الأولاد بقو يضربو في العربيه انا خفت خوف وسيم بقى يحاول يمشي سريع بالعربيه وما قدر😢وسيم قال لي انا حانزل ليهم اشوفهم عايزين شنو قلت ليه وسيم عليك الله ما تنزل اسي لو عملو ليك حاجه وبقيت ابكي😭😭قال لي كدا حنعمل حادث لو ما وقفت ليهم ياخ هم قربو يكسرو العربيه😭قام وسيم وقف العربيه ونزل ليهم قال لينا مافي وحده فيكم تنزل فهمتو؟ونحنا شغالين نبكي وانا بقول ليه وسيم ما تمشي ي وسيم😭الشارع زاتو كان فاضي عربية ما فيه فجأه الأولاد نزلو من المواتر بتاعتهم هم زي ٥ اولاد كدا وبدو يتشاكلو مع وسيم😭وهو بضرب فيهم ما خلا زول يقرب منو قام واحد مسك وسيم بوره وفي واحد جاء يضربو من قدام وضربو وضربو ونحنا نصرخ ونصرخ😭😭مياده شكلها غمرت انا ما عرفت اعمل شنو والباب مؤمن انا ما قارده انزل ما عارفه اعمل شنو بس بقيت ادعى لوسيم وادعى ليه وابكي😭وهو بضربو فيه انا في اللحظه دي والله ما فضل لي الا أموت وانا شايفه المنظر دا😭وشغاله اصرخ خلوهو يا جبانين😭😭بعد ضربو وخلصو خلو واقع في الأرض انا الا كسرت شباك العربيه وطلعت لوسيم لقيتو مجروح في راسو والدم نازل منو😭بقيت احاول اسندو عشان يقوم ما قدرت مشيت صحيت مياده وهي ما صحت شلت مويه جيت رشيتها بيها قلت ليها قومي وسيم دا مجروح عايزه انومو هنا امشي اركبي قدام وهي ما قادره تقوم وما فاهمه شي الا ضربتها كف حتى وعت قامت ساعدتني شلنا وسيم ونومناه ورا وانا قعدت جنبو ومياده ساقت العربيه بس بقيت ادعى نصل بالسلامه ووسيم ما تصل ليه حاجه😭😭وسيم صحى قال لي موبي انتو كويسين قلت ليه نحنا كويسين ما حاصله لينا حاجه انت حاسي بشنو قال لي بس راسي لافي قلت ليه قربنا نصل المستشفى حاتكون كويس😢شويه وكدا وصلنا المستشفى مياده قامت شالت تلفونها ومشت ضربت لناس بيت وسيم وانا دخلت معاه جوه عقمو ليه جروحو ولفوها ليه بشاش والحمدلله كويس😇مشيت جبت ليه موية شرب وقعدت جنبو
سمسم:ياربي الأولاد ديل بكونو منو وعايزين مني شنو
انا:بحيرو والله انت كان عندك مشكله مع زول؟
سمسم:لالا ما اظن حيروني
أنا:حصل خير والحمدلله انك كويس بس والباقي ما مهم
سمسم:انا لازم اعرف ديل منو والله ما اخليهم بس اعرفهم
انا:سمسم خلاص عليك الله اسي ارتاح انت
سمسم:انتو حصلت ليكم حاجه عملو ليكم شي
انا:لالا ما عملو لينا شي
سمسم:(حضني عليه)موبي الله ما يحرمني منك ودايما تفضلي جنبي لأنك انتي الوحيده الممكن تعملي اي شي عشاني
أنا:الله مت يحرمني منك انت كمان انت ماعارف انا خفت عليك قدر شنو حسيت نفسي حاخسرك😔اتمنيت الأرض تبلعني ولا اشوفك كدا
سمسم:هس خلاص مااتقولي كدا بوعدك مافي شي حيفرقنا حانكون عايشين سوا وحانموت سوا
ونحنا قاعدين القعده دي وبنتكلم أخت سمسم وامو ومياده جو خاشين طبعا انا خجلت خجل قمت من وسيم سريع سريع أختو بقت تحمر لي انا ما قدرت اعاين ليهم تاني😭أمو جاتو جاريه وسيم ولدي سلامتك ان شاء الله البكرهوك وجات اختو كمان براها انا قلت أحسن اطلع هم اصلا كارهني😪جيت طالعه كدا وسيم وقفني قال لي موبي ماشه وين اي وحده بتحمر لي براها لمن خوفوني قلت ليه حامشي اقيف بره قال لي طيب وواقفه مستنايهم ضربت لملاذ حكيت ليها قلت ليها اسي امو واختو ومياده قاعدين معاه جوه وانا طلعت بره قالت لي ي غبيه ما كان تطلعي كان تقعدي ليهم في نفسهم كدا عشان تمغرسيهم😤قلت ليها بري ما عايزه معاهم مشاكل الناس ديل اصلا هم براهم شاميني😪المهم قفلت من مياده هم جو طالعين وساندين وسيم عشان ماشين البيت وسيم قال لي موبي ارح عشان نمشي بعد دا قلت ليه طيب مشيت شلت شنطتي وجيت معاهم طلعنا بره وسيم كان صحبو واقف جنب العربيه لما شافنا طالعين جاء مكسو ومشى ركبو في العربيه وأمو ركبت جنبو قالت لياسمين انتي اركبي قدام ومياده تسوق العربيه عشان وسيم ياخد راحتو وقالت لصاحب وسيم أحمد انت الحقنا بعربيتك نتلاقى في البيت حتى اسمي ما ذكرتو كأنوو عايزين يخلوني هنا وانا ما عارفه وسيم