عمار،،،،،،راحو الشيوخ طبيت على خواتي ام جود الجبيرة وام محمد على اسم ابوية سمت الوسطانية وام حسين الصغيرة كامن يهلهلن كالن هلة بل شيخ الشباب بعد مانصيحك عمار نصيحك شيخ الشباب بستهن من راسهن كلتلهن ابوية نام
ام جود،،،،،اي وكال من يجي عمار خلي يجيني اريد احجي ويا
ام جود،،،،،متنة بجي على ابوية مابقينة شي ماسوينا حتى ملخنة هدومنة وشعرنة هذة شمعت البيت
عمار،،،،،كملت اني ولد عمي تجفين ابوية ورحنة دفنا رجعنة من المقبرة نصبنة الجادر بدت الشيوخ والناس تجي صار لليل رحت لغرفة ابوية نمت بفراشة وابجي مثل الطفل المضيع اهلة غفيت على فراش ابوية واني ابجي تحلمت اني وابوية كاعدين بمكان حلو ويكلي هاك هاي الثمرة زينة الك ضمهة واكلهة بوحدك فزيت من النوم لكيت نفسي نايم بفراش ابوية كمت توضيت وصليت صلاة وحشة القبر كعدت على سجادة الصلاة ودعيتلة ودموعي ينزلن ماحس الة يد لزمت جتفي رفعت راسي لكيت اختي ام جود هم نبجي حضنتهة وكمنة نبجي سوة كالت
ام جود،،،،،،شفت عمار يبجي وكاعد على سجادة الصلاة رحت كعدت يمة حضني كتلة راح العزيز راح شمعت البيت
عمار،،،،،،تحجي ام جود واني ميت بجي كلتلهة صحيح راح بس بقت روحة يمنة ما يفيدة البجي يعذبة يفيدة الدعاء خلي ندعيلة
ام جود ،،،،، خليت راسي على رجل عمار كتلة مابقالنة غيرك بل دنيا الله يخليك النة
عمار،،،،،بستهة براسهة كلتلهة انتن امانةالله وابوية يمي ان شاء الله ماقصر منجن بشي اقصر من نفسي وانتن لا
مرت ايام الفاتحة والكل مشة لبيتة بقيت بوحدي بل بيت حتى خواتي راحن كمت انامبمكان ابوية وماصار عندي واهس باي شي وخواتي كل يوم تجي وحدة تعزل البيت وتغسل الملابسي وتركبلي وتروح مرت اشهر واني يومية ابجي بل ليل على فراك ابوية قررت ارجع مثل قبل واكمل البدة بي ابوية وبدة مضيفنة ينترس مثل قبل واكثر بيد احل مشاكل الناس والحمد لله
بعد مرور سنة على وفاة الشيخ محمد
ام جود، ،،،،ياشيخ شكم دوب تبقة بغير زواج وكبرت
شيخ عمار،،،،،،يختي اني هيج مرتاح
ام محمد، ،،،،،،شمرتاح ياخوية شكم دوب تبقة انتة تعزل البيت وتغسل الملابس
شيخ عمار، ،،،،يختي وين الكة المرة التريحني وعلى مرامي
ام جود،،،،،،اني ادورلك احسن نسوان المنطقة
ام محمد، ،،،،والله ياخوية حماتي بنية مستورة وحبابة وشاطرة شرايك اخطبهة الك
شيخ عمار، ،،،بكيفجن بعد يل غاليات
ام احمد،،،،،خلاص خوية باجر نروح نخطبهة الك بس شسمهة البنية
ام محمد، ،،،اسمهة سارة والله شايلة جمال وخلاق وشطارة
شيخ عمار، ،،،براحتجن بس عندي موضوع وياجن لريد انطي كل وحدة وحصتهة بل ورث
ام محمد، ،،،ليش خوية بقيهن الك حصتنة
شيخ عمار، ،،،لاخوية هذة حق وصيت المرحوم لازم انفذ وصيتة
ام جود،،،،براحتك خوية
شيخ عمار، ،،،،باجر ان شاء الله اروح للعقاري واتنازللجن عن كل الاملاك بس اخذ هذة البستان والبيت
ام احمد،،،،،ليش ياشيخ هذة هواي علينة وانتة اخذت القليل
شيخ عمار، ،،،،ميخالف اهم شي انتن راضيات علية 🌹🌹🐒🌹🌹🕊 مشاهدة ممتعة للجميع اتمنة ينال عجابكم واسفة على التاخير ورداتي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
