ألو ...ايوا يا اماني ؟ شنو يا يوسف تلفونك مالو م بدخل معاي؟؟ والله مشغول شويه اهاا اسمع انا قاعده برأي في البيت ..جاي ولا لا؟؟ والله يا اماني انا مع صاحبي هنا م بقدر اجي .خلاص تمام وقفلت الخط يوسف قال شوف المره الكبيره دي كمان
عمار نادا يوسف رد عليو ...ورح وصلني بيت سماح ...عمار انت جادي ؟؟ اي يعني شايفني بهظر قدامك ؟؟ خلاص خلاص أهدأ ارح مشو بيت سماح وطول السكه عمار ببكي ويوسف بهدي فيهو ...وصف لي يا عمار البيت .وصفوو ليهو وصلوو عمار قبل م يدخل لقى لما جات عليو وقالت ليو عمار؟ ايوا بتعرفيني؟؟ انا صحبه سماح وخلاص الجنازه طلعت عمار قعد في الأرض وبقى يبكي زي الشافع وبقى يصرخ ويقول هي قالت م تخليني هي قالت ح تفضل جنبي لي مشت لي خلتني برأي 💔 كان موقف صعب بالنسبه لي لما ويوسف
.... حاجه حاره لمن نتذكر زول عزيز علينا حاجه حاره لمن تغلط وتكون الغلطه ملازمانا طول عمرنا حاجه حاره لمن تكون متشاكلل مع زول ويجي يموت💔 حاجه حاره لمن اقول ياريت م عملت كده الندم حاجه كعبه خلاص💔
لما جات على عمار وقالت ليو أهدأ د قضاء وقدر وربنا يصبرك كلنا في النهايه حنموت شد حيلك 💔 يوسف جاء قوم عمار وقال ليو ارح ...م ماشي انا عايز سماح جيب لي سماح ويمشي عمار انت م شافع قوم ..لا جيب سماح حتى أمشي ...بقى يوسف يعاملو زي الشافع قال ليو حاضر احنا اصلا ماشين لي سماح يلا أرح ومسكو من يدوو بالجد انا ماشي لي سماح؟؟ اي انت مش عايز تشوفها ..هز ليو راسو ..طيب يلا أرح ..ركبو العربيه واتوجهو إلى بيت عمار
ياوهج ..اي مالك؟؟ شايفاك من قبيل سرحانه مالك؟ لا لا ماف حاجه ..وهج انا صحبتك عارفاك زعلانه احكي لي ع الأقل احتمال الضيق الجواك دي روح.. أمي يا ايه وبقيت ابكي💔 أمك مالا عيانه ولا مالا يابت احكي لي ...سمعتها بتتكلم مع ولد💔 ايه عاينت ليها مسافه وسكتت حضنتها وخلتها تبكي ...معليش ياوهج م تدخلي في حاجه بين أمك وابوك..انا يا ايه م أدخلت لكن دي أمي كيف تخون أبي بالبساطة دي ابوي اي شي هي عايزه مجيب ليها💔
يلا يا ولد من هنا م عندنا اي شغل ...طيب ع الأقل خليني اغسل العده ..م عندنا ليك اي شغل ولمن نشغل نشغل شبهك💔 ابتسم ليو وقال لكن لسه عايش وربنا كاتب لي الرزق😊 وطلع مشى م عرف يمشي وين ولا يعمل شنو م لاقي شغل ولا اختوو💔
تفتكري ابوي لو عرف حيساامح امي؟؟ سمعو جرس الحصه ..خلاص قومي ياوهج وركزت في الحصه وما تستغلي بالموضوع ❤ هم وماشين سمعو بنت بتتكلم مع نفسها وبتبكيي قالت :انا لي دائما بقولو ع شينه هل انا خلقت نفسي برأي ولا انا اخترت أعيش في الوضع لي بقولو علي وهميه؟؟ عشان بتعامل بكل طيبه ؟؟ لي الناس دايما بتكون زي الوحوش ؟؟ وبقت تبكي بحرقه💔 ايه ووهج عاينو لي بعض ومشو💜
#كسره
عيش حياتك زي م انت عايز .💙 انبسط و م عندك لي زول حاجه. .💙ح يقولو عليك وهمي متخلف. . برضو خليك زي م انت 💙 لمن تجي تتنمر ع زول عاين لي نفسك ميه مره ماف زول بتولد مكتمل والكمال لله💙 خليك دايما م بتأثر عليك حاجه 💙 خلي حياتك تمشي زي م انت عايز م زي الناس عايزاه واعمل الصاح م تعمل الغلط لانو كل من عليها فان. .💙
بسم الله ولدي مالو يا يوسف ...خالتي نهله استني ...لا لا انت م شايف عمار عامل كيف؟ فجأه عمار ركز وقال لي يوسف وينا سماح مش قلت لي ماشين لي سماح؟؟انت لي بتكذبب علي ؟؟انا عملت ليك شنو جيب لي سماح وبقى يصرخ قالت ليو سماح تاني؟ انا مش قلت ليك ماف تاني سماح؟؟ أهدي ياخالتي سماح اتوفت💔💔
فلاش باك
قبل فتره نهله ام عمار قابلت سماح وم عجبتهاا لانو سماح بطبعها لبسها م محتشم لكن هي أخلاقها كويسه💜 بس ام عمار من النوع البحكم من برا💔
في اليوم د عمار كان عازم سماح غدا في بيتهم وفعلا جات واستقبلتها نهله كويس بس المنظر م عجبها ..تعالي ياسماح اتفضليي..تسلمي ياخالتي❤ تعالي أعرفك ع ديل دي نسرين ودي ساره أخوات عمار سلمت عليهم وكانت ظريفه معاهم وحبووها💛 م عدا نهله كانت طول القعدهه بتعاين ليها من فوق لي تحت حتى لمن جات طالعه سلمت عليها سلام بارد💔💔 بعد طلعت جاء عمار قال لي اموو اه رأيك ...رأي فشنو يعني؟ في سماح ..لا انت عايز دي ؟؟ماشايفها لابسه كيف ؟اسي دي بت ناس؟ ياامي والله البت كويسه بس هي طريقه لبسها كده ...لا تتزوج البت البخترها ليك انا ..أمي انا عايز سماح ..عمار د آخر كلام عندي .تمام انا زاتي م قاعد في البيت د وطلع💔 بعدها بيومين جاء البيت ...وقال ليها موافق ..قالت ليو ع شنو قال ليها ع بت وطلع فوق هي زاتها استغربت كيف غير رايو ( بتعرفو لي قدام)
أصعب حاجه لمن تنجبر ع شي انت م عايزو بتحس روحك مخنوق من الحاجه دي لمن م تقدر تعمل شي 💔 او واقع عايش فيهو وانت م عايزو لكن د مكتوب ليك كده واحمدوو ربنا ع كل نعمه عايش فيها💜
أثناء ماباسل ماشي لقى وحده لابسه لبس م كويس وبتبكيي جاء عليها وقال ليها يااخت ..في شنو مالك؟ انتي ليه قاعده كده؟قومي تعالي استرك بقت تبكي ومشت معاهو💔
كسرهه:
ابتسم لأنك بصحة وعافية، فهناك من المرضى من يتمنى أن يشتريها بأغلى الأثمان .. ابتسم لأنك حي ترزق، فالأموات يتمنون الحياة ليعملوا صالحا .. ابتسم لأن لك رب تدعوه وتعبده فغيرك يسجد للبقر .. ابتسم لأنك أنت، هو أنت، وغيرك يتمنى أن يكون أنت❤🖇
- مصطفى محمود
اقتباسه: وَ لتُبالِغ في تَنقِيَة قَلبَك ✨ فَإِنّهُ مَوضِع نَظَر الله إِلَيك✨🌸🖤
