*********استغفر الله ************
في مكان لم نذكره من قبل يقف شخص ببدلته الرسميه وحقا انه جميل للغايه يقف بشموخ ويرتدي نظارته الشمسيه ويقول لصديقه في العمل: اخيرا هاخد اجازه واشوف عيلتي النهارده بقالي كتير مشفتهمش
صديقه: يابختك ياعم والعه
الشخص: ماانت كنت في اجازه بقالك شهر اهو
صديقه: بس بردو ياعم البعد وحش وكمان انا خطبت يعني البعد وحش شهر ميكفيش والله الشغلانه دي صعبه
الشخص: ياعم هنستحمل بردو كلو عشان خاطر بلدنا هانت وتنزل اجازه كمان ياسياده الرائد ادم وتشوفهم مش عارف بوحشوك اوي ها واخد بالك الحبايب كتير 😉😉وانت مش مستحمل ياحبه عيني
ادم: عماااااار لم نفسك بكره نشوفك ياحب 😎😎
عماروهو يتذكر محبوبته منذ الصغر وشرد قليلا
ادم: رحت فين ياسياده الرائد الصناره باينها غمزت من زمان صح
عمار: ايوه بقا ملكش دعوه ولم نفسك انا هشوفها النهارده وهتبقي مفاجاه محدش عارف اللي انا هنزل اجازه اصلا يلا بقا هروح الم هدومي وماشي هتوحشني انا صحيح عرفتك في فتره قصيره بس هتوحشني تعالي في حضن اخوك يافواز (بصوت محمد هنيدي في عندليب الدقي 😂😂😂😂)
وحضنا كلا منهما الاخر بشده
وودع بعضهما وذهب عمار ليلملم اغراضه وذهب
-----------------------------------------------------------
في منزل ميرنا
ميرنا: ماما انا نازله وعاوزه فلوس
جميله: انتي اي ياميرنا مبترحميش مش لسه واخده 5الاف جنيه امبارح وبتقولي منها دروسك وتمشي نفسك مفكره ياهانم ابوكي قاعد علي البنك الاهلي ولا حاجه وكمان كل جمعه بتقولي هذاكر هذاكر ومشفتكيش ذاكرتي يعني ولا حاجه اسمعي ياميرنا انا هديكي المرادي الفلوس لكن واقسم بالله ان مااتضظبتي لاظبتك ومش هيكون في خروج وتقعدي علي الكتاب انا سيباكي تخرجي عشان بقول دي في ثانويه عامه ومحتاجه تتهوي شويه وياريت تكوني فهمتي الكلام
ميرنا بلا مباله: حضرتك خلصتي لو خلصتي هاتي يلا الفلوس
جميله: بت احترمي نفسك وانتي بتتكلمي معايا طب والله العظيم مافي فلوس ياميرنا
ميرنا: ازاي يعني عايزه اخرج مع صحابي واكملت بكذب: انا ذاكرت امبارح قبل اما انام عشان اعرف اخرج
ياتي سالم من الخارج
ويقول: في اي ياجميله اي اللي حصل صوتكم طالع لاخر الشارع في اي
ميرنا سريعاوبكذب: بابا كنت عاوزه فلوس بس عشان اخرج مع صحابي واخرج من الجو دا وماما رفضت وبتقول انها عطيتني 5الاف امبارح بس والله متبقاش منهم حاجه خالص كلو ادفع للمدرسين وبتقول انو النهارده يوم اجازه من الدروس لازم اذاكر في وانا عملت حسابي امبارح وذاكرت قبل اما انام
سالم: خلاص ياجميله سيبها تخرج شويه
جميله: هو اي اللي سيبها تخرج دي اخرت دلعك دي وحشه وهتبوظ واهي ان جابت مجموع انا سيبهالك وراحه لناديه صحبتي اتصرف معها زي مانت عاوز انا معتش ليا دعوه عشان متقولش ذنبي في الاخر بنتك عندك اه صحيح الفطار جوا
