Mataba daw ako, sabi nila
Oo na, sige na, halata naman, di ba?
Hindi na kailangang ipagsigawan pa
Dahil sa una palang tanggap ko na.
Bakit daw ba hindi ako magdiet
Para maalis ang mga tabang nakaipit
Eh sa ayaw ko nga, bakit ba mapilit?
Tantanan niyo ako baka gusto niyong mapitpit.
Mga braso ko'y naglalakihan
Sa handaan pwede na daw saluhan
Ang mga binting nagsusumiksik sa laman
Kanila daw ibebenta sa katayan.
Aray ko po! Ang sakit naman
Sa isip ko di naman ako ganun katabaan
Mabilog at malaki man ang tiyan
Sa Sumo Wrestling, di pa pwedeng ipanlaban.
Nakakainsulto na ah, gusto ko ng manapak
Mga panunukso nila'y sinamahan pa ng halakhak
Ang pasensya ko'y kanila ng winasak
Baka gusto nilang ang Eiffel Tower sa kanila'y bumagsak.
Ang mga tao ngayo'y sobra ng mapanghusga
Sa mga bagay na wala namng kinalaman sa kanila
Bakit sarili nilang kapangitan di nila makita
Kung makapanlait, akala mo'y wala silang sira.
Kasalanan bang maging mataba?
Eh sa eto ako wala na kayong magagawa
Pintasan niyo man katawan ko ng walang sawa
Wala akong pakialam dahil wala kayong mapapala.
*hmmm....mga tao nga naman... nakakairita na s tenga... pauli-ulit. Sila pa yata ang proud eh... Mga sirang plaka lang. Buti na lang adik ako, keribels lang. Mas masarap mag-adik kaysa sa pumatol sa mga kung anu-anong ka-echosan.!I love my body. Pinaghirapan kung patabain to eh. Bakit ba??!! Wahahahahahahaha! :P
