حبيبتى المجنونه 😘😘

انا بنت عصبيه جدا و اسمى ساره وكانت عصبيتى عملالى مشاكل كتير وكان ملقبينى بالمجنونه ،،، ليا اخت واحده واسمها نورهان احنا من عيله متوسطه وكل يوم بعد ما اصحى من النوم اغلس عليها ،،، وانا رايحه الجامعه سيارتى خبطت بسياره شاب وسيم وجميل كل البنات تتمنى نظره منه ،، بس كان مغرور جدا ،، نزلت من سيارتى وعصبيتى كلها طلعت عليه بالرغم من ان انا اللى غلطانه ،،، وعاهد نفسه أنه هينتقم منى ويندمنى على الخناقه اللى عملتهاله.... وروحت الجامعه وكانت المفاجأه!!!! الشاب اللى اتخانقت معاه هو دكتور فى الجامعه ... وهو عنده شركه ... وقولت لصديقتى دعاء ودى كانت اقرب صديقه ليا حكيتلها اللى حصل وان انا اتخانقت معاه .. اتصدمت صديقتى دعاء وقالتلى دا مغرور جداا ومش بيحب اى حد يتكلم معاه بطريقه وحشه ومستحيل ينسى اللى عملتيه فيه .. وانا رايحه للبيت مسكنى من ايديا وكان بيدوس عليها جامد وخوفت منه جدا ومن نظراته الشريره ليا وقالى هتروحى منى فين مفيش حد يقدر يتكلم مع سليم بالطريقه دى انا هندمك على اللى عملتيه.. قولتله هتعمل ايه يا مغرور ؟؟؟ .. اضايق جدا من الكلمه دى وقال ماشى يا مجنونه وسبته ومشيت .. وروحت البيت ولسه بتكلم مع نورهان ولقيت الشبشب فوق دماغى ... ولقيت ماما بتقولى بتتخانقى مع استاذك دا انتى حتى لسه أول يوم اومال باقى الايام هتعملى ايه وهديتها وقولتلها دا طيب جدا ومزعلش منى خالص بس الحقيقه عكس كده كنت مضطره اكدب عليها ولو كنت قولتلها انه اتوعد أنه هينتقم منى مكنتش خلتنى اروح الجامعه تانى لأنها بتخاف علينا جداا لأننا ملناش غيرها بعد بابا ... كان كل يوم يعملى مشاكل عشان اطلع من الجامعه لكن خططه كلها كانت بتفشل .. وكانت نظراته ليا كلها شر ... و فى يوم من الأيام كان فيه شاب ماشى ورايا ومسك ايدى انا خوفت وزعقت ولقيت ايد تانى بتحوش ايد الشاب دا وبيضربه ولقيت سليم وحضنى وقالى انتى كويسه متخافيش انا معاكى ومش هسمح لاى حد تانى انو ياذيكى او يضايقك اتفاجئت قوى من كلامه ومكنتش مصدقه ان دا سليم المغرور حسيت ان انا كنت ظلماه 😔😔 وفى يوم حصل لأمى حادثه وكنت معاها انا واختى فى المستشفى ومكنتش بروح الجامعه .... وكان سليم ملاحظ انى مش موجوده ... وسأل دعاء قالها اومال زميلتك اللى اسمها ساره مش بتيجى ليه الجامعه ردت عليه وقالتله اصل مامتها عملت حادثه وهى قاعده معاها فى المستشفى ... قالت دعاء هو حضرتك بتسأل عليها ليه لو عايزها فى حاجه قولى وانا اوصلهالها.... قالها بتردد ااا.....اصل فيه حاجات نسيتها معايا ولازم اوديهالها وطلب من دعاء عنوان المستشفى ودى كانت حجته عشان يشوفنى ... اول ما خبط الباب حسيت بنضبات قلبى سريعه ولما لقيته كنت فى حاله ذهول ودخل وسلم على اختى وماما وقالى انا عايزك فى موضوع مهم ولقيته بيقولى بعصبيه شديده انتى مش بتيجى ليه انتى متعرفيش انا كنت مضايق عليكى اد ايه ومكنتش حابب ادخل الجامعه لأنك مش موجوده فيها .. وانا كنت مصدومه جدا من كلامه رد عليه بتوتر ااااا... انا اقصد يعنى سابتك عايزه كتير مهمه ولازم ترجعى وكان عايزه يعبرلى عن حبه .... وفجاه جت اختى وقالتلى ماما تعبانه اوى روحى اقعدى معاها وانا رايحه انده الدكتور... وكنت بتكلم انا واختى عن مصاريف المستشفى وكنت بقولها مصاريف المستشفى كتير اوى انا هبيع اى دهب معايا وادفع المصاريف... و بعت الدهب وكنت رايحه ادفع مصاريف المستشفى وقالولى المصاريف كلها مدفوعه .. وقولت لاختى انتى دفعتى مصاريف المستشفى قالتلى لا ... وتأكدت ان سليم هو اللى دفع ... زاد احترامى ليه وثقتى بيه اكتر وقررت ان ارجعله فلوسه لكن هو رفض .. وكان كل يوم يطمن عليا انا واختى وماما وكان بيزورنا البيت وحبته ماما واختى جداا .. وكنا بنتكلم فى اليوم بالساعات لكن محدش فينا قدر يعترف للتانى بحبه وقرر يعترفلى بحبه وقرر اننا نتقابل ولما وصلت للمكان اللى هنتقابل فيه ولقيته محضرلى مفاجأه جميله .. المكان كان مزين بطريقه حلوه جدا ولقيته بيقولى انا بحبك 💝💝 ومقدرش أعيش من غيرك تقبلى تتجوزينى .. قولتله بس انا مبحبكش.. انصدم من اللى بقوله ... قولتله انا بعشقكككك وطبعا موافقه عمت الفرحه على وجوهنا لاننا تاكدنا من مشاعر بعض ... وتانى يوم صحيت على صوت زغاريد لقيت ماما بتقولى مبروك فيه عريس جه واتقدملك وانا وافقت يلا قوليلى رايك ايه ... قولتلها رأيى فى ايه مش لما اعرف مين ... قالتلى انتى هتكدبى عليا انتى عارفه مين .. خوفت احسن يكون ابن عمى لانه بيحبنى وكان عايزنى وماما كانت موافقه عليه بس الحمد لله قالتلى ان سليم هو اللى اتقدملى وفرحت جدا ووافقت واخيرا حلم اربع سنين خلاص اتحقق ... واتجوزنا بس مامته مكنتش بتحبنى لانى من طبقه متوسطه لكن انا بمعاملتى الطيبه ليها ورغم قسوتها عليها وبعد معاناه طويله معها سليم كان دايما بيدعمنى وكان دايما بيقولى اصبرى واكيد هى هتحبك وفعلا حبتنى جدااا كل الكره اللى كان فى قلبها من ناحيتى اتقلب لحب و كانت احن عليا من أمى وعشنا حياه كلها سعاده فى بيت مليان محبه ... سليم عوضنى عن حنان الأب اللى اتحرمت منه .. وعشنا حياه جميله مع زوجى واولادى التؤام وبنتى وعائلتى الجميله 👪