وذهبت
ميرنا تبكي بتمثيل: ينفع كده يابابي هو انا عملت اي لكل دا بس اهئ اهئ 😭😭
سالم: يحبيبتي هي مامتك وخايفه علي مصلحتك
اضحكي بقا متعيطيش يااميرتي الصغيره وهي هتروق بعدين وخودي الفلوس اهي واخرجي واتبسطي انا مش عاوز اشوف دموعك دي تاني
ميرنا وهي تقبل جبينه: حاضر يااحلي بابا في الكون تسلملي ياقلبي ويديمك ليا
وذهبت وذهب سالم ليحضر طعامه ووضعه لياكل وبعدما انهي نظف مكانه وذهب ليحضر نفسه لصلاه الجمعه
-----------------------------------------------------------
في منزل ليلي
ليلي ومريم بعد ان استيقظو ونظفو الغرفه والمنزل كله فهم اعتادو كل جمعه علي تنظيف المنزل باكمله
وبعدها ذهبت ليلي لتيقظ والدها
ليلي وهي تدخل الغرفه علي والدها: بابا صح النوم ياجميل
محمد: لولا سبيني انام شويه دا اليوم الاجازه اللي برتاح واعرف انام في وكمان جيت من الشغل متاخر امبارح ومعرفتش انام
ليلي: يالا بقا عشان نفطر كلنا دا اليوم الوحيد اللي بنتلم كلنا في وكمان عشان تلحق تصلي الجمعه الساعه 10دلوقت
محمد :قومت يالولا خلاص،وبعدين انتي بتكدبي عليا وتقوليلي قوم دا اليوم الوحيد اللي بنتجمع وعليكي دروس اه ياكدابه
ليلي: اه عشان تقوم وانا قايمه افطر ونازله باي افطرو بقا مع بعضكم
بينما كانت ليلي تيقظ محمد كان يرن الجرس ففتحت ناديه الباب لتجد جميله وقالت لها: تعالي اتفضلي ياحبيبتي عامله اي والاستاذ سالم وميرنا عاملين اي اخباركم
جميله: بخير يحبيبتي انتو اللي عاملين اي
ناديه :احنا بخير ياحبيبتي ويارب دايما تكونو بخير
جميله: تسلميلي ياعمري صحيح مبتجمعش معاكي الا كل جمعه بس بتوحشيني والله
ناديه: انتي اكتر والله من ساعه مانقلتو بيتكم الجديد هنا واتعرفت عليكم حبيتكم والله
جميله: تسلمي ياحبيبتي
ليلي وهي تدخل: ماما انا صحيت بابا عشان يفطر وينزل يصلي الجمعه وانا فطرت وراحه الدرس اهو عاوزه حاجه
ناديه: لا ياحبيبتي تعالي سلمي علي طنط جميله
ليلي: ازيك ياطنط جميله اخبارك
جميله: الحمد لله
ليلي: طب انا ماشيه بقا ياجماعه عاوزين حاجه
ناديه: سلامتك ياحبيبتي
وذهبت
جميله: ربنا يباركلك فيها يارب بسم الله ماشاء الله ادب وجمال واخلاق
ناديه: يارب وميرنا كمان يباركلك فيها
جميله مقاطعه: ميرنا ربنا يهديها
ناديه: ليه اي اللي حصل
جميله حكت لها ماحدث
ناديه: ربنا يهديها ويهدي اللي زيها يارب تعالي يلا افطري معايا انا لسه مفطرتش انا ومحمد ومريم ليلي بس اللي فطرت بدري عشان عليها دروس
جميله: لا تسلمي ياحبيبتي انا ماشيه بقا انا كنت جايه اشوفك وامشي
ناديه: خلاص تمام ياحبيبتي
وذهبت جميله لبيتها
وذهبت ناديه لتنادي علي مريم وجدتها تذاكر
ناديه: يلا يامريم عشان تفطري
وذهبت لمحمد: يلا يامحمد
