اسماء(بطلة القصه) مواصفاتها... بيضه قصيره عيونها كبار وكيوت... واتصير احلا لما تلبس البالطو😍❤
🔥 روايات خياليه 🔥لي اسو🔥
اسماء: صباحو
خديجه( امها ): صباح الخير.... تعالي افطري معانا
اسماء:لالا الساعه9 وقت عليا تو نفطر غادي وقت وفي وحده واخده موعد..يلا سلام
امل(مرت خوها):في خاطرها....روحه بلا رجعه انشالله...عمتي نمشي انوض احمد وانجيك
خديجه:به
ــــــــــــــــــــــــــــــــــ
اسماء:طق طق طق
امتنان(صاحبتها وبنت جيرانها):فتحت الباب.....صباحك ورد الجوري☺️😊
اسماء:انا وانتي حبيبتي....انا بنمشي توا بتمشي ولا بتفطري قبل
امتنان:خيرك العفو نفطرو قبل خشي هيا
اسماء:لالا عندي موعد منفطر في الكافتريا
امتنان:موعد😉
اسماء:😂غبيه موعد مريضه....يلا سلام
امتنان:هههه...نتلاقو 👋
ـــــــــــــــــــــــــــــــ
في المستشفى
اسماء:صباح الخير
نور:صباحك....كيف الحال
اسماء:بخير.....يلا توا سلام عندي مريضه تستنى فيا
نور:فطرتي!!
اسماء:بعدين ساهل
الدكتور (باسم):صباح الخير اسماء
اسماء:صباح النور دكتور
باسم:وين امتنان في عمليه وقلتلها تجي بكري
اسماء:في خاطرها...اخ يا امتنان اخ
باسم:وينها خيرها ماجتش
اسماء:دكتور قالت بتفطر وتجي
باسم:تو نشوفو
ــــــــــــــــــــــــــــ
الساعة11
امتنان:السلام عليكم☺️☺️
اسماء:وينك لتوا الدكتور باسم حامق
امتنان:حي عليا حي ماهو دواء امي متاع السكر تم مشيت للصيدلية ملقيتش دورت لين القيت وجيت
اسماء:اهااا...وكان تطلعي كذابه😡
امتنان:خيرك اسماء قتلك دواء امي تم ضروري تطلعيني كذابه
اسماء:عندنا مستشفى هنا وصيدليه ليش مش واخده من امس لازم التأخير يعني
امتنان:اسماء تحسابيني زيك عندي اخ واب لا ره اني مش زيك اني نصرف ع الحوش واحيانا ميكونش عندي فلوس لي دواء امي 😢ارتحتي توا
اسماء:ااامتنان انا بجد اسفه لاكن انتي تعرفي الدكتور باسم اكتر مني صعب وتو بعيط عليك
امتنان:اي لاكن...وقاطعها صوت الدكتور
باسم:اهلا اهلا ياسيده امتنان
امتنان:دكتور باسم اسفه لاكن انا.....
باسم:بصوت عالي.....وين التاااااخير تحسابي روحك تاخذي في راتبك هكي وخلاص الشغل شغل ياسيده
امتنان:دكتور خلينا نتكلمو بصوت هادي شويه
باسم:لييييييش في عمليه التغت بي سببك
اسماء:عفوا احترم نفسك واعرف كيف تتكلم
باسم:بصوت واطي ومستفز....انتي تعرفي ان بوي صاحب المستشفى ونقدر نفصلك
اسماء:هههههه والله خوفتني اني متهددنيش نطلع بكرامتي وشرفني واصلا ميشرفنيش نخدم معا واحد زيك
امتنان:اسماء متدخليش اسمع دكتور نقصلي من راتبي وينتهي الموضوع
باسم: لامينتهيش تعتذري انتي وياها مني توا
اسماء:ههه شكلك مسمعتنيش قبل شو قتلك كرامتي وشرفي اهم من كل شيء واني نقدم استقالتي غضوه لان اليوم عندي موعد معا مريضة سرطان
باسم:متحلميش تقعدي هنا ولا دقيقه بدون اعتذار يابنت الكلب😡
اسماء:بووووم تعطيه كف......بوي اشرف منك ومن ميت واحد زيك😡
امتنان😵
باسم:الكف هاذا رح يرد بي100 كف
اسماء:فاطمه وتيلي غرفه العمليات مندير عمليتي ومنروح
فاطمه:ححاضر
باسم:قلت مفيش ويلا برا المستشفى انتي مطروده
اسماء:انت مش صاحب المستشفى بيش تطردني
والمريضه هادي مهمة اكتر ماتتوقع
باسم:قلت مطروده يعني مط...وقاطعه صوت
جلال( مدير المستشفى ):بصوت عالي
جلال: الكل لي شغله
اسماء: سيد جلال كويس انك جيت عندي المريضه
بنت صاحبك وعملتيها توا لاكن صارت مشكله و.....وقاطعها
جلال:انتي مطروده يا امتنان لانك سببتي مشكله كبيره وانتي يا اسماء حسابك بعدين توا امشي لي عمليتك وانت يا باسم لي مكتبي
امتنان:😢
اسماء:بصوت عالي.....انت شو تقول😡اني نلغي العمليه باهي عندك مانع اني منيش امدايرتها
امتنان:اسماء متدخليش
اسماء:كيف مندخلش يجيني واحد تافه زيه زي بوه يتكلم على بوي ويقولي اعتذري وتقوليلي ....يتبغ
