احلام💫

الفصل الخامس والعشرون♥

احلام💫
الفصل الخامس والعشرون♥

ورد :اصحي يا سيلين الجامعة
سيلين:لا مش قادرة
ورد: يلا بقي قومي
سيلين: يوووه سيبيني بقي عايزه انام
ورد:ربنا يكون في عون طنط ولله
سيلين: سيبيني بقي
ورد رمت عليها المخدة قومي بقي
سيلين: شكلك مش هترحميني النهارده حاضر هقوم اهو
مني دخلت : اية دا سيلين صحيت ازاي كده
ورد: يا طنط دي تعبتني ولله
مني: شوفتي انا كل يوم من دا
ورد:ولله ربنا يكون في عون حضرتك
مني ضحكت : طب انا هروح اجهز الفطار بقي
ورد: استني يا طنط هاجي مع حضرتك
مني: لا لا انتي ضيفة مينفعش تعملي حاجة
ورد:لا انا كده هزعل ياطنط انا زي بنتك
مني:طبعا يا حببتي خلاص تعالي
ورد بصت علي سيلين لقتها نامت تاني
قامت راحت تصرخ في ودنها
ورد:تووووووووووت
سيلين بخضة : حرام عليكي ولله هتموتيني بدري
ورد:لا بعد الشر عليكي وشدتها وغسلتلها وشها زي الاطفال
سيلين:دي ماما مبتعذبنيش كده انا غلطانة اني قولتلك تعالي باتي معايا ولله
ورد:بقي كده وغرقتها مية وطلعت تجري
سيلين: وهي بتجري وراها
ورد استخبت وره مني
مني وهي بتضحك : خلي بالك سيلين ممكن تكلك
ورد:دي شكلها مخيف اوي احميني منها ونبي يا طنط
سيلين:ماما مش هتحميكي مني
مني: لا يا حببتي ورد في حميتي وامشي بقي من هنا
سيلين: بقي كده يا ماما
مني:اه وتعالي ساعدينا
وجهزوا الفطار وفطروا ولبسوا ونزلوا

