كشف المستور

عقاب الخائن

سمير: يوسف؟؟
يوسف: انا اسف بس سمعت صوتك فرحت وصدامه في نفس الوقت  قولت ازاي وكلام الدكتور انك حتي الكلام مش بتكلم وسمعت الحوار بتاعك مع ياسمين
ياسمين: كلام يوسف صح صبحي هيبقي كل المهم عنده يقتلني انا
سمير: انتي مجنونه؟؟  طيب نتكلم مع الراجل الاول نشوفه هيقول لي صبحي او لا انتي كملتي الحوار ولا كان في حاجه
ياسمين: وهو مفيش حاجه... يوسف صحبك وانا واثقه فيه
يوسف: انتي عايزه تحرجيني؟؟
سمير: انت صحبي بجد يايوسف واخ ليا
يوسف: وصبحي كان صحبك واخوك وشريكك
سمير: وخان... وحاول يقتلني
يوسف: معلش يعني انت وهو مش شركاء في اعمال خيريه
سمير: مش عايز اقولك الاعمال الخيريه اللي بعملها لا ياسمين تعرف بيها ولا امي
يوسف: المطلوب مني ايه ياسمير؟؟؟
سمير: انا ليا حق مع صبحي فلوس وحق ورميتي من السطح وسبحان المنجي اني ابقي عايش
ياسمين: وسمير وعدني مش هيشتغل في كدا تاني
سمير: من قبل مايحصل اللي حصل وانا والله ناوي التوبه لله بس مش هسيب حقي لي صبحي

يوسف: من شروط التوبه انك تتخلص من الفلوس كمان لانها  فلوس حرام ياسمير
سمير: تقصد ايه اسيب حقي لي صبحي
ياسمين: لا طبعا تاخد حقك من صبحي وتفتح بيه مستشفي تساعد الناس اللي مش لقيه رعايه انت شايف الحكومه حتي مستشفيات الغلابه بقت بالوسطه
سمير: انا بطلع فلوس لله منغير متقولو
ياسمين: عايزه اعيش معاك بفلوس شغلك الاساسي فلوس المحاسب
سمير: انتي فهمه ان المرتب بتاعي هو اللي معيشنا العيشه دي
يوسف: يبقي اللي انت ناوي عليه مش توبه ياسمير
ياسمين: من فضلك وافق ياسمير

وتغمز لي سمير بعنيها

سمير: امري الى الله موافق
يوسف: يبقي انا صحبك واخوك واعتمد عليا
ياسمين: لازم صبحي يفضل فاهم ان سمير عنده شلل كلي زي الدكتور مقال وكمان لازم يفهم ان محدش فينا يعرف ان هو اللي رما سمير وان انا اساس الشغل و سمير ماهو اللي دراعي اليمين وفي نفس الوقت تحافظو عليا صبحي ممكن يقتلني
سمير:  طول ماانتي معايا وجنبي متخفيش هفضل عامل مشلول و وقت الجد هبقي جنبك
ياسمين:  ربنا يخليك ليا
يوسف: كدا كل دا معتمد عليكم انتم... انا مطلوب مني ايه
سمير: انك تبقي زبون عندي
يوسف: مش فاهم
سمير: نتكلم واحنا بناكل انا جعان اوي
ياسمين  :  وانا كمان

وتقوم ياسمين تفك الاكل ويقعدو كلهم يكلو وهما بيتكلمو مع بعض

سمير: انا مفيش زبون يعرف شكلي كله علي النت وباخد مخزن ايجار في مكان مقطوع واحط فيه البضاعه علي كام كاميره في كل مكان ابقي شايف كل حاجه الزبون بيدفع الفلوس ياخد مفتاح المخزن ويروح ياخد البضاعه

ياسمين: يعني في حد بيشوفك اهو؟؟
سمير: مفيش خالص.... المفتاح بيبقي في مخزن تاني في مكان تاني الزبون بيفتح ويدخل الفلوس و ياخد مفتاح المخزن التاني من المكتب ويمشي و ابعت ليه رساله بي عنوان المخزن اللي فيه البضاعه ويروح ويشيل ويمشي
يوسف : دا شغل عالي والفلوس اكيد بتبقي كتير محدش غدر بيك
سمير: محدش يقدر يغدر بيا... يبقي بيلعب في عداد عمره
ياسمين: انت بتقتل؟؟؟
سمير: الخاين بس انا تاجر سلاح مش لعب اطفال وسمعتي في سوق السلاح مشهور اوي
يوسف: مافيا
سمير: ايه؟؟
يوسف: زي نظام المافيا
سمير: تقريبا
يوسف: هتقتل صبحي
سمير: لا هقتله بالحصره
يوسف: ازاي
سمير: ماهو دا المطلوب منك... ياسمين في اوقات مش هتبقي معايا لازم انت تبقي معاها للحمايه وانا مش هثق في حد زيك
يوسف: موافق بس بردو ناوي تعمل ايه مع صبحي؟؟هتقتله؟؟
سمير: عيب عليك دا صحبي