#غربه أهل
البارت السادس والعشرون
ل ورد العامري
سميه: امي تغربت وسافرت بسببج حته تخلص من العار الي جبتيه النه دمرتينه دمرتي حياتي انتي السبب بكلشي انتي السبب امي بحياتها معرفت شنو سفر وشنو غربه وشنو تعب وشنو شغل كله اتحملته وصارلها بسببج انتي السبب انتي موتي امي
سماره: تحجي ويايه كاميرا وتلطم. وتصرخ انجر التلفون من ايدي سحبته نوال وسدته
نوال: هذي وحده مجنونه اتركيها
سماره: اخذت هدومي امي حصرتهن بحضني اكثر وكأني احضن امي وتمددت بفراشها
كان اكو صوت بداخلي يسئل ويجاوب
امي ليش سافرت
سافرت من ورايه اني
امي. ليش اشتغلت صدك ماجانت تشتغل بيوم شي
امي مجانت تفكر بسفر اوغربه
كل هذا صار بسببي سميه صح اني السبب اني السبب بكل الي صار
اني السبب وله شعدها امي تعب اومنو تعبها غيري
شلون ماتت شلون وكعت بالمحطه وماتت
امي ماتت ووصلت للمستشفى ميته وكعت بنص الشارع وراحت لان تعبت وتغربت وانقهرت وحملت بكلبها وماحجت. وكل هذا بسببي
بس اذا اني السبب معناها اني الي لازم اموت مو امي
جتي دكتوره اثرا واني ع نفس وضعي يتردد صوت سميه بداخلي
واني حاضنه هدوم امي
طلعنه بسياره دكتوره اثرا وبعدها رحنه للمستشفى كانت سياره جاهزه لنقل التابوت تمشي السياره كدامنه واحنه وراها
معقوله صدك يعني اني مااحلم لاهذا موكابوس هذا حقيقه صدك يعني امي تركتني وراحت راحت بسببي اتحملت هواي واني السبب
جان اكو اشخاص بعدها فهمت انهم من الجاليه العراقيه وتعرفهم دكتوره اثرا
ع حسب اصول الدين الاسلامي لازم التغسيل والتكفين
نسوان ثنين عراقيات هنه الي مختصات بهل شي
دخلوها لغرفه بس من شفتها ماعرف بلحضتها قوه لو ضعف لو حاله من الوداع كنت حابه اني اغسلها
كنت ع قطره مي تنزل ع امي احضنها وابوسها واشم ريحتها
كانت نايمه عيونها مغمضه ونايمه حته حطيت راسي ع صدرها اريد اسمع نفسها لتوقعي للحضات انها بعدها ماماتت وانها عايشه لكن نايمه
اكثر من مره اندفعت وكالو الي تسوي حرام واخر شي صرت يم رجلها لزمت قدمها بستها ولازمه اقدامها وحاضنتهن وعيني عليها جنت اسمع روحي احجي وياها
أنت تقرأ
غربة أهل
General Fictionاين.. ومن اين.... والى اين..... تسير حياتي بمسار لاخيار لي فيه هل سيأتي اليوم الذي يكون مسار حياتي بااختياري... ..
