بِسْم الله الرحمن الرحيم
نكمل ....
روابي : يالله خلونا نكمل ونفتك
ود : منجد قبل لاتجي عجوز النار
اروى وهي تضحك عليها :حبيت الاسم
فجاءه سمعو صوت الباب
ود : بِسْم الله كيف جت بهالسرعه
اروى : بسرعه كل وحده تسوي شغله
دخلت مرت عمهم المطبخ ...
مرت عمهم : اروى حبيبتي خوذي ذَا الكيس وتعالي ورأي الغرفه
اروى منصدمه وتطالع اخواتها
حركت روابي بيدها انها تروح وراها
ود بهمس لروابي : بِسْم الله اول مرا تصير اُسلوب مثل كذا
روابي : يحماره ورا ذَا الأسلوب شيء :)
ود : الله يستر
———————————-
عند اروى ومرت عمها ..
مرت عمها : شوفي اروى انتي بنت كبيره وفاهمه وماشاءالله وصلتي لعمر الزواج خلاص وبكرا بيجونا ضيوف يخطبونك لولدهم
اروى تطالعها بصدمه وكانت دموعها تنزل بدون ماتحس على نفسها اروى : بس كيف
مرت عمها : هي بتجي بكرا بتشوفك اذا طلعتي نفس مواصفات ولدها بتاخذك له يعني مو اكيد هالشيء بس حبيت اقولك
والكيس اللي معاك في ملابس جديده شريتها لك شوفيها اذا أعجبتك ولا بكرا الصباح نروح السوق
اروى بتردد : ان شاءالله مرت عمي
مرت عمها بابتسامه ولاول مرا تشوفها تبتسم : حبيبتي اطلعي وسكري الباب وراك
طلعت اروى من الغرفه وكانت الصدمه واضحه عليها
اروى وتوها تحس بنفسها ركضت لإخواتها في المطبخ
اروى تركض لروابي وتضمها : روابي ساعديني
روابي منصدمه وتشدها اكثر : بِسْم الله عليك يعمري اشفيك
ود : ليكون سوت لك شيء والله ماتلوم الا نفسها
اروى بصياح اكثر من قبل : بتزوجني واحد مااعرفه
روابي بصدمه اكثر والدموع بدت تطيح من عينها : اروى حبيبتي اهدي وارجعي اشرحي لي من اول وجديد
بدأت اروى تشرح الموضوع من اول وجديد لها
روابي : سمعيني اروى بتشوفي الرجال وبيشوفك واوعدك اذا ماكان كفو ويستاهلك ماراح تاخذينه حتى ولو اخذه انا المهم انتي
ود تجلس جنب اروى وتمسك يدها : مو انتي تبي تطلعي من هنا؟
اروى : اي
ود : قلنالك اذا طلع رجال وولد حلال وعجبك بتاخذيه واذا طلع لا صدقيني ماراح يأخذك
بعد محاولات إقناع مع اروى واخيراًً رضت بهالشيء ..
—————————————-
في الصاله عند عمهم وزوجته ...
ونواف توه جاء للبيت ..
مرت عمهم : في وحده بكرا بتجي تشوف اروى واذا عجلتها بتاخذها لولدها ونفتك منها وعقبال اخواتها بعدها
عمهم : البنت موافقه ؟
مرت عمهم : موافقه
عمهم : المهم انو هو ولد حلال ورجال ؟
مرت عمهم : اي
عمهم : الا شسمه؟
مرت عمهم : محمد
عمهم : بسال عنه وبشوف شنو يشتغل وكم راتبه وأخلاقه
مرت عمهم : المهم نفتك منها
كان في شخص يسمعهم وعلى باله انو روابي هي اللي انخطبت
ماقدر يتكلم مع امه ويقولها لانو عارف امه اذا عرفت انه يحبها بتزوجها قبلهم كلهم ركض وجنون الارض كلها فيه طلع برا وأخذ حجره ورمى على شباك الغرفه بس ماكان في جواب عرف انو مو موجوده في الغرفه والمكان الوحيد في المطبخ جلس برا ينتظرها وقلبه مشتعل ...
—————————-
عند البنات في المطبخ ....
روابي : واخيراًً خلصنا
ود : منجد
اروى : اوف تعبت بروح انام
ود بضحكه :العريس جاي بكرا.
اروى : امحق عريس والله
روابي وود يضحكون عليها
اروى : يالله بس خلونا نروح تعبت
———————————
في الغرفه ....
كانوا مجتمعين ينتظرون اروى تطلع حتى يشوفون البس عليها
طق الشباك وعلى طول فهمت روابي انو نواف ركضت لناحية الشباك واخيراًً بعد هاليوم آلمتعب والطويل بتشوف حبيبها ...
فتحت روابي وابتسمت له
اما نواف فطلب منها تنزل تحت تقابله ..
أخذت روابي الطرحه وبدت تعدل بشكلها وركضت لتحت خافت انها تقابل مرت عمها بس هالمره كان من حظها انها نأمت بدري
وأول مانزلت سحب نواف يدها وعلى طول راح للمجلس
روابي بصدمه : ....
نهايه البارت بينزل بارت بعد دقايق ثاني 🤝.