ضي راحت تتصل بتاليا
ضي:الو
تاليا بصوت نايم:الو
ضي:كام مرة علشان تردي يعني
تاليا:ونبي انا مش قدرالك ولله
ضي:قومي يلا علشان الجامعة
تاليا:لا روحي انتي
ضي:تاليا مش عايزه تروح الكلية فين تاليا بتاعت زمان الي مكنتش بتسيب درس ومجتهده ادي اخرت الحب ولله
تاليا:حرام عليكي ولله انا برده مش هيأثر فيا
ضي:طب علي فكرة احنا النهارده عندنا محاضرة واحده بس وبتاعت مادة مهمه
تاليا:مش مهم اكيد بتاعت الدكتور الرخم
ضي:طب استني بقي اروح اتصل بدكتور لؤي اقولة ان خطيبتة بتقول عليه رخم ونشوف رائية اية
تاليا بصدمة:هو لؤي عندنا النهارده
ضي:اه هي دي المحاضرة الي انتي بتقولي علي دكتورها رخم
تاليا:لا دا دكتور عسل وقمر
ضي:واية كمان يا ست هانم اية الدلع دا
تاليا:اعتبريني جهزت واعتبريني وصلت كمان
ضي:كل دا علشان محاضرة الدكتور لؤي
تاليا:اقفلي بقي علشان متاخرش
ولما قفلت لقت ان لؤي كان بيتصل بيها وهي بتكلم ضي
فاتصلت علية
لؤي:صباح الخير
تاليا: صباح النور
لؤي: بتكلمي مين كل دا
تاليا: بتغير ولا اية
لؤي: لا لا يعني مش كده بالظبط بس برده بتكلمي مين
تاليا: بكلم ضي
لؤي: امممم طب اجهزي وهوديكي الكلية
تاليا:طب كده كل الكلية هتكلم علينا يعني
لؤي:الي يكلم يكلم انتي خلاص هتبقي خطبتي وقرائنا الفاتحة مفيش حد يقدر يكلم او يقول عليكي كلمة واحده او حد يقدر يضايقك طول مانا موجود
تاليا:انا اكيد هبقي مطمنة وانت معايا ربنا يخليك لمصر وضحكت
لؤي:لمصر الناس بتقول ربنا يخليك ليا مش لمصر
تاليا ضحكت: خلاص هجهز بس متتاخرش لان عندي محاضرة لدكتور بخاف منه اوي
لؤي:اه قصدك الدكتور لؤي
تاليا: اه انت تعرفه
لؤي: اه اعرفة دا دكتور شرير اوي
تاليا:لا لا حرام دا طيب
لؤي:علشان خطرك يبقي طيب يلا اجهزي بقي باي
تاليا :باي وجهزت وركبت مع لؤي العربية
لؤي:افتحي الطبلوة الي قدامك
تاليا:لية عايز حاجة منه
لؤي:افتحية بس
تاليا:فتحتة ولقت فيه شكولاته كبيرة اوي وفيها وردة وفيها كرت
تاليا:الله لمين دي
لؤي:دي لبنت معجب بيها وبحبها اوي كمان في الجامعة اية رائيك
تاليا:لا مسمعتش لمين
لؤي:مانا قولتلك
تاليا:اومال اتقدمت لية طلاما معجب بواحده وبتحبها في الجامعة
لؤي: بصراحة ماشاء الله بتفهمي بسرعة اوي وضحك: مش انتي في نفس الجامعة وكمان انا بحبك ولا اية
تاليا ضحكت :خلاص معلش فهمت غلط
لؤي : مش هتفتحي الكرت ولا اية
تاليا فتحتة لقت مكتوب فية بحبك وبتوحشيني حتي وانتي جمبي
تاليا ابتسمت وفرحت بالجواب دا
تاليا:شكرا يا لؤي
لؤي:علي اية يا تيتي
تاليا:تيتي وضحكت
لؤي:اصل كان في كيكة بحبها اوي اسمها تيتي
تاليا: اه عرفها وانا كمان بحبها
ودخلوا الكلية لقت كل الجامعة بيبوصلها لان كانت ماشية جنب لؤي
والبنات بتبص عليهم
ودخلوا المحاضرة وورد ووضي وسيلين دخلوا
لؤي: كلكوا اكيد مستغربين ليه تاليا ماشية جمبي ونازلة من العربية بتاعتي تاليا بقت خطيبتي علشان الكلام الكتير
بنات كتير اتصدمت من الي قالة لانة قمور وفي بنات كتير معجبة بيه
(شهد) :هو ازاي يخطبها دي حتي مش قمورة
بنت تانية(مي) : لا علي فكرة دي قمر اوي ماشاء اللة لايقة علية علي فكرة وبطلي بقي فكك منه وشلية من دماغك في غيرة كتير
(مي دي بنت محترمه جدا وبتحاول تنقذ شهد من الي بتعملة كل شوية )

شهد: دا بالذات بقي حطاه في دماغي
لؤي لاحظ ان شهد قاعدة بتتكلم
لؤي: قومي اقفي
شهد:انا
لؤي:اه انتي انا كنت بقول اية
شهد: لا معرفش كنت سرحانة شوية
لؤي:الكلية دي مش للسرحان وانتي كنت بتتكلمي وشاغلة صاحبتك وهي بتحاول تركز واتفضلي اطلعي بره
شهد: شكرا يا دكتور وطلعت بره
شهد جواها انها عايزه الدكتور دا يبقي بتاعها وخلاص
بعد ما المحاضرة خلصت
مي :دكتور انا عايزه اقول لحضرتك علي حاجة ينفع
لؤي: اتفضلي
مي: مهو مش هينفع هنا
لؤي باستغراب: طب تعالي المكتب
وراحوا المكتب وتاليا كانت غيرانه
تاليا :هو عايزه منها اية
ورد: مش من اولها كده يا تاليا ودا دكتور واكيد هيكلم بنات
سيلين: اه ورد عندها حق وهو بيحبك انتي مش هيبص لغيرك لانه بيحبك يعني
تاليا:بس حتي لو مش فاهمه حاجة يخدها المكتب بتاعة لية
ضي:ابقي اسئلية تعالي بقي نروح الكافتريا وابقي اسئلية

