بسم الله الرحمن الرحيم والصلاة والسلام على نبينا محمد وعلى آله وصحبه أجمعين
السلام عليكم ورحمة الله وبركاته
شلونكم بناتي وخواتي الغاليات ان شاء الله ب افضل حال
اليوم راح احجيلكم عن كثير مواضيع
وراح احجي عن شغلات صارت وياي شخصيا حتى تستفادون منها وتتعلمون وتاخذون عبره
ليله من اليالي الساعه ١١ بليل كاعده على سجادتي اصلي صلاة الوحشه لشخص توفه قريب علينه واني بطبيعتي اذا اسمع بشخص مات قريب بعيد اصليله صلاة الوحشه
المهم دخل عليه والدي بويه علويه لحكيلي عندي مريضه كومي ساعديني
خلي احجيلكم عن والدي الله يحفظه
والدي عنده كرامه من اهل البيت عليهم السلام
وسيد معروف و اله مضيف يرحب بالرايح والجاي
الكل تحلف براسه وتهابه سيد ال فلان اععع وصلت بويه سيد اله شارته وهيبته يعالج الي متعوب نفسيا الي عليه عين سحر يبطله عنه وكله لوجه الله والناس كلها تجي من كل محافظات العراق ذيج الليله
اجو ناس من اهل الزبير
استضفناهم وقمنه بالواجب بس الوقت كان متأخر ومايجي شخص بهيج وقت الا واكع بمشكله جبيره ويريد الها حل
دخل والدي عليه بويه علويه كومي ساعديني عندي مريضه اني المريضه الي تجي شغلتي اسبحها مو عبالكم اشتغل بالروحانيات وكذا اني اعرف اقطع التابعه و اسوي حرز عن العين للتخلص من الجن لكن ما اشتغل الا للمحتاجني كلش ولوجه الله
كتله اي يابه صار تدلل كمت ويا لبست عباتي وطلعت للصاله مالتنه راح والدي جابلي المرا وبنتها
ابنيه بعمر الورد عمرها ١٨ سنه جايبتها والدتها و خالها يتيمه والدها متوفي وباقيه عند عمامها و امها مزوجه
ماكدر انطي تفاصيل اكثر عن البنيه
المهم اباوع للبنيه ترجف مثل السعفه كلها تهتز
لزمتها من جتافها وخليت ايدي على راسها وقريت عليها سورة يس ما اشوف البنت ربي يشهد على كلامي الا بنت عيونها صارو حمرررر دم دم والله وبخت جدي
مو جديده عليه اني عرفت شغلتها البنيه والدتي يمي و والدتها هم كانت موجوده و زوجة اخويه دخلت جابت ماي للخطار كتلهم الكل تطلع بس اني والبنيه نبقى وحدنه امها تبجي وكوه طلعت قفلت الباب علينه وكعدت مقابيلها صرت اقرأ قرأن بصوت عالي البنيه تهسترت ترجف تضحك تصرخ جبت رايه ابو الفضل العباس ع
عمره خساره الي مالازم رايته
خليت الرايه على راسها والله البت صارت تصرخ بصوت عالي كلش انجنت اني احس بالشخص اذا كان عنده مس اول ما اشوفه بعيني
بس البنت ماعدها مس ليش جاي هيج تسوي حتاريت بيها
استعانيت براية مولاتي السيده زينب ع
غطيتها البنت بالرايه وصرت اتعاتب و اطلب من مولاتي زينب ع تحظر هذي البنت وتساعدني
حتى تتشافى من مرضها
والله وبالله غمضت عيني وما احس الا الصاله صاتر نوووووووور ساطع يشع اقوى من نور الشمس مو غريبه اني دائما اشوفهم اهل البيت ع و اكثر شي من اقرأ زياره عاشوراء كلهم اشوفهم كدام عيني
نزلت رايه بيضه مسحت على البنت ثلاث مرات وبعدهي اختفت رجع الوضع كما كان
باوعت للبنيه نايمه وهادئ بس عيونها تصب دموع
تشكرت من مولاتي زينب ع ورجعت الرايه والقرأن لمكانهم ورجعت كعدت يمها غسلت وجه البنيه طبطبت على خدها بكف ايدي الا صحت شويه ها حبيبتي شلونج شنو اسمج كالت اني كذا اسمي ماكدر اذكر اسمها حفاظا عليها
