في الصباح
عند رقيه الباب خبط
رقيه في نفسها (يارب يكون مالك )
راحت مامتها تفتح
وفاء : اهلا يابني عايز مين
مراد (ببتسامه):& انا مراد مدير رقيه في الشركه
وفاء : ازيك يا بشمهندس
مراد : الحمدلله بس جيت اطمن علي الانسه رقيه
وفاء : فيك الخير يا بشمهندس اتفضل
دخل مراد ونادت وفاء ع رقيه
دخلت رقيه: السلام عليكم
مراد : وعليكم السلام عامله ايه دلوقت
رقيه (ببتسامه وتعب ): الحمدلله بخير
مراد : سوري اني جيت من غير معاد
وفاء : لا يا بشمهندس تيجي في اي وقت
مراد : بلاش بشمهندس دي مراد بس
وفاء : ماشي يا بشمهندس
كانت رقيه في عالم تاني (اشمعنا مراد جه ومالك مجاش هو مش بيحبها لا لا هو قال ان اللي بيحبها عارفه من زمان من تصرفاته العقل : لا ما قالها في المول هيرن ع حبيبته القلب : هيجي وانا متأكده العقل : خليكي طيبه كدا اسكتي )قاطع تفكيرها مراد
مراد : ولا ايه يا انسه رقيه
رقيه : سوري بس مختش بالي في ايه
وفاء : بيقول انك شاطره في الشغل من أول يوم
رقيه : اه
وفاء : انا هدخل اعمل حاجه نشربها
قامت والسكوت حل
مراد : خليكي متروحيش الشغل لمده ٣ ايام كدا علشان متتعبيش
رقيه برفض : لا انا كويسه انهارده كفايه
مراد: ماشي اللي يريحك
وفجأة الباب خبط نادت وفاء افتحي يا رقيه
راحت رقيه هو (مالك ببتسامه )
مالك : جيت في وقت غلط
رقيه برفض : لا لا تيجي في اي وقت
مالك : هقف كتير كدا عايز اسلم ع قلبي وامشي عندي شغل
رقيه تاهت في الكلمه : قولت مين
مالك : وفاء يعني يا حجه (مالك متعود يقول ل مامتها كدا من زمان لانها كانت صديقه للمامته المقربه )
رقيه (بحزن ): يعني مش جي علشاني
مالك : عادي المهم في صوت جوا مين
رقيه (اتوترت ):* دا دا مراد
مالك (بعصبيه ): وجي ليه ان شاء الله وقاعد يعمل ايه مادام مفيش حد في البيت
رقيه (اتعصبت حست انه شك فيها )*: مالك ماما موجوده دا اولا ثانيا هو جي يطمن عليا و معلش متتكلمش معه بأسلوب وحش علشان عيب
جاء صوت وفاء
وفاء : مين يا رقيه
رقيه: دا مالك
وفاء : تعالي يا حبيبي
دخل مالك وسلم عليها وقعد وبيبص ل مراد ورقيه واخده بالها
مراد : طيب استأذن انا بقا علشان عندي شغل
مالك : لسه بدري يا بشمهندس
مراد : لا معلش مره تاني عندي شغل كويس اني اتطمنت عليكي
مالك : شكرا لحضرتك
وفاء لحظت غيرت مالك لأنها اول واحده كانت عارفه انه بيحبها
مشي مراد وما صدق مالك ينفجر في رقيه
مالك (بعصبيه): نفسي اعرف اللي جابه هنا ما يرن ولا مش معه رصيد ولا شكله بيتلكك
وفاء : اهدا يا مالك دا جي يطمن
رقيه : وانت مالك يعني
مالك : اتعصب اكتر : صح انا مالي عن اذنك يا وفاء لو عايزه حاجه رني عليا
وفاء : اهدا يا مالك متبقاش عيل اكيد زعلت
مالك : وانا ميهمنيش سلام
مشي مالك ووفاء واقفه قدام بنتها
رقيه : هتلوميني انتي كمان
وفاء : لا يا رقيه بس هو المفروض عارف انك عايشه معايابس ف مكنش ينفع يجي ومالك خايف عليكي
رقيه(وانفتحت في العياط): وهو ماله مش بيحب وحده تاني يسيبني في حالي بقا
وفاء : اهدي يا رقيه مالك بيحب مين احكيلي؟!
حكت رقيه ل مامتها
وفاء : انتي غبيه هو بيحبك انتي
رقيه : لا هو قال هيرن عليها
وفاء : عايز يغيظك علشان مراد وصلك
رقيه: معرفش بقا
وفاء : بصي انا اول واحد حكالي زمان انه بيحبك كان بيغير عليكي من عمر انتي متخيله حاولي متزعلهوش علشان مش هتلاقي حد يحبك قده
رقيه : بس مش هعديها بالساهل
وفاء : هتعملي ايه
رقيه : مش وقته