لؤي:اتفضلي اقعدي
مي:انا عايزه اقول لحضرتك علي حاجة بس اوعدني انك مش هتتعصب
لؤي:اوعدك اتفضلي
مي:شهد الي حضرتك طردتها دي عندها مرض نفسي عايزه كل حاجة ليها ولو شافت حد مرتبط بتكون عايزه تبوظ العلاقة دي لان خاطبها سابها وراح خطب اعز صديقة ليها وهي دلوقتي مركزه معاك جدا
لؤي:مركزه ازاي يعني
مي:حضرتك اول ما قولت انك خطبت الانسة تاليا هي اتجنتت وكانت بتقولي انك هتبقي بتاعها
لؤي: هبقي بتاعها علي العموم شكرا انك قولتيلي
مي:لا شكر علي واجب انا بس قولت اقول لحضرتك وانا هحاول امنعها
لؤي:شكرا مرة تانية
وخرجوا وتاليا راحت نحية لؤي
تاليا: كانت عايزه منك اية
لؤي:اهدي بس وانا هقولك وقالها علي كل الي قالتة كلة
تاليا:يا حرام بس هي مرحتش لدكتور نفساني
لؤي :اكيد راحت بس اكيد معرفوش يعلجوها او ملتزمتش
تاليا: ربنا معاها يارب طب متبقاش قاسي عليها بقي بس برده متكلمهاش علشان متفكرش انك بحبها
لؤي:حاضر تعالوا اوصلكوا بقي مش انتي هتروحي مع ضي
تاليا:اه بس متتعبش نفسك يعني
لؤي: لو متعبتش ليكي يا قلبي هتعب لمين
تاليا: طب يلا ونادت لاصحابها ووصلهم

ضي وتاليا طلعوا بيت ضي
وقعدوا في اوضة ضي واختاروا ضي هتلبس اية
تاليا:استني بقي علشان نسيت اتصل باحمد علشان اللبس بتاعي
ضي:طب روحي اتصلي بيه
تاليا:اتصلت باحمد الو
تاليا: الو يا احمد
احمد:نعم
تاليا:معلش هاتلي بقي الهدوم الي حطيتها عندك في العربية
احمد :اه دانا نسيت خالص وروحت
تاليا: يعني اية
احمد:خلاص متزعليش هجبهالك علطول وارجع تاني بس اخبار عروستي اية
تاليا: كويسة
احمد: سلميلي عليها
تاليا: حاضر بس متتاخرش والنبي وجبلها الهدوم واحمد راح لتاليا واديها هدومها وجهزوا والعروسة جهز
ت
نروح بقي عند ورد
سيلين: ونبي قولي الحقيقة شكلي حلو
ورد:اللهم طولك يا روح هو انا كل ما اروح لواحده تقولي شكلي حلو حرام عليكوا بقي تعبتوني
سيلين: بطلي رخامة بقي وقولي
وردء:للمرة المليون شكلك قمر اخلصي بقي وإيلا هروح اقول لادهم ميجيش وسيلين مش موافقة
سيلين:لا خلاص وللة اسفة
ورد:ناس مبتجيش غير بالعين الحمرة
وادهم جه هو وهدي وعُدي وحسن وحسن مكنش طايق عُدي اصلا
واتعرفوا ومني وحسام وافقوا وقرئوا الفاتحة والشبكة هيجبوها بعد بكرة والخطوبة يوم 17 والمهر براحتهم فية لانهم كلهم اغنية فمش محتاجينة يعني وادهم زي اي عريس خرج مع سيلين وورد بتخرج مع عُدي بالمرة (ورد اكتر واحده بتخرج وللة)

ضي نفس الكلام احمد جه هو ومامته واخته الصغيرة واتقدموا ووافقوا وقرئوا الفاتحة والشبكة هيجبوها بعد بعد بكرة والخطوبة يوم 25 وبرده احمد وصل تاليا ومامته واخته واخد ضي يخرجها

هنبقي نشوف الفصل الجاي العرسان حكوا في اية وكده باي👋