ماجرحتنيش
ماجرحتنيش أنا كنت جاية بجرح
ماوجعتنيش فيا الوجع من عُمر
ملامح فرحتى فى ايدك ماتبعدهاش
وقرب منى قربها فى قلبى ماتمنعهاش
ومنين هاترجع ثقتى تانى فى الايام
حبة ظروف بتطوف فتجمعنا.. غرضها تمنعنا
تقتل مابينا الشوق وع الفراق بنفوق
تنسب لغيرنا الحلم .. تبدأه بغيرنا
جوانا نفس القلب بس الظروف مقاسات
وظروفى واسعة عليك
حاول ماتمنعش سيب الطريق مفتوح
يمكن يرجعنا نفس اللى فرقنا
لسه اللى كان بينا نفسه يكون بينا
أملى الأمل يكبر وتيجى تحضنى بكف الايد
نرجع ونتواعد .. نعطى الأمل مواعيد
قلبى بقى ضدى حالف لهنعدى
مهما الظروف هاتطوف .. آخر الطواف وقفة
و نصابى فى الحياة إنت
وإن كنت لسه بدارى فملامحى بتقولك
قلبى اللى مفتوحلك مكتوب على حيطانه
إنت اللى مسموحلك
تبعد وترجع تانى تسكن فى أحضانى
ماشية خطاك فيا مهما تغيب ليا
هاتروح فروحى معاك ونفس اللى فيك فيّا
#محمد.أحمد.جمعة
