احتلال

الحلقة 1

🔥روايات نزيهة الاماني🔥
✔الحلقة 1✔
احتلال🔥

الرواية ادور احداتها عن مدينه عربيه شبه محتله من قبل عدو اجنبي وصراعات مستمرة بين الجيش الوطني والعدو الاجنبي وبالتحديد حنحكي على عائله من المدينه هدي🔥

رتاج:حطيت سفرة العشاء ع الطاوله واصوات القوادف والصواريخ قريبه منا والضي مقطوق فتحت الشموع وحطيتهم ع الطاوله
رتاج:هيا تعالو وينكم حطيت العشاء ماما بابا هيا
خالد(اب رتاج):قعمز ع الطاوله٠٠ربي يستر اليوم الضرب قوي وقريب
مريم(أم رتاج):وين عادل مزال ماجاش؟؟
رتاج:تو نكلمه يجي غير تعشو قبل ماتطفى الشمعه

**رتاج:خريجه طب تخصص جراحه عمرها23 تصرفاتها طفوليه بس في نفس الوقت عصبيه وقاسيه جمالها طفولي و جداب بشوشه شعرها اسود وطويل عيون كبار سود بشرة حنطيه وتعشق حاجه اسمها تصوير وتيك توك😂عندها اخ واحد**

رتاج:الو عادل وينك ماما من بكري قالقه و تستنى فيك
عادل:اففف شن تبو مني منيش فاضي
رتاج:شنو شن نبو حرام عليك ماتحرقلهاش قلبها روح وتعشى ماتشوفش في الوضع برا كيف
عادل: وانا على خاطر الجو اللي صاير برا مابنروحش هيا وجهك٠٠٠طوط طوط
رتاج:سكر في وجهي حقير الادب😒٠٠وشن قصده بي مابيروحش ع خاطر الجو اللي صاير برا😳

مريم:شن كلمتي خوك يارتاج
رتاج: اي ياماما كلمته خلاص والنبي خلوني ناكل ميته م الجوع😢
خالد: ربي باليني ببنت ماتشبعش من الاكل و ولد مايشبعش من الشوارع😪
رتاج:وماتنساش حتى التيك توك مانشبعش منه😂
عبدالله:ربي يهديكم شباب اخر زمن
رتاج&مريم:😂😂

فجأة الباب يخبط بشكل جنوني بوف بوف بوف
مريم:بسم الله انشالله خير يارب😰
رتاج:واقفة بنفتح الباب بس بابا وقفني
خالد: انا بنفتح خشي داخل انتي وامك بسرعه
خالد فتح الباب وكان علامات الصدمه على وجهه
عصام:رافع عادل اللي كان الدم مالي ملابسه ومغمى عليه
خالد:تي خيره الولد ياعصام خيره😳٠٠رفعوه ودخلوه للصاله حطو ع الصالون
مريم: وووك عليا وليدي ووك شن صاارله😭
رتاج:منضر الدم على جسم خوي عادل خلاني متجمده وخايفه انه يكون ميت💔 ماحسيتش بروحي الا وانا طايحه ع الارض ونشوفله من بعيد ونشوف في امي وبوي يبكو ويعانو فيه
خالد :احكي ياعصام خييييره الولد٠٠يتكلم بصوت عالي ويعيط على عصام
عصام:يحكي بنبرة خوف٠٠اااءء حااول انه يقتحم الماكن اللي متركزين فيه الاجانب بس حسو بيه وهرب لكن لحقو وطلقو عليه النار😰
مريم:علاش ياوليدي علاش شن جابك فيهم 😭
خالد :اسكتي يامريم خليني نركز ٠٠رتاج جيبي صندوق المعدات الطبية متعك
رتاج: حاولت ان نسترجع قوتي ونوقف لما عرفت ان عادل مش ميت غير انه مصاب بطلقات ناريه بس مزال مانعرفوش وين جوه الطلقات💔
عصام: طلع حربة من جيبه وقطع قميص عادل وخالد يساعد فيه اما مريم طايحه ع الارض وتبكي مش مصدقه ان اللي مطروح وغارق بالدم هدا ولدها كانت صدمه ليها اكتر من انه خوف
رتاج :في يدي صندوق الاسعافات٠٠ بعدو من عليه شوي٠٠رغم خوفي بس الوقت هدا لازم نكون قويه لازم نساعد خوي لازم نوقف الدم لازم نطلع الرصاصه لازم ندير كل مابوسعي باش ننقده وننقد امي وبوي من الصدمه اللي هما فيها
طلعت قطن وبديت انضف في الدم من على جسمه لين لقيت مكان الرصاصه في كتفه ليمين طلعت الادوات اللي بنطلع بيهم الرصاصه وعصام كان يساعد فيا بس ونشوف في يده كيف ترجف والعرق اللي يتساقط من وجهه كان علامات الخوف واضحه عليه💔
مريم:تحط في كمادات ع راس عادل لان حرارته كانت عاليه و تبكي
خالد:خاش طالع خايف على ولده ومتوتر وقالق ان يجو يهجمو عليهم بسبب عملة عادل
رتاج: عصام اول مانقيم الرصاصة انت حط القطن في مكان الجرح واضغط عليه
عصام :حح حاضر😰
رتاج:كان العرق يطاير من وجهها وشعرها نازل على عيونها٠٠نجحت في انها اطلع الرصاصه
مريم:الحمدلله الحمدلله تعالا يا خالد طلعت الرصاصه
خالد:جاء يجري الحمدلله يعطيك الصحه بنتي