سجينة الحب
الكاتبه قويه كا العراق
البارت الأول
عاتبت الجرح بدموع العيون
رد جرحي يكَلي شذكرك بيه
كَتله جيت أشوفك واعرف البيك
يكَلي الونه ما تبقه خفيه
شجالك يا جرح كافي من الونين
يكَلي كل جرح طبعه الأذيه
كَتله آنه العمر خلصته جويات
وينطبكَن عليّ كلهن سويه
ما أعرف اجروحي وتاه الحساب
مو وصلن تعدن جزن ميه
ومرات اختنكَ خنكَة الغركَان
وشهكَات النفس زرفن الريه
أون ون العليل بوحشة الليل
واتمنه الجفن يغمض شويه
أشرب بالدمع ما ورج الناس
واتجرع حزن صبح ومسيه
بالصوره عدل وتشوفني الناس
لكن سكتاوي أنازع بالمنيه
سرى:جنت كاعده كدام المرايه ودموعي تنزل على الي صار بيه وعلى الدمار الي دمروني حالي مثل بلاع الموس لا اكدر اذبه ولا اكدر ابقي مسحت دموعي وطلعت من غرفتي رحت للصاله لكيت امي كاعده اجيت نمت بحضنها احب من اضوج وانقهر اجي انام بحضنها
ام سرى : شبيج بنيتي ليش باجيه وججهج ذبلان
سري : مابيه شي يمه
ام سرى : لعد تعاي اسولف الج شلون صارت قسمتي ويه ابوج بلكي تنسين الي بيج تره اني امج واعرفج
سرى : جاي اسمعج سولفي
ام سرى : بس مو تضلين تسئلين شلون وشوكت وامته
سرى : هااا لا ماسئل هههه
ام سرى : چنت بعمر 12 و ابوج صديق ابويه وچان دائمآ يجي لبستانه ويطلع ويه ابويه من يجي النه چنت العب بالبستان ومن يصيحني اكله هااا عمو ابراهيم چنت انادي عمو شمعرفني هاذا راح يوم من الايام يصير ابو جهالي والله ويوم من الايام اجت ((حليمه)) مرت ابوج اني چنت العب ويه الجهال بالبستان اجتي صيحت
ام سرى : يييمه عمه حليمه اجتنه
جدة سرئ :هلا هلا بيها توه مانور البيت
حليمه : وبيج اكثر خيتي
جدة سرئ : شلونج اخبارج انشالله جيتج خير
حليمه :انه اجيت وانشالله خير وماترفضوني
جدة سرئ :انشالله الي تامرين بي يصير
حليمه :اريدن ((جواهر )) ل ابراهيم وانشالله ماتردوني
جدة سرى : بس ابراهيم مزوج وانتي مرته وعنده جهال وعمر بنهاية الثلاثين
حليمه :سديتيها بوجهي شعليج انه مرته وراضيه وانه الي جيت وطلبت ايدها واذا عاد صغيرة يربيها علئ ايده
جدة سرى :خيتي الشور مو شوري اسئلن ابوها وانشالله يرداكم الخبر
حليمه : مادام تصل لابوها يوافق لان هوه يعرف ابراهيم ويعرف اصله وفصله
جدة سرى : انشالله خير خيتي
حليمه : يلا انه اتوكل
جدة سرى :الله وياج خيتي
ام سرى : والله لليل امي كالت لابوي وابوي وافق لان. يعرف ابراهيم شخص معروف وانسان واعي ومثقف اني جاهل مافهم الزواج شنو ولا اعرف وين يودوني كالو توافقين ببراهيم كلت الي لان چنت احبه چان ابويه من يروح الهم يجيب النه من بستانهم فواكه بانواعها چان الي يروح يزور ابراهيم يشيله من البستان فواكه
أنت تقرأ
سـجـيـنة الــحـب
Romanceقصة واقعية حقيقة لفتاة ريفيه تقع في عشق رجل ليس لها حق فيه، يكون فارس خيالها الحالم، ليحدث ما ليس في الحسبان --سـجـيـنة الـحـب -- --بقلم الكاتبه قويه كا العراق --
