ناز... هيه كالت هيج وعبالك فتحتلي جروح كعدت بلكاع وكنت ابجي
زهراء.... يعمري لبجي مو حل لازم تشوفين حياتج متشوفينن امي ميته قهر عليج ومرام يلي مطب للبيت من حالتج مقهورة عليج يا اختي يا حبيبتي
روحي للدكتور انني ترتاحين واحنه نرتاح
ناز.... الله كريم
طلعت وآني كمت للمرايه
متغيرة هوايه جوا عيوني اسود وضعفانه وجهي اصفر وصايرة خلقه هيج فراكك يغضب غير حالي
بعد أسبوع.... لبست بشت اسود وبنطرون كابوي وبدي اسود وحذاء وجنطه سودة رحت اني وزهراء للدكتور اخذنه موعد وكعدنه ننتضر
ورة ساعه يلا اجهة دوري ودخلنه اني وزهراء جان وولد شاب زهراء ترخصت وطلعت وآني ضليت اخزر بيهه
دكتور علي... ي ناز شنو الي عندي
ناز...هاااا حجيتله كلشي
دكتور علي... احنه حنكمل بلجلسات حسب الي داتحسين بي
ناز... طلعت وراة ساعه وآني احس نفسي خفيفه والله واحد يرتاح من يفضفض لشخص
ورة شهر ... ختمنه جلسه العلاج وجنت ما اخطي خطوة الا وهوا يعرف عرض عليه اقدم ع كلية
وفعلا قدمت ولان ماخرة سنه صار شوي صعب
قدمت كلية صيدله اهليه والتهيت بلدوام وضلت موصلاتي وي دكتور علي بس ع موبايل جنت ما احب اصادق بنات بس بنات خالتي جانن وياي 2 امشي وياهن
وهاي لفترة صرت احسن سمنت ولسواد راح وبطلت تفكير بلماضي لان لماضي حيخليج متقدمين خطوة ليكدام وبهاي لفترة ولدت مرام وآني بلدوام ماما خابرتني كالتلي محد بلبيت كلنه عد مرام كلي للخط يوديج الهم
ناز..
لا ماما تعبانه غير وقت اروحلهه
ام ناز... ماشي لمفتاح عندج غير
ناز... اي عندي
ناز... جنه بلخط 4 اني وبنات خالتي 2 وحدة من لقسم مالتي وصلني اني أول كتله يوكف يم ابو لمكتبه أريد أشتري سجل كال ماشي
ناز... جانت لمكتبه ع شارع العام وبيتنه بلفرع الي وراه جنت امشي وما احس غير غواش ع عيوني فتحت عيوني وريحه لديتول دخلت بخشمي عرفت اني بلمستشفى ودنيا دور بيه ضليت كاعدة وايدي ع راسي نزلت ايدي ع ركبتي ملكيت لكلادة
شوي ودخل واحد لابس زي مال ضابط كال
سلوان... مرحبا شلون صرتي
ناز... زينه شوي راسي يوجعني
سلوان... طبيعي لان جانت لوكعه عليه
ناز... ضل واكف كتلهه شصار وياي
سلوان ... جنت جاي من لدوام وانتي صرتي كدامي
نازز... آني مصرت كدامك جنت امشي وانته الي ضربتني
سلوان... فوكاهه اني الي ضاربج فوك ما انتي صرتي كدام السيارة
ناز... وين جنطه مالتي
سلوان ... بالسيارة بقت
ناز.. ممكن جيبهه الي
سلوان... صار
ناز... راح جابهه واجه ودخل لدكتور كال دكدرين طلعين بس سوي ورقه خروج وكتبتلج علاج
سلوان ... تفضلي
ناز.. اخذتهه ودورت بيهه ماكو يالله وين راحت معقوله طاحت بلشارع
سللوان.. يا الله مبدع من خلقهه بيضه وخدودهه حمر ولابسة اسود وخشمهه صغيرون وحواجبهه متان ومرفوعات وجسمهه يخبل بس منو الي بلصورة الي بلكلادة ومكتوب عليهه غضب
ناز... بلا زحمه كلادة مالتي ملكيتهه شايفهه
سلوان ... ممم جوز بلسيارة وكعت
خلص لمغذي وطلعنه
سلوان ... وين بيتكم
ناز.. بنفس المنطقه الي جنت بيهه
سلوان.. ممم
ناز... وين لكلادة
سلوان... هسه اشوفهه جوز ورة
نزلت فتحت. لباب ورة وشمرتهه وجبتهه
سلوان... هاذي
ناز...شكرا تعبتك ويايه اخذت الكلادة أول مرة توكع من ركبتي
ناز.. دك موبيلي شفتهه امي
ناز... الوو ماما
ام ناز... علا ماما وصلتي
ناز.. بلطريق شلونهه مرام ولبيبي
ام ناز.. زينه تسئل عليج
ناز... سلميلي عليهه ع يوم امر عليهه
ام ناز... الله وياج ماما
سلوان.. وين بيتكم بلضبط
ناز... دليته ونزلت شكرا تعبتك
سلوان... تعبج راحه
ناز... طبيت للبيت رحت سبحت وفتحت لشاش ضربه بسيطه عقمتهه وحطيتلهه لزكه ونزلت سويتلي زلاطه وعدنه صمون واكلت ونمت والليل اجت ماما
ام ناز.. شبي راسج
ناز... وكعت بلغرفه طلعت من الحمام وزحلكت
ام ناز.... بيج شي
ناز.. لا مبيه شلونهه مرام
ام ناز.. لحمدلله تكول خلي تمر عليه ناز مشتاقتلهه
ناز.. الله كريم
ناز.. صعدت فوك شفت عندي محاضرة باجر قريت وبست لكلادة ونمت
كعدت الصبح سبحت ولبست صايه مغربيه وشال اسود وجنطه وحذاء اسود نزلت تريكت واجه لخط
ورحت للكليه
وبللرجعه شفته واكف بلركن شيسوي هنا
مرت الايام وهوا نفس الشي الكاه نفس المكان بس مطور صاير يباوع
وخلصت السنه وهوا نفس الشي وكعدنه للعطله
واتفقنه نروح للزيارة لبغداد نتونس
آني وماما وبابا وخواتي 2 وزهراء وعمر صرنه سيارتين وصلنه لبغدااد ورحنه اجرنه 3 غرف غرفه لبابا وماما وغرفه لبنات وغرفه لزهراء وزوجهه
وآني تعباننه كبل نمت وكعدنه لصبح تريكنه ورحنه الأمام الكاظم ع. وهناك اشوف سلوان اجه سلم ع بابا لضاهر يعرف بابا وماما هم سلمت عليه شوي وبابا كال بنات روحوا وي عمر وآني وامكم نروح يم بيت ابو سلوان عافونه وراح وخذانه سلوان نتمشى بالاسواق
