#خيبه_قاتله 6
ساره:حطت الصونيه وجت بتطلع لكن لمحت على الطاوله مسدس ونفس القناع يلي كان لابسه الشخص يلي هجم عليها!!
دق الخوف قلبها واختارت انها تطلع بسرعه ومعش تكلمه نهائي ...لكن اول ماتلفتت شفاته قدامها😨
احمد:انتي امتى جيتي هنايا وكيف تخشي هكي ؟
ساره:بلعت ريقها...جيت توا جايبتلك غدي شفت الباب مفتوح نسحابك داخل
احمد:شاف للمسدس ورجع شافلها
ساره:ولا كأني ريت شي ...وانت حر في حياتك
وجت بتطلع
احمد:مسكها من يدها....انتي عارفه لو كلمه وحده طلعت من فمك شنوممكن ندير فيك؟!
ساره:ضحكت....الكلام هاذا ممكن لو قلته لى وحده تانيه تخاف ومعش تقدر توقف على رجليها بس معاي صعب
احمد:قام حاجبه...وعلاش صعب !
ساره:لان يلي بديره فيا انا شايفه احرف منه اضعاف
فلهاذا متحاولش تهدد
احمد:شاف لعيونها وهوا يحاول يفهم
البنت قويه ؟ولا بايعه الدنيا !!!
ساره:ابتسمتله بهزوه وهيا تشوف لي عيونه وطلعت
_____________________
بدت لجين تسأل على وسيم لين قالولها انه في غرفة التجهيز لان بيطلع ع الهواء بعد15الدقيقه
قربت على الغرفه يلي موجود فيها وهيا فرحانه انها بتفاجأه❤️
فتحت الباب وهيا مبتسمه ...لكن بسرعه ما اختفت البسمه لما شفاته💔
كان مقعمز على الكرسي والبنت مقعمزه قدامه ع الطاوله ورجلها ع الكرسي جنب وسيم !
كانت الوضعيه متاعهم واضحه مش مزبوطه بذات نضرات البنت وحركاتها
اول ما وسيم شاف لجين خطيبته تفركس ومعش عرف حتى كيف يوقف
وسيم:انتي شنو جابك هنايا😠
لجين:ساكته وعيونها في البنت يلي تلملم في نفسها وبتطلع من الغرفه ...وجهت عيونها يلي يلمعو بي الدموع ليه....هاذي الخدمه يلي واخداتك مني؟؟
وسيم:خذي نفس....لا هاذي زميله معاي وكانت عندها شوية مشاكل هكي
لجين:والمشاكل تنحل في دار مسكره وانت ع الكرسي وهيا ع الطاوله ورجلها جنبك؟
وسيم:لااااا انتي شن تخرفي
لجين:معش تقوول تخرفففففي جيت بنشكرك ع الورد يلي باعته نشوفك في وضع زي هاذا؟؟؟؟
وسيم:بي استغراب....ورد؟اي ورد
لجين:ضحكت بقهره...حتى الورد طلعت مش ا نت يلي باعته!؟
وسيم:اففففف...مسك يدها ...لجين اهدي ومتنكذيش على اسباب تافها
لجين:سحبت يدها....تافها؟؟؟انت تشوف فيها تافها!!!
وسيم:اي تافها الموضوع عادي انتي اكبري فيه
لجين:شافت لي باقة الورد يلي ماسكتها ...ضغطت عليها ودموعها في عيونها
تسمع في همسات البنات جنبها مش مصدقين هاذي خطيبت وسيم؟خيره لبسها هكي؟؟خيرها مش مدايره شي في وجها ؟مستحيل يكون ذوق وسيم هكي !
طلعت لجين بعد ما سمعت الكلام هاذا كله 💔
طلعت وخانقتها العبره ويلي تحرق ان وسيم ملحقهاش اصلا💔
رجعت لجين لي مكان شغلها ...طبعا كان وقت الدوام خلاص كمل والعمال روحو
ملقتش الا مديرها يلي هزبها وقلها لازم تكملي خدمتك وروحي زيك زي باقي العمال
قعمزت لجين على مكينة الخياطه ومعش قدرت تتحمل 💔
نزلت راسها ونهارت بكي على كل شي شفاته💔💔💔
خطيبها كيف تغير في ايام بعد ما صرفت عليه دم قلبها وساعداته باش يحقق حلمه !!
كلام البنات وكيف يضحكو عليها بدون ما يوقفهم عند حدهم !!
الشي هاذا حرقها ودمرها 💔....بعد شوي حست بي حد حط يده على كتفها❤️
