احبيتك بكل صفاتك✨💕🤤

Chapitre 39

🌸 بعد مرور 5 سنوات 🌸

[ الفراق صعيب او النسيان اصعب او الحب... اصعب من كولشي مكتعرف راسك واش كتبغي واش نسيتي واش تفارقتي.... الدنيا دروس او تمارين خاصك دير الخطأ او تعلم منوو.... باش دير الصحيح موراه... ماشي غير اجي او كون خاصك ضروري دير علاش باش تكون شي حاجة... هادشي لي دارت رانيا حلات شركة اسمها Sh&Ra لي هما الحروف الاولى من اسمها او اسم راجلها او طليقها.... اه شركة العطور اكبر شركة كبرات او دبا بنتها عندها 5 سنين قراتها او كبراتها او علاقتهم احسن علاقة بين الام او بنتها صحابات الروح الروح قراتها فاحسن مدارس ديما محمرة لرانيا وجها كتجي فالمراكز الاولى 5 سنين دالفراث تاواحد مهضر مع لاخور بالرغم انه طلق ميرال او رجع خدام فافريقيا عندو فروع خاصة...]

بعد 20 ساعة دالخدمة  باين عليها التعب ناعسة او شعرها الزعر مدلي

على الوسادة تفتحات الباب من طرف ايادي صغيورين او تقدمو خطوات

صغارين نحوها طلعات فوق الناموسية حيدات الغطا على ماماهااا او

بدات كتلعبلها فشعرها اثر ديك اليديدات الصغيورين فاقت الاميرة الام

رانيا :هاي هاي على الشارفة فاقت بكري

أريج :مامي كتباني جوينة منين تتكوني نيني

رانيا درعات  بنتها لصدرها او بدات كدغدغها:ياك الششارفة

أريج كضحك ربي لي خلقها :اههههه اههه ثافي ا مامي ثافي

حبسات رانيا او هي تنوض بغات تبدل باش دير لبنتها الفطور حبسووها

يديداتها الصغورين دارت لقات عينيها مدمعين غلسات على ركابيها خوفا

عليها:بنتي مالكي

أريج:مامي هاد بابا مغيجيش يشوفني انا توحشتو

تنهدات تنهيدة طويلة او ضحكات عكس احاسيسها :ممم الاميرة ديالي

باباك كيبغيك هانتي نديرو واحد. التحدي

اريج بكل فرح:اه اه سنو هو

رانيا:الا جيتي نتي الأولى كنواعدك تشوفي باباك

اريج :وانوضي الكسولة ديريلي الماككلة باش نمشي نقرا على ولادي

رانيا ضحكات على حماق بنتها :ههههه ياك الشارفة دبا نتي كتهضري على الولاد

هزاتها درعاتها او هبطو لتحت غلساتها فوق بوطاجي او ناضت كديرلها

الكيك بالشكلاط او صونا تيليفون دالفيكس

رانيا:حبيبة جاوبي شوفي شكون

اريج هي اللولة

هزات السماعة :الوو سكون

فور ماسمع صوت بنتو لي كان محرروم منو نزلات دمعة حارة على

البيروو ماشي عيب يبكي لكن توحش محبوبتو

أريج :وا مكنتفلاوش هنا سكون نتا

غلباتو الضحكة :مم انا واحد الراجل

أريج :اوا شكون هاد الراجل

رانيا كتحط الكيك فالفرن:أريج شكون لي كيعيط

واو الصدمات قوية جاوه هاد النهار سمع صوتها بعد 5 سنين دالفراق او

الشوق او فرحان حيت سمات بنتو اريج نطق بصوت حنين:انا باباك ا أريج

أريج بكل فرحة غوتات :ياااااااي بابااااااا قالتلي ماما راك خدام فوقاش

اتجي الخايب اهئ اهئ توحشتك

رانيا فور ما سمعات بنتها شنو نطقات حمارت او جاتها السخانة ااجسد

ديالها كيرجف بالسخانة مصدومة او فرحانة او اكثريا الصدمة لعبات

عليها
شينار:شششششش انا بنتي قوية ماخاصهاش تبكي

رانيا :اريج اجي تاكلي اديك الحلوفة باش تمشي للمدرسسة

اريج:اجي هضري مع بابا او انا غنمشي ناكل

بجوجهوم تصدمووو او حطات اريج السماعة او هبطات من فوق

البوطاجي خلات السماعة هو كيتسناها تجاوب او هي مترددة خايفة

ديكشي لي حفظات طول 5 سنين تنساه.... تقدمات نحو السماعة او بقات

غير انفاسهم لي كتسمع رسم ابتسامة على وجهوو او هي كذلك لكن

سرعة ما اختفت ملي نطق :توحشتك ا رانيا بزاف بعدك عليا جاني

صعيب الا فبالك انا مع ميرال فراه ما وقع والو طلقتها او مقستهاش ابدا

فور ما سمعات هاد الكلام بكات او صوتها تسمعلو...

شينار بخوف :رانيا مالكي مالكي

رانيا: اهئ اهئ قطع عافاك عافاك راه قلبي كيضرني ا شينار باراكا 5

سنين فين كناااا درنا خطأ حد ماهضر بنتي انا ربيتها عمرك حاولتي

تسول شي واحد على فين ولدت اولا شي حاجة تانا توحشتك ولكن

علاش ماصونيتيش اولا تقول نشوف ديك الكلبة راه حاملة ببنتي من

لحمي او جلدي اولا صافي

(بتاسم او قاطعات هي عليع وسط ديك العصبية لي جاتو من هضرتو حيت بصح غاع ماسول عليها هو صونا لواحد صاحبو باش يجيبلو العنوان فين ساكنة رانيا)