قصة الحب والكورونا😷❤️

البارت الرابع

البارت الرابع
ياس..عدلت فراش الحجي وخلية يمه دبة الاوكسجين وحطيتله كانونه بس الرجال معاجبني وضعه ابد بس ماحجيت شي حتى ميخاف ردت اسويله اكل صحت احم احم كالت البنيه اتفضل كتلهه خويه اريد اسوي شوربه حتى ياكلهه ابوج وين المطبخ
رهف..لا خويه اني هسه اسويهه وأصيحك تسلم تعبناك ويانه
ياس..لا تعبكم راحه بس انتي تعرفين تطبخين
رهف..يي اعرف كلشي دقايق ويصير الأكل ..رحت سويت الشوربة البابا وسويت نواشف للرجال كلت خطيه تعب ويه بابا واكيد مماكل شي الحد هسه بس. عندي فضول اشوف شكله اكله لو لا اوووه شنو سالفتي هسه شيكول عليه يلا هسه خلي اصيحه اف نسيت اسمه خرب شلون هسه كلت يلا راح ادخل اصيحه جبت الأكل مال بابا ومال الدكتور كلمن بصينيه ....دكتور دكتور واجتي عيني ع البابا ماتحملت وكمت ابجي ماجنت متوقعه هلكد بابا تعبان اجه الدكتور اخذ مني الصينه وكال
انس..اجتي البنيه حتى ماعرف اسمهه شنو بس سمعت صوتهه أجت للغرفة وهيه لازم متطب ولا توصل يمنه رفعت عيني وشفتهه تبجي وتشهك قهرتني كلش اوكفي اوكفي لتطبين مو كتلج من تكملين صيحيني ليش اجيتي زين ليش تبجين ادعيله يكوم بالسلامه ابوج قوي مابي شي انشاءلله لتخافين كومي غسلي
رهف..عفيه فدوه اروحلك ماريد بابا يصيرله شي ماعندي غيره اموت والله وراه الله يخليك ساعده واذا ماكدرت عوفني يمه حتى انموت سوه ماريد ابقى بهاي الدنيه وضليت اصرخ وابجي كوه كومني الرجال بغير غرفه وفتح المي وخلاني اغسل وجهي
ياس..كافي عيني ميصيرله شي لتخافين كولي يالله اني يمه مراح اعوفه ولتسوين هيج ترى من يشوفج ابوج بهاي الحاله يتعب حاولي تطمني ومن تشوفي اضحكي لتبجين
رهف..شلون اضحك وهوه جان الي كلشي مو بس أبو خويه والله اموت اذا صارله شي الله يخليك حتلو البس مثلك بس خلي أطب يمه فدوه الله يخليك
ياس..كافي عيني لا ميصير تدخلين خليج قويه حتى تكدرين تساعدينه ترى من وراج مراح اكدر اشتغل
رهف..اوكي اوكي اسفه بعد ما أتدخل بأي شي بس ديربالك عليه سويتله اكل خلي يأكل
ياس..ماشي عيني بس هاي المن الصينيه الثانيه
رهف..الك خويه كلت اكيد مماكل
ياس..فدوه العمرج خيتي تسلمين تعبتج
رهف ..لا خويه بالعكس اصلا شسويلك قليل بحقك
ياس..يلا هسه روحي ارتاحي اني اكمل واجيبه الج الأكل بالمطبخ
صدك انتي شسمج
رهف..اسمي رهف وانته بصراحه نسيت اسمك
ياس..اني ياسين بس صيحيلي ياس لان الكل يصيحلي هيج
رهف..اوكي تشرفت بمعرفتك دكتور ياس
ياس..الي الشرف بس ترى جعت كولش
رهف..ههه اسفه يلا اتفضل اكل
ياس..ههه عادي يلا أخذي راحتج
وكلت اول شي الحجي وهوه يبجي خطيه ويدعيلي يكولي محد سواهه بس انته وطلب مني اترك المكان خوفا عليه اني رفضت وكلت لازم أساعده هذا قراري خلصت اكله وبيديت اني اكل طبعا بغير مكان وورى ماغيرت كفوفي والكمامه خلصت الأكل ووديته للمطبخ شفتهه مسويه جاي أخذته منهه وكعدت بعيد شويه عن الحجي بس اخذتلي صفنه ههه ع طعم الأكل ونضافة البيت ابالي اكول هاي بنيه وزهراء اختي بنيه هههه وجان اتذكر علاوي عزه سيارته عندي باوعت الحجي نايم رحت للبنيه
احم احم
رهف..تفضل اخي
ياس..اني راح اروح اودي السيارة مالت صديقي وارجع ابقى يم الحجي ابد لتدخلين عليه اوكي ويجوز اتاخر يلا اجي راح اخلي رقمي عدج اي شي يحتاج دكي عليه
رهف ..بس خويه اني ماعندي جهاز وفون بابا البارحه احترك زين عادي البس مثل ملابسك وابقى يمه
ياس..زين اني عندي جهاز مستعمل راح أجيبه الج اليوم منا لحد ميصير زين ابوج وسالفت الملابس عيني انسيهه لان ميفيد اني دكتور ويجوز ينتقل الي المرض
رهف..بس خويه وبابا اذا راد شي وانته مو يمه شلون بهاي الحاله لازم البس ع الاقل للاحتياط
ياس ..اوكي راح اجيبلج بس وعديني مراح تدخلين للغرفه واذا سمعتي صاح دكي عليه اني اصلا قريب عليكم
رهف ..اوكي خويه أوعدك
ياس..يلا باي
رهف..الله وياك خويه ...مادري هذا الولد ليش هيج ديساعدنه وليش هوه بعمر الورد ويضحي بحياته معقوله اكو هيج بشر الحد هسه خلاني احس الدنيه بعدهه بخير