#خيبه_قاتله 8
كان مازن يغلي واول ما شاف ايمن قدامه طاح فيه ضرب بي ضهر السلاح ومعش قدر يوقف من كثر الغل يلي في قلبه لين اغمى عليه
حنين:كان الدم في كل مكان 💔اول مره نشوف دم بي الكميه هاذي مات؟؟
مازن:ساكت وداهش من الضرب...مسح وجها بي كمه من العرق
حنين:بلعت ريقها وتتكلم بصدمه مش مستوعبه يلي تشوف فيه قدامها💔...ماااات؟!
مازن:منعرفش...انتي لازم تطلعي من هنايا
حنين:لمحت يد ايمن كانت تتحرك ...قلبي كان بيطلع من الخووف
مازن:مسك يدها...مفيش وقت بري البسي حاجه واطلعي معاي بسرررعه
حنين:نفضت يدها بقوه.....بعد من عليا شنو الكلام يلي تقول فيه بنطلع وين نمشي
مازن:شاف لي عيونها الخايفه....تبي تقعدي!؟
حنين:سكتت ورجليها يرعشو من الخوف
مازن:اول ما يفتح عيونه بتكوني انتي قدامه وبيتذكر اني جيت ضربته وكل الغل رح يصبه فيك انتي
حنين:تتكلم وصوتها مقطع من الخوف والارتباك....مستحيل منقدرش لا
مازن:شاف لي ايمن يلي بدي يلقط في نفسه وقاعد يحاول يفتح عيونه وسط الدم يلي هوا فيه ...بعد كل يلي صارلك وكل الذل يلي شفتيه وقاعده تشوفيه ترضي انك تقعدي
حنين:قعدت فتره طويله مرتبكه وانفاسها متسارعه مش عارفه شنو ترد
مازن:حنين؟!!!!!
حنين:هزت راسها بمعنى موافقه وخشت تجري لي غرفة النوم تلبس في عبايتها
مازن:تنفس بعمق كأنه حمد ربي لانها وافقت❤️
حنين:خذيت عبايتي وشوية حجات ليا بسرعه
وطلعت ..قلبي بيطلع من مكانه وجسمي كله يرجججف واقفه على رجليا بصعوبه 💔
طلعت مع مازن بدون ما نفكر بشي !
بدون مانحسب حساب لي بعدين شن بيحكو الناس عليا او حتى وين ماشيه؟!
كنت حاسه بي شي واحد بس!
اني واثقه في مازن ومعش قادره نتحمل دقيقه في الحوش
__________________________
لجين:زادت الصدمه.....معاد؟معاد؟يلي طول الوقت معاه يكون يكون ....مستحيل!!!
هوا ولد صاحب المصنع والشركات!؟😨😨😨
حسام:بتخدم اخدم في شركه محترمه يا بهيييم مش في مصنع خياطه شنو تبي الناس يقولو عليا ولده لابس حوايج الله اعلم من وين جايبهم ويشتغل عامل معفن
معاد:افففف به وين الغلط يعني لقيت راحتي في المكان هاذا !
حسام:لوح تالفونه ودخانه ع الطاوله وقعمز على المكتب...القصص يلي تحكي فيها مش داخله راسي!
معاد:شنو يعني
حسام:جاي على خاطر البنات هنايا!؟...ارجع لي الشركه جبنا موضفات جدد غادي
معاذ:ضحك بخبث....تجر فيا للفحشاء والمنكر يابوي
حسام:تي انت هكي هكي صايع ضايع سواء هنايا ولا في مكان تاني ع الاقل تبدا قدام عيني خير
لجين:الحقييييير😧💔
معاذ:قعمز على الكرسي وولع دخانه ...تبي الحق!؟
حسام:سمعني
معاد:صح نجي على خاطر البنات او...
تقدر تقول على خاطر بنت وحده
حسام:ضحك....ولدي ونعرفك الشهور هيا كلها ع خاطر بنت؟...بطل الجو يلي ادير فيه ونوض البس حوايجك ونحي الحوايج المعفنه يلي مش عارف من وين جايبها
معاذ:بجديات نتكلم انا نجي على خاطر وحده بس هنايا
حسام:بدت نبرات الاستهزاء تختفي على وجها وتجي بدلها نضرات الجديه....من هيا؟
معاذ:وقف...بنت وخلاص قعدت معاها الشهور هيا نبي نشوف اميتها وين تصب باش نتأكد
حسام:وقف وهوا منتبه...بتتأكد من شني؟
معاد:بنتأكد لو تقدر تكون قد المسؤليه وتكون مرتي او لا !
لجين:تلقائيا شعرت بي الغيره💔...من اول ما فسخت جي معاد وعوض الفراغ يلي داخلي اهتم بيا لدرجه رهيبه رغم رفضي المستمر ليه في البدايه
لكن قعد يحاول لين نجح فعلا في الشي هاذا وخلاني نبادله اهتمامي
طول الوقت حاطه يدي على فمي منبيش نطلع صوت وانا نسمع فيهم منبيش نطلع صوت
قلبي بيطلع نبي نعرف من هيا البنت يلي بياخدها معاد؟
حسام:مرتك؟؟؟؟ككيف😨لهدرجه الموضوع جديات؟
معاد:اي خيرك مستغرب؟
حسام:طفى دخانه ...استنى استنى طول عمرك صعت وضعت وكنت على علاقه بي بنات ناس كبااار
ولما جيت تفكر بتتزوج وحطيت عقلك في راسك بتاخد وحده من المصنع ؟
معاد:وخيرهم بنات المصنع
حسام:خود بنت واحد من شركائي في الخدمه تقوي علاقاتك وتناسب اسم كبير
معاد:انسى ...كان مصارش من هاذي ورفضتني بنطلع الموضوع من راسي
حسام:قالها بضحكة صدمه....ترفضك؟ترفضك؟؟
من امتى يرفضو فيك يا معذبهم
معاذ:ابتسم...هيا مش زيهم غير ع يلي تعرفهم كلهم
عنيده و....سكت بعد ما لقاش ليها وصف تاني غير الابتسامه العريضه يلي نطبعت على وجها
معاذ:انا بنطلع عندي مندير نتلاقو ع العشي
حسام:معاد
معاد:تلفت...نعم
حسام:ش اسمها؟
لجين:في اللحضه هاذي مقدرتش نشوف وجه معاد لان بعيد على فتحات باب الدولاب يلي انا فيه
حطيت يدي على قلبي وندعي قلبي مينكسرش للمره التاني
حسام:كرر سؤاله....شن اسمها؟
معاذ:ابتسم....لجين❤️
لجين:حطيت يديا على وجهى وانا حاسه ان خدودي بينفجرو 🙈مفهمتش شنو يلي صارلي في اللحضات هاذي
معاد:طلع وسكر الباب وراه ...لحضات وطلع معاه بوه
لجين:فتحت باب الدولاب وطحت ع الارض ....الحمد الله مكشفونيش😩😩😩