قال لي موبي تعالي اركبي هنا جنبي أمو قالت ليه لالا انت معوق كدا ما صاح خليها تركب في اي محل قال ليها تاني مافي محل تركب فيه لكن قالت ليه خلاص تركب مع احمد طيب وسيم عايز يتكلم قلت ليه ما مشكله انا بركب مع احمد قال لي طيب🤕مع اني زعلت زعل في الدنيا دي حسيت نفسي صغيره😢مشيت ركبت مع احمد وانا زهجانه زهج🤕طبعا احمد دا صاحب وسيم شديد وعارف بعلاقتنا المهم شافني ليك زهجانه قال لي اشغل ليك اغنيه ممكن تروقي😹😹طبعا هو ظريف شديد😹قلت ليه اقفلها ما عندي مزاج قال لي مآب ممكن اقول ليك حاجه من أخ كبير يعني قلت ليه اتفضل قال لي مادام الزول الأمني بتحبيه هو عايزك ومكتفي بيك طووووز في باقي الناس ما عندك شغله بيهم😴طبعا هو فاهم ياسمين وأمها بعاملوني كيف😢 قلت ليه لكن انا انسانه وبحس م ممكن البعملو دا بالجد قال لي طنشي اي شي بضايقك طنشي😴وقعدنا اتونسنا لحدي ما وصلنا بالحد روق لي مزاجي شديد بالجد احمد دا راحه نفسيه ياخ🙂👋🏻طبعا أحمد دا
هو الوحيد الما بغير علي منو وسيم لأنو بثق فيه ثقه عمياء👋🏻🙂 المهم وصلنا جينا داخلين بيت ناس وسيم أحمد قال لي طنشي كويس😴قلت ليه طيب😇لقيناهم قاعدين كلهم سوا الا وسيم أحمد قال ليهم وسيم وين قالو ليه في غرفتو جينا طالعين ليه انا واحمد أمو قالت لي وسيم بغير في ملابسو خلي ياخد راحتو احمد اطلع ليه انت براك احمد قال لي طنشي براحه كدا عشان ما يسمعو😹😹هو طلع ليه وانا قعدت لكن من نظراتهم لي قلت ديل حياكلوني حياكلوني😹أمو قالت لياسمين انتي عارفه وسيم دا بعد دا الا نعرس ليه قالت ليها اي يا أمي قالت ليها لكن عايزين ليه وحده مننا ووضعها زي وضعنا وحده تهتم بيه وما بسببها هي يتضرب وحده تكون راقيه وبنت ناس وتوبها من توبنا عشان ما اي بنت تمسك فيه عشان قروشو نعرسها ليه نحنا عايزين وحده تجي من بيت أبوها شبعانه.
ياخ انا في اللحظه دي لساني اتجمد بس دموعي دي جات جاريه ماقدرت اتحمل قمت مشيت سريع سريع😭ياخ انا بكيت بكاء في الدنيا دي كرهت نفسي عشان مارديت ليهم عشان أظهرت ليهم اني ضعيفه😔زعلت من نفسي زعل أثبت لنفسي اني ما قويه وم عندي ثقه في نفسي بس لما أمر بموقف صعب بقعد ببكي😪وما بعرف ادافع لنفسي ولا ارد😪أبوي تعب فيني وخسر فيني قروش ورباني أحسن تربية ماعشان في النهايه أخلي ناس زي ديل يهينوني😢ومسحت دموعي ورجعت البيت خالتي شافتني قالت لي مالك زي الكنتي بتبكي كدا قمت حكيت ليها قالت لي الناس ديل مابخافو الله شايفين نفسهم أحسن ناس كأنو الدنيا دي مافيها غيرهم ما بستاهلو تزعلي نفسك عشانهم😪شجعت نفسي ومااشتغلت بيهم قلت الجايات أكتر🙂ما تزعلي نفسك يا أحلى موبي🙂بقيت ارضي في نفسي😹انا بتكلم مع نفسي كتير بالذات لما اكون زعلانه😹وسيم ضرب لي..قلت اسي حقول ليه مشيت ليه😪
وسيم:موبي وين انتي احمد قال لي انك قاعده تحت لما نزلت تحت ما لقيتك وياسمين قالت ماعارفاك مشيتي وين
أنا:(قلت في نفسي ماعارفاني ماشه وين يا حيوانه)😤رجعت البيت عشان خالتي ضربت لي قالت لي تعالي
سمسم:طيب تعاليني اسي اشتقت ليك
أنا:مابقدر اسي اصلا الزمن أتأخر بكره بجي بشوفك
سمسم:طيب؛صوتك مالو كدا في حاجه؟
أنا:لا مافي حاجه(سبحان الله البحبك بعرفك من نبرة صوتك)
سمسم:كنتي بتبكي صاح؟
أنا:بس اتذكرت قبيل لمن كنت واقع في الارض ومجروح😔
سمسم:يالله يا موبي نحنا قلنا شنو؟ازعل منك؟
انا:لا خلاص
سمسم:بطلي البكى الكتير دا انتي ما شافعه صغيره🙄
أنا:طيب حبطلو😔سمسم انا بحبك والله
سمسم:وانا بموت فيك
أنا:اوعدني انو ما حتتخلى عني مهما يحصل
سمسم:بوعدك ياروحي لكن انا المحتاج للحاجه دي موبي انا بطلب منك انو ما تتخلي عني لأي سبب😔
أنا:اوعدك لأنو غصبا عني ما حاقدر.
اني عشقتك واتخذت قراري..💗فلمن أقدم ياترى أعذاري🖤✨لا سلطة في الحب تعلو سلطتي..💗فالرأي رأيي والخيار خياري🖤✨هذه أحاسيسي فلا تتدخلي ارجوك..💗بين البحر والبحار🖤✨ظلي على أرض الحياة فإنني..💗سأزيد اصرارا على اصرار🖤✨
