكلبي واختي والروح بروح دائما اترحملها لان اخت متتعوض صراحة وميجي مثلها ودائما ازورها وابجي واعاتبها واكولها ليش عفتيني من ورة الحادث الاكشر.... طبعا فهد خليتة يعتني بل جهال اريد اكمل اخر سنتين... ورجعت ادرس ونجحت ويوم عن يوم يكبرون ميامين ويحيئ كملت مرحلة رابعة.... واجة يوم تخرج وتصوير 2019..... من احلئ الايام جانت ايام التخرج اتونست وطكيت صور هواية وجبت ميامين ويحيئ طكيت وياهم صور وفهد هم والحمدلله تخرجت وصرت اشتغل بصيدلية شهر 5 عيد ميلاد يحيئ ميامين سوينالهم احلئ عيد ميلاد واجة يحيئ جان مرتب 🌸 وجاب كيكة ونركص وأغاني ومتونسين بس منطلع هواية بس نوصي من مطاعم فقط...... احلئ يوم جان وراها قبل مانام فهد يريد طفل ثالث وجنت ماقبل بس اليوم لازم افاجئة ولبست سيت نوم قصير اسود وتعطرت وحضرتلة الجو وسويت نفسي ذايبة طبعا هوة دينام بس تفاجاة
فهد: صار هواية اريد طفل ثالث بس متقبل ناز خليتها علئ راحتها صعدت.... وتفاجئت شمسوية هل بنية.... وووو معليكم انتو 😈😂😂😂
ورة شهر دايخة وسويت تحليل وتوقعت حامل وبل فعل طلعت حامل ببنوتة وهمزين عندهن سند مرت 5 اشهر علئ حملي شهر 10...... ثورة أكتوبر بغداد واحنة نشاهد وابجي اني راحو هواية ومستفادو شي وكومة فهد: شنو ذنب هل عالم تروح ليش هيجي ليش ميصير والله العظيم
واني ابجي يعني اشياء كلش تقهر بس مابيدنة غير الرحمة دخلت شهر 7 من حملي ودخلنا سنة 2020 السنة المشئومة سنة شر.... انتشار الوباء نعم كورونا الي محد توقعة يوصل للعراق وصل ويوم عن يوم الوضع يسوء..... والكل ساكت اكعد بيتك اكعد بس ماكو حل شهر9..... من حمل ولدت بنوتة سميتها ياسمين تخبل وحليوة بس ماخذين الوقاية ويانة جفوف وكمامة والوضع مرعب جان صراحة..... بعد مرور شهر من ولادتي احس سنة 2013 تكررت..... اجة الخبر الزفت الي هوة إصابة منارس وزوجها وابنها بشهر 3...... وتوفو وراها فقدت اختين ب 7 سنين..... والله صارت فاتحة وجابو الجنازات 3 أشخاص بس بل سيارة الاسعاف ممنوع تجمعات ولابسين كمامة وجفوف كلنة ومحد اكو بل فاتحة لان فايروس خطير شفتهم اعيط ومحسيت علئ شي بعد غير انو اني بعالم اسود وامشي بحدي واكو ضوة بعيد وخايفة وامشي وامشي شكد مشيت بس مداعرف ليش يبتعد وراها لكيت شخص كال رجعي لو اخذج وياية ضليت صافنة مجاوبت وراها اسمع أصوات عالم
فهد: طبعا اخت ناز توفت انقهرت جدا عليهم وحضرت الفاتحة عزيتهم دخلت الجنازات وكالو ناز خربت ودوها للمستشفئ اني اترخصت ورحت للمستشفئ وياهم لكيت ناز بل طوارئ عندها انهيار عصبي حاد ودخلت غيبوبة منعرف شوكت تكعد كالو تعال باجر ويصير خير رحت الفاتحة وام ناز منتهية تعيط وتبجي ونور تبجي والشيخ مقهور جدا حقة صراحة وانتهت الفاتحة وناز مو صاحية اسبوعين علئ نفس الحالة اشتاقيت لناز واشتاقيت لكومة اشياء بس لل اسف الئ الان مكعدت حتئ الفاتحة مكملتها مرت الايام وناز ماكو اي خبر ماكو اروح يمها اشكيلها واكلها اكعدي ميصير ترة والله الجهال محتاجيج واني هم محتاجج مشتاقلج ولكلشي بيج صارر شهر يا ناز كعدي
