Unicode
မိဘမဲ့ဂေဟာလေးတစ်ခု….
အဖြူရောင် ပဝါစလေးတွေဟာ လေယူရာဝေ့ဝဲလို့ နေရာတော်တော်များများမှာ လှပစွာနေရာယူနေကြတဲ့ ပန်းတို့ရဲ့ မွေးပျံ့ပျံ့ရနဲ့တို့နဲ့အတူ ငြိမ့်ညောင်းသော တေးသွားလေးတွေ ပျံ့လွင့်နေတဲ့ ပတ်ဝန်းကျင်လေး….
နှင်းဆီပွင့်ဖက်တို့ ဖြန့်ခင်းထားတဲ့ လျောက်လမ်းလေးရဲ့ ထိပ်မှာ ရှိနေတဲ့ သစ်လုံးတို့နဲ့ သေသပ်စွာ ပြုလုပ်ထားပြီး အနီရောင် အပြာရောင် ရွှေရောင် အစရှိတဲ့ ဖဲသားအစတို့နဲ့ ခန့်ညားစွာ ပုံဖော်ထားသော စင်မြင့်တစ်ခု…..
ထိုလျောက်လမ်းလေးရဲ့ တစ်ဖက်တစ်ချက်စီက မြတ်ခင်းတို့ပေါ်မှာ ခင်းကျင်းထားတဲ့ အဖြူရောင်စားပွဲဝိုင်း လေးတွေထက်က အစားအသောက်တွေကို ပျော်ရွှင်စွာ စားနေကြတဲ့ အရွယ်စုံကလေးတွေနဲ့ ကြည်နူးစွာ ပြုံးရင်း ကြည့်နေကြတဲ့ လူကြီးအချို့…..
နေခြည်သွေးလို့ လေပြည်ဖြူးသော သဘာဝတရားကြီးအောက်မှာ မေတ္တာတရားတို့နဲ့ နွေးထွေးစွာ အသက်ဝင်နေတဲ့ မင်္ဂလာပွဲလေး……
ဟုတ်ပါတယ် ဒါ စီးပွားရေး ထိပ်တန်း Group တစ်ခုဖြစ်တဲ့ Kim Group ရဲ့ သားငယ် Kim Taehyung ရဲ့ မင်္ဂလာဧည်ခံပွဲပါ။ ဘာအရှိန်အဝါမှမပါဘဲ သဘာဝဆန်စွာ နွေးထွေးအေးချမ်း တဲ့ အငွေ့သက်လေးတွေနဲ့ ပျော်ရွှင်စရာ ဒီပွဲလေးကို ကျင်းပခဲ့မှုရဲ့ အခြေခံအကြောင်းရင်းကတော့ နီညိုရောင် ရိုးရာဝတ်စုံကို ခန့်ညားစွာ ဆင်မြန်းထားတဲ့ကောင်လေးရဲ့ ဘေးက အဖြူ နဲ့ အပြာရောထားတဲ့ ရိုးရာဝတ်စုံလေးနဲ့ ချစ်စရာကောင်းလှတဲ့ ကောင်လေးကြောင့်ပါ။
“Hyung”
“ဟင်… ဟင် … ပြောလေ Tae”
ကျွန်တော် ခေါ်တာတိုးတိုးလေးပါ ဒါပေမဲ့ စိတ်လှုပ်ရှားလွန်းနေတဲ့ Hyung ကတော့ လန့်သွားလေရဲ့။ ကမန်းကတမ်းနဲ့ ထူးပြီး ကျွန်တော့်ကို မော့ကြည့်လာနေတဲ့ Hyung ရဲ့ မျက်ဝန်း တောက်တောက်လေးတွေ ရှက်လို့နီနေတဲ့ ပါးပြင်နုနုလေးလေးတွေ ကိုက်ထားတဲ့ နှုတ်ခမ်း အိအိလေးတွေ နဲ့ သွေးကြောလေးတွေ ယှက်နေတဲ့ လည်တိုင်သွယ်သွယ်လေး အား ချစ်လိုက်တာ Hyung ရယ် လို့ ဘာလို့အဲ့လောက်တောင် ချစ်ဖို့ကောင်းနေတာလဲ ဝတ်ထားတဲ့ ရိုးရာဝတ်စုံက ပံ့ပိုးနေတဲ့ Hyungရဲ့ ချောမောခြင်းတွေမှာ ကျွန်တော် နစ်မြောရင်း ဘေးက ထိုလူသားလေးကို မျက်တောင်မခတ်တမ်း စိုက်ကြည့်နေမိပါတယ်။ မကြာခင်မှာ ဒီပြည့်စုံလွန်းတဲ့ လူသားလေးက ကျွန်တော့်အပိုင်ဖြစ်လာတော့မယ်။အတွေးနဲ့ အတူ Taehyung ရင်ထဲ သိမ့်ခနဲကြည်နူးသွားသည်။