وخرجو وانهو طعامهم ولملمت ناديه الفطور ساعدتها مريم وقال محمد بصوت عال قليلا: انا نازل اصلي
ناديه: تمام يحبيبي
مريم وهي تلتفت لامها :ماما انا هبقي اخرج مع سمر النهارده
ناديه: ماشي يحبيبتي خودي فلوس وانتي نازله من الدرج
مريم: تمام هصلي واجهز نفسي
ناديه دعت لاولادها وذهبت لتصلي الجمعه وايضا مريم صلت وجهزت نفسهاوقالت لها انا نازله يماما عاوزه حاجه
ناديه :لا يحبيبتي سلام عاوزه سلامتك
واكملت: خدتي فلوس من الدرج
مريم: اه ،سلام
ناديه: هتتاخري
مريم: لا
وذهبت
-----------------------------------------------------------
ميرنا وهي تقعد في الكافيه مع صديقه لها تدعي ندي (ندي اكبر من ميرنا) حتي تضيع وقت حتي ياتي فارس وتراه
ندي: وانت بتعملي لي لكل دا وبتساعديه
ميرنا: فاس انا بحبه وهيكون ليا وعشان انا بحبه اكيد هساعدو وهو علي مااعتقد بيحبني هو احنا اصحاب من واحنا صغيرين بحسه بيهتم بيا بس لسه متاكدتش من مشاعره تجاهي بس هيحصل قريب
ندي: اه دا دا انتي واقعه خالص يابنتي
ميرنا: ايوه ،صحيح بقا قوليلي عملتي اي مع احمد صاحبك
ندي: اسكتي الله يحرقه طلع فشنك يقولي بحبك وهتقدملك واستناه كتير واعرف انه بعمل كده مع كل البنات ويسبهم سيبك منو
ميرنا: ربنا هيعوضك بواحد احسن منو صدقيني
بس انتي اصبري
ندي: اكيد يحبيبتي انا واثقه في ربنا ربنا كبير وهيعوضني
حتي سمعو اذان العصر
ميرنا: انا هقوم بقا عشان اقابل فارس
ندي :اوبا الله يسهلو ياعم
ميرنا: بس يازفته
ندي ضحكت وذهبت
وذهبت ميرنا واتصلت علي فارس ورد عليها وانهت المكالمه وانتظرته
حتي بعد قليل من الوقت اتي فارس
فارس:معلش اتاخرت عليكي
ميرنا بدلال وهمس: لا يحبيبي حتي لو اتاخرت هنتظرك طول عمري
فارس :بتقولي حاجه ياميرنا
ميرنا: لا ولا حاجه
واكملت نبدا في المهم
فارس :تشربي اي الاول
ميرنا: مش عاوزه حاجه لسه كنت قاعده مع صاحبتي وشربت لو عاوز تمام
فارس وينادي للنادل: 1عصير مانجو
النادل: حاجه تانيه يافندم
فارس: :لا
ميرنا: بص بقا الخطه هتبقا ...........................
فارس وهو يشرب عصيره: الله عليكي دماغك دي اي لا بصراحه ارفعلك القبعه شابوووو عليكي
ميرنا: شكرا
وقال فارس: تعالي اما اروحك وبعدين هروح لصحابي واروح بعدها
ميرنا: تمام
----------------------------------------------------------- انتظروني البارت الجاي☺️☺️
استودعكم الله الذي لاتضيع ودائعه☺️☺️
بحبكم في الله😘😘
في رعايه الله😍😍
ياجماعه والله كنت مقرره اوقف الروايه ومعتش انزل لان مفيش تفاعل خالص ودا شئ ميشجعش خالص اني اكمل ياريت يكون في تفاعل
أنت تقرأ
حلم عمري
Short Storyلا يستطيع الانسان مطلقا أن يتوقف عن الحلم.. الحلم غذاء الروح كما أن الاطعمة غذاء الجسم.. نرى غالبا خلال وجودنا أحلامنا تخيب، ورغباتنا تحبط، لكن يجب الاستمرار في الحلم وألا ماتت الروح فