هيا
بقيت الليل كله أني افكر بحجي ادم وبغزله شيجيب باجر واحجي ويا
الساعه تمر عليه كأنه سنه
اجه الصبح بدلت ورحت للمدرسه انتظر تصير الفرصه حتى اخابره
اجت الفرصه وركض رحت خابرته ب ختله وصديقتي اتراقب خاف يجي احد ☺️
الو هلو ادم
ادم هلو عيون ادم بس أني زعلت اريد دكليلي هلو حبيبي
هيا ضحكت وخجلت
ادم حبيبي مكتيلي شوكت اشوفج
هيا :ادم اليوم راح اطلع ويه اهلي مااعرف انت تكدر تجي
ادم :اكيد اكدر اجي بس كليلي وين
هيا : من انطلع ادزلك مسج واكلك وين يلا خلصت الفرصه
ادم : ماشي حَبِيبْتيـِے* بس كليلي احبك
هيا: هههه ما
ادم: شنو ما يله كولي احبك عسريع يلا
هيا: احبك باي
ادم: غير أني اموت عليج
هيا: رجعت للبيت ولحيت علٌـِـٌِۓ امي علمود نطلع ب منطقه وقبلت امي ودزيت مسج الادم ودزيتله المكان
معرفت شنو البس شلون راح اشوفه واباوع بعيونه طلعت واني طايره
رحنه وشفت واكفلي هوه وصديقه واجت عيني بعينه مااعرف شنو صار بيه كمت مااشوف كدامي
وراهه امي شكت بيه وشافتني من دااباوع عليه جان دكلي هسه نرجع كتله
رجعنه رحنه بغير مكان واحنه هناك طلعت بره المحل وجان اشوف ادم كدامي متحملت وضحكت وطلعت امي شافتني هناك امي جرتني وكالت امشي طبي واني اعلمج
كلش خفت من أمي ومن تصرفه
رجعت وامي بقت تحقق ويايه واني انكر ماما ماعندي شي دكلي أني شفتج تضحكيله واخذت مبايلي مني وكلتلي ممنوع مبايل بعد لحد متخلصين امتحانات بكلوريا
الليل كله أني ابجي لاكدرت احجي ويا ولا كدرت اكله لدزلي شي التلفون مو يمي انتظرت شوكت يجي الصبح واداوم اكله
رحت للدوام وانتظرت الفرصه وخابرته من تلفون صديقتي وكتله مااكدر احجي وياك بعد امي هيج سوت بيه
ادم كلش خاف عليه من اهلي وخاف يعرفون عندي شي كلي ماشي أني احبج وانتي تحبيني أريدج تقرين وتطلعين معدل واوعدج بيوم الي تستلمين النتيجه اجيب اهلي واجي اخطبج
هيا: استمريت احجي ويه ادم بس ب فرصه كم دقيقه
جنت افكر شلون راح ابقى اربعين يوم مااحجي ويه ادم
بقى اليوم يمر عليه بسنه ومشت الايام واجه وكت ابقى ب بيت
الوكت كله أني بس ابجي
صديقتي كلتلي هيا اشتري سيمكارت ومبايل بدون ميدرون اهلج
زين أني شسوي منين اجيب فلوس اجتني فكره واخذت زنجيل ذهب وانطيته الصديقتي وباعتلي ايا وهيه اشترتلي مبايل وسيم كارت
هنا بدت المشاكل بين ادم وهيا
يتبع ....
