#روح_ناعمه_انقذتنا
البارت3
بعد اسبوع تحديدا يوم الجمعه س 5:00 عشيه
ايهم عطو امه خروج من المصحه وهو فرحان ويحمد في ربه ركب امه بالسياره بشوي بشوي
ايهم: الحمد لله ع السلامه يا الغاليه
نوره" امه": الله يسلم ياوليدي قلبي وربي يرضى عليك
ايهم: باس راس امه غير قويلي روحك توه بس بيش تتحسني .
نوره : ابتسمت لولدها وفي خاطرها رغم كل الي ريته من بوك ربي عوضني بيك .
ايهم: مركزش ع امه انها سارحه لان يحاول يتصل بي معاذ وبس الي ليه يومين مختفي.
عند ناصر مقعمز مع صحابه يجهزو في شوي حجات للشغل .
ناضو الشباب وقعد هو وصاحبه المقرب نادر بس
نادر: ها شن خيره الوجه يضحك اليوم.
ناصر: مش قتلك اني الي نقدر نغيرها اسراء
نادر: تبصر كان اسراء تغيرت مستعد نشرب ليتره بنزينه.
ناصر: توه لينا شهرين مع بعض مع شويه عصبيه ع حب تغيرت هلبا وتي البنزينه
نادر: ههه منضنيش.
عند البنات
نورهان كالعاده تلبس اول وحده فيهم لبست قفطان اسود حاير كمامه شيفون ع جسمها هي الابيض والرشيق يجنن ودارت شوي مكياج خفيف ودارت فير لشعرها وكعب واككسوارات ع الذهبي
نور لبست جم سوت ابيض ناعم وخلت شعرها عادي مسدول وناعم وشوي مكياج
نيروز لابسه فستان احمر لاصق ع الجسم وطويل وفيه فتحه فالضهر ماشي مع جسمها طلعت طرف
وكانو ماشيين لحوش عمهم داير حفله خطوبه كبيره لولده الوحيد والزحمه كانت هللبا .
خشو البنات للحفله وطبعا العيون عليهن لانهن وبدون مبالغه كانن الاجمل .
نور: نيروز ونبي شوفي كيف يشبحولنا
نورهان: ضمي فمك خ اانوض نرقص نقهرهن بجمالي
نيروز: وربي لو ما تقعمزي نعجنك طريحه قدامهم
نور: عجينه عشر دقايق ولا نص ساعه😂
نورهان: ضمي فمك انتي التانيه
عند الرجاله :
مـصـطـفى: ان شاء الله مبارك عليه وليدك تشوف ولاده يارب
خالد "اخ مصطفى": يبآرگ فيگ عقبال ناصر
كملت الحفله بعد هضاكا الرقيص والفرح كانه العرس والعشي والصاله من افخم ما يكون كيف عاد وهو الوحيد ولد الغني😂
باتت هاجر غادي عشان تروح مع العيله تعاونهم والبنات روحو مع بوهم لان ناصر بايت مع اولاد عمه بيديرو سهريه فاليل👏
روحو ورقد مصطفى من التعب بس البنات لا بدلن ما عدا نورهان لقعدت ع المرايا تصور وتبعت فيهم لمراد حبيبها.
والبنات يقرمن نيروز: ووه امانا بنت فوزيه شيماء مهضمتهاش
نور: اها هادي المزيته خشمها زي بوريكه رمضان
نيروز: ايي وتسحاب روحها انيقه ونبي شن فايده الاناقه وعقلها عقل ناقه
نور: ولا خليك من سعاد ال واقفه ع بنتها لما ترقص وكانها تقول لحجز او الاستفسار
نيروز: اي وهي رقيصها تقول صاكها ضي
نور ونيروز😂😂
ام نورهان ناضت من جنبهم وطلعت بدون ما يحسو فتحت الباب وطلعت من احوش وركبت السياره وهي داهشه نورهان: ووك عليا قريب كشفوني
مراد :هدي روحك حبي اندير لفه بيك نهہدرزو ونروحو
نورهہآن:به ضروري نروح قبل الفجر
مراد: ابتسم بخبث
أنت تقرأ
روح ناعمه انقذتنا
Romanceخياليه مقاربه للواقع تحكي ع روح ناعمه تنقذ مصير عائله تحكي ع قصص حب ناحجه وفاشله روايه قصيره 💛🌻🔒 ───────ۦﭕ﴿ﹾآلصـفَرٍه̷̸̐ہ ﴾ﭕۦ─────── ────── روآيآت مـآيآ آلشـيبآني──────
