كن معي

البارت الأول

#البارت_الاول
#كن معي
وليد :جورى يلا يا جورى اصحي يا جورى يا باي علي كسلك اصحي بقي
جويرية بنوم :يا وليد سيبني بقي ومتغلسش
وليد :يا بنتي العصر اذن
جويرية بفزع :يا لهوي الكلية
وليد :كليه إيه إحنا مش اتفقنا هتاخدي أجازه
جويريه :آه صح اتخضيت والله
وليد :طب يلا قومي يا كسوله أنا حضرت الفطار
جويرية :أنا كنت هعملو علي فكره تعبت نفسك
وليد :أنا وإنتي واحد يا قلبي
جويرية :احلي جوزي قرة عيني ده ولا إيه بقي
قعدنا سوا نفطر
جويرية :بتعرف تعمل أكل علي فكره
وليد :يا بنتي أنا شيف قديم أصلا
جويرية :بس متتغرش بس ده إنت حارق البيض أنا بجاملك
وليد :أنا غلطان أصلا
جويرية :بس متقفش بس
وليد :لا أنا زعلان صالحيني بقي
جويرية :بص هو الجواز ده أنا قلت مينفعنيش خالص والله
وليد :اممم أنا لسه زعلان علي فكره
جويرية :رخم والله.... خلاص بحبك
وليد :بحبك حاف كده
جويرية :لا احشيها في سندوتش وعدي عشان أروح أصلي
وليد: ماشي يا لمضه

جويريه :ها مين هيجي بقي
وليد :قولي مين مش هيجي أنا مش فاهم والله هو ليه مفيش مراعاه لشعور الآخرين مش عارفين اننا لسه عرسان جداد
جويرية : معلش يا حبيبي لازم نتحمل أهلنا بردو
وليد :والله أنتا إللي مصبرني علي الحياة دي يا جميل
جويرية :هو إنت مش ناوي تنزل الشغل
وليد :ليه آنتي زهقتي مني ولا إيه. وبعدين في واحد يبقي لسه متجوز إمبارح ينزل الشغل بعدها بيوم
جويرية :طب ابقي روح اتطمن ع الشركة قبل ما نسافر بكره
وليد :عايزين هاني مون بقي تحفه ودماغنا متفضيه من كل حاجه.... وبعدين متقلقيش يا قمرى الشركة في أيدي أمينه
جويرية :أيدي إيه.. يا بني ده عمر صاحبك ده ميعرفش أي حاجه في البلاله يعني أنا مش فاهمه ده مهندس إزاي ده
وليد :أصل السنه إللي هو أتخرج من تالته ثانوي فيها كان شعارها (نام  وارتاح ياتيك النجاح)
جويرية :آه وهو نام وشبع نوم
وليد :وطلع من الاوائل كمان
جويرية :يارب صبرني
وليد :يلا يا جورى بقي نجهز الاكل عشان الضيوف
جويرية :لااا أبوس أيديك إنت أقعد هنا وأنا هعمل الاكل إللي إنت بتعملة ده مش أكل خااالص
وليد :أصلا ماما مبحبش تاكل إلا من أيدي
جويرية :يا شيخ اتلهي
#البارت_الاول
#كن_معي