فهد:تمر علية الايام بصعوبة ومهتم بل جهال وماعرف شسوي جبت خدامة بس كل الوقاية ماخذين معقمات جبتها شهر خليتها ومصير ناز غير معروف طلعت الأربعين مال منارس وكملت وناز ماكو وامها منهارة والكل داخل حالة نفسية الكل متأثر وجوري متغيرة جدا كلشي متغير ورحت للمستشفى اطمن علئ ناز مع انو مو صاحية بس اطمن عليها وصحتها خابرني مهند كلي حجي وياك كتلة هلا بيك بس البس جفوف وكمامة كال اكيد واجة واطمئن وشاف ناز ويبجي وبجيت ويا لان مخنوك مثلة وجهالي بدو يكبرون ميامين ويحيئ عمرهم 3 سنين اما ياسمين 6 اشهر عمرها صار وحلوين كلهم رحت للبيت وجنت متحمل ومقوي نفسي لخاطر جهالي وناز واهلها فقط لاغير ساعة 3 الفجر اجاني اتصال من دكتور كال ناز صحت كتلة صدك تحجي كال والله ورحت ركض دكيت الباب علئ اهلها طلعلي علي ومهند ومحمد كتلهم ناز صحت تعالو اسف فززتكم بس ماعرف شسوي اريد اشوفها وخبرتكم علمود تجون امها اجتي وكعدتهم كلهم رحنة صعدو وياية علي ومهند ومحمد وام ناز علاء نايم رحت ب اقصئ سرعة متلهف علئ شوفتها وصلنة ونزلت ركض فتت للغرفة الي هية بيها لكيتها كاعدة ومصدومة كتلها لج ناز وين جنتي وين عفتيني ليش هيج ليش احجيلي ليش عفتيني يا ناز ميصير وامها تبجي واخوانها مصدومين وعلي يبجي وتحمدتلها بسلامة وكتلها بس اريد اسمع صوتج
ناز:كعدت افتح عيني اريد اعرف اني وين وشصاير وشكد وشنو صار اي شي ضليت فاتحة عيوني ورة نص ساعة اتوقع اجة فهد وماما وخواني يبجون بس ماكدر احجي ساكتة مثلهم وفهد يعاتبني والكل بحالة صدمة حجيت وقهرني حالتهم وسئلت اول سوأل اني صار شكد هنا توقعت يوم يومين
فهد: شهر ونص
ناز:شنووووووووو مستحيل وانهاريت يعني رايحة علية الفاتحة والأربعين مال اختي لااااااااا
فهد:سئلت صار شكد وكتلها وانهارت اريد أهديها لان خاف ترجع تدخل بغيبوبة كتلهم خلوها تهدء ساعدوني وحاولنة نهدئ وبلا نفع........ الكاتب رامز مصطفئ.....وراها بساعة من البجي والاسئلة سكتت وهدت وكتلها مشتاقيلج جهال رجعي لخاطر جهال مو لخاطري
ناز: ضليت ابجي وضلو يسئلوني شصاير ومصاير وسئلتهم كلت ساعة بيش كالو ب 4 الفجر صار ساعة يحجون وياية لا والفجر صاحية اني وفهد ذكرني بل جهال مشتاقتلهم بكد رحمة الله والي راح راح وعلئ كوالتهم بعد ماطاح الفاس بل راس راحو العزاز بعد ومنارس منكدر نزورها لان دافنيها بمقبرة خاصة مال كورونا لمن سمعت هيج رجعت انهاريت وضليت اقرة الفاتحة واترحملها بهاي القصة العبرة انو الحياة متوكف مثل مكال الشيخ ومابيدنا غير الرحمة ودعاء والتزمو رجاء انتهت قصتنة وحياتنة منتهت اكيد ورجعت للبيت ومشتاقة للجهال بكد رحمة الله افيششش ياريحة هلي ضليت ابوس بيهم ورحت الاهلي وسلمت علئ بابا مشتاقتلة وماما هم عبالك جنت مسافرة والحمدلله غيبوبة وعدت وخواتي يبقون بكلبي وفهد الله لايحرمني منة اتمنيت الأحبة واخذ بنت شيخ 👳🏻 ديربالكم علئ نفسكم وترة القصة بيها جزء ثاني احتمال فقط من حياتنة يعني يجوز نسوي اي شي يصير ويانة ونشكر الكاتب..... رامز.... ويحيئ وياسمين وميامين يسلمون عليكم وجوري حالتها تحسنت بعد الصدمة واخواني زينين ومهند خطب فقط ورة الكورونا يسوي العرس ان شاء الله ❤️ أزمة وتعدي نحبكم يارب عجبكتم القصة.....رامز انتهت قصتنة وانتظرونة بل جديد
