✍Sken...
Oseyan lanmou nan kè m deseche
Depi lè w pala m pèdi tout nosyon efori
Vag lajwa pè rann mwen vizit kòmsi m te peche
Chak jou m ap soliloke, men yo te gentan pale m di m renmen w se foli
Avan m renmen w m te dwe damou solitid an m
San ou tout bagay vin etranj, m konfu
M twouble nan konpòtman m, absans ou twouble abitid an m
M pa konn kijan pou m viv lavi an san ou, m santi m esklu
Men se fòt beze w yo, yo te si suave e tèlman meliflu
Sapidite yo twò gate m
Kounya kiyès k ap poulote m
M espere absans ou pap etenèl, m santi m avachi
M pa konn si se tristès
M pa konn si se rankè
Men absans ou koumanse fè m pè, m prèske fè kè
M bezwen lanmou w, temèt son ti rès
M respire pou m renmen w e pou w renmen m
M te lèse kè m nan pla men w, pou w te mennen m
E kounya, m bezwen prezans ou plus ke jamè
Gou lèv solitid lan pa kouwè pa w, okontrè li plis ke amè
Tanpri tounen nan vi m ankò
Pou m ka repran gou viv egzistans mwen
Wi! tounen e abreje chagren ak soufrans mwen
Tanpri! Tounen nan vi m ankò.
YOU ARE READING
SAN OU
PoetryPèdi yon moun ki chè nan zye w pa yon bagay ki fasil, depa li ap tou kondane bonè w koz se li ki te sekrè an, si w ap nwaye nan melankoli pa etone... Brèf! Li tèks lan epi kòmante, pa bliye vote ... #tèks_sken_yo