سئلتها شنو شفتي كالت شفت وحده لابسه اسود وبيدها طاسه ماي غسلت وجهي وكالت سلميلي على العلويه صلو على محمد وآل محمد
اللهم صل على محمد
كتلها مو غريبه اهل البيت هواي الهم مواقف وياي ومساعديني الحمد لله دائما يوكفولي تعالي احجيلي شوكت صار بيج هيج وليش
بجت كالت علويه داخله على الله وعليج ساعديني
كتلها ابشري اساعدج بماي عيني كولي شنو البيج
كالت اني عايشه عند عمامي وعمي الوسطاني هو الي مأذيني كتلها شلون
كالت دائما يجيب خرز ويخليهم جوا راسي واني اضل ااحلم ب احلام تخوف او اشياء تخوف او شخص يعتدي عليه
واذا ارفض عمي يموتني كتل ومحد الي غير الله وانتي تخلصيني منهم لان حيل تعبت
عرفت شغلتها ومرضها هو خوف من الي شافته ومن الاعتداء الي صاير عليها من قبل الارواح الشريرة
كومتها سبحتها بتربة الامام الحسين ع
وبدلت الها ونومتها يمي الليل كله مانمت اقرأ على راسها قرأن ختمت ٣ اجزاء واني كاعده عند راسها صار الصبح ضفناهم وكملو البنيه وجها وردي شحلاتها طلعت كالت علويه اتمنى ابقى يمج البارحه كلش ارتاحيت ونمت مرتاحه و تحلمت كأنو امشي و ايدج لازمه ايدي ودخلتني للامام علي ع زورتيني بيدج و كأنو وكعت عليه جكليته من فوك الضريح
ابتسمت الها وكتلها عن قريب ان شاء الله ماراح افاركج ابد روحي هسه ويصير خير وهذا حلمج لا تحجين بيه لاي احد
وهم حجيت وي امها ووصيتها بيها
اكيد تعبتكم وياي هواي حجيت بس تعالو اريد اطلعلكم مضمون هذا الكلام كله يعني الزبده
الزبده هي الي يستغل اليتيم هي بنت يتيمه وبنت اخوك ومن لحمك ودمك تعرضها للخطر ليش
ماتخاف الله انت تعرفون هذي الاشياء لوين توصل بالله العلي العظيم توصل حد الموت
انت تريد تصير روحاني جرب بنفسك اذا انت تخاف تبيت الخرز جوا راسك ليش تعرض هاي الطفله لهيج امور
شنو اليتيم صار حقل تجارب لان ماعدها واحد يحاميها هيج تسوي بيها
هذي هي مخافة الله الي نعدمت قبل اليتيم كلها تتسابق لجل رضاته
هسه ماكو كل مخافه من الله سبحانه و تعالى
و اطلب منكم هيج امور ابد لا تتقربون الها لان خطره وتأذيكم اذا شفتي خرزه او حرز ابد لا تتقربين الهم لان ماتعرفين شنوهم ومنو الي خلاهم كدامج انتبهو من هيج اشياء خرز وماشابه وكتب عن الجن وتسخير الجن ابد ابد لا تتقربون الها و اكو ناس تنشر للمحبه وكذا وجيبي شموع وكتبي عليهم وكذا وكذا ترا الشموع او العمل بالشموع هو هذا تسخير جن و اذا حضر الجن وماعرفتي تصرفي بعد الله يعينج اذا ماكتلج سودنج والله ابد لا تقتربون من هل امور الي تحتاج شي اني بالخدمه اكو تسبيحات لكل شي للرزق للزواج للمريض لاي شي لاي شي شنو ابالكم راسلوني واني اساعدكم لوجه الله
البنيه حاليا زوجتها لبن اختي لان مستحيل شخص يطلب أساعده وخلي وصار سنتين مزوجين وهسه عدهم بنوته جنها كمر على امها ابن اختي ازرك على ابو طالع هههههه
تعبت والله ولو عندي موضوع مهم وياكم اريد احجي بس ان شاء الله بليل هم انزللكم شويه كلام وشغلات تفيدكم
رددو دائما
نادا عليا مظهر العجائب تجده عونا لك في النوائب
وهسه في امان الله اختكم العلويه ام علي
