صحى محمد بالصباح على الساعه ١١
دخل للحمام واخذ له شاور وطلع وهو لاف منشفه على خصره ووحده ثانيه على راسه ينشف شعره
راح لجهة غرفة الملابس وطلع له بلوفر وجينز باللون الأسود وفوقها جاكيت طويل باللون الأسود وبعدها أخذ بوت باللون الأسود بعد ولبسه
راح عند مرايته وخلص تنشيف شعره ومشطه ورش من عطره القوي وطلع من الغرفه
نزل للدور الأرضي عند المطبخ وجلس على طاولة الطعام
محمد بصراخ /" وين فطوري ؟!"
تجمعوا الخدم بالمطبخ بخوف يدعون بداخلهم انه م يسوي شيء
تشجعت وحده من الخدم وقفت قدامه
ماريتا /" ماكنا نحسب انك بتصحى بالوقت هذا الحين نسوي لك الفطور"
طالع فيها ببرود واشر لها انها تكمل شغلها
لحقوها باقي الخدم عشان يجهزون الفطور
ومحمد طلع جواله وقعد يطقطق عليه ودق على واحد من رجاله
" وين راحت خلود للي الحين ؟"
" راحت من الساعه ٦:٢٦ الصباح للمدرسه مع ابوها ولي الحين م رجعت "
" طيب كمل شغلك ولا اشوف تقصير "
" تامر طال عمرك "
قفل من المكالمه وكمل يطقطق على جواله لين جوو الخدم ومعاهم فطوره اللي كان عباره عن بانكيك بالعسل وشكشوكه وفطاير بالتونه وعصير برتقال
أكل فطوره وخلص منه وراح لسيارته
حرك بسرعه خياله والحراس يفتحون البوابه له
قرر انه يروح للبحر يشم هوا شوي ونفذ كلامه اللي بعقله
اما عند خلود
كانت خلود بالمدرسه وتسولف مع صاحباتها بمواضيع مختلفه
خلود /" بنات تصدقون مدري ليش عندي احساس يقول ان ذا الاسبوع بيصير شيء "
منال /" ليش يعني شمعنى ؟"
خلود /" مدري والله بس احسه غريب كذا فيه شيء بالاسبوع هذا وانا متأكده "
بدريه /" اقول تعوذي من ابليس وان شاء الله ما فيه الا كل خير وعافيه انتي عقاك دايم الخيال ذا م تفكينا منه "
خلود /" واحس بعد باحساس ثاني "
اماني /" ابهرينا باحاسيسك "
خلود وهي تشرح بيدينها /" كذا مدري احس فيه احد يراقبني كل يوم وبكل مكان حتى بغرفتي احس احد يشوفني "
سلكوا لها البنات وهزوا راسهم بأيه وكنهم متفاجئين
خلود /" بنااتت كلو زق غلطان اللي بقول لكم انتم "
كشرت بوجيهم ورجعت تكمل أكلها
خلود /" شرايكم نطلع شوي نتمشى ؟"
منال بحماس /" ايه بنات والله طفشاانهه الف م عندي شيء اسويه"
بدريه /" انا بعد ابي اطلع "
اماني /" م عندي شغل عشان كذا بطاع معكم "
خلود /" تمام مدامكم كلكم موافقين خل نتقابل في كوفي **** ذاك اللي قد رحنا له مره "
بدريه /" طيب الساعه كم ؟"
خلود /" خلوها على الساعه ٥ وربع كذا تمام "
كلهم /" تمام "
يمشي على رمال الشاطئ( 🌚 ) ويفكر بعمق يفكر بأمه وأبوه اللي راحوا بغلطه ويفكر بأخوه الصغير اللي م يدري وش يسوي فيه وأغلب تفكيره عن خلود اللي أخذت عقله وقلبه من أول مره شافها وهو حاطها بقائمته و م راح تطلع منها ابد
رجع لسيارته وحرك لمن شاف الساعه وصلت ١٢:٣٠ ورجع لبيته يتغدا مع أخوه
دخل للبوابه بعد ما فتحوها الحراس ونزل من السياره بعشوائيه ورمى المفتاح على واحد من الواقفين
أول م دخل للبيت راح على طاولة الطعام وشاف الغدا جاهز وحار على الطاوله
محمد ببرود للخدامه اللي واقفه جمبه /" وين مهند ؟"
الخدامه /" قاعد يلبس وبينزل الحين "
بدأ ياكل بجوع الا شويات نزل اخوه اللي عمره بس ٨ سنين
مهند /" هااي "
محمد /" هايات "
كملوا الأكل وما كان ينسمع بالغرفه الا صوت احتكاك الشوك والملاعق بالصحن
مهند /" اا محمد اخوي وحبيبي "
محمد /" شتبي ؟"
مهند /" امم عندي بكره رحله في المدرسه وابغاك توقع على الورقه"
محمد /" ووين الرحله هذي ان شاء الله ؟"
مهند /" بنروح لسوق شعبي وكذا وانا ابي اروح تمام ؟"
محمد /" طيب اذا خلصنا غدا جيبها لي "
مهند /" حاضر "
بعد كم دقيقه خلصوا الأكل وطلعوا لغرفة مهند ووقع محمد له الورقه
مهند /" خل نلعب سومي مع بعض تكفى "
محمد /" طيب شغله "
قام مهند بحماس وشبك السوني على الشاشه الكبيره اللي بغرفته وحط بوسطه فيفا واخذ يد واليد الثانيه اعطاها محمد
قعدوا يلعبون ويضحكون لين وصلت الساعه ٤:٥٠
محمد /" يلله الحين انا بروح وانت طف السوني وادرس م ابغا اشوف درجات ناقصه "
مهند بابتسامه /" حاضر "
طلع محمد من غرفته ونزل لسيارته
حرك للمكان اللي بيسوون فيه العمليه والحراس والسيارات السودا وراه بالضبط
أول م وصلوا للمكان اتصل الحارس اللي يراقب خلود
" فيه واحد تحرش بخلود ومسكها وسحبها معه وهي ضربته وراح "
ثارت اعصابه وجهه وغيونه انقلبت حمرا
" راقب لي ذا الملعون ولا تخليه يروح لين اجيك "
-٧٥٨ كلمه -
______________________________________________
لا اقولون تأخرت لا اجي اصفقكم الحين كلها ٢٠ ساعه بس 😂😂 المهم كيفكم شخباركم شمسوين
م عندي شيء اقوله صراحه بس اكتبو لي توقعاتكم عن ايش بيصير
اللي يقول البارت قليل انا قررت اني اخلي البارتات كلها تقريبًا على ٧٠٠ كلمه وحولها م راح اخليها اكثر على هالتفاعل 😢
اذا زاد التفاعل ممكن اطول البارت لي ١٠٠ كلمه وحولها
المهم يلله الحين سي يو 💛
أنت تقرأ
Chemical equation
Action" انتي لي و ما راح تكونين لغيري سامعه؟!" " اليوم بنروح نقتله ونخلص منه جهزوا السيارات " " أكرهك كثر ما تحبني " " بروح وأرجع وألقى أصابعه مبتوره سامعين ولا لا ؟ ما عاش من يلمس شيء لي " "كل البنات يتمنوني الا انتي ليش ابغا افهم ؟" " تكفى الله يسع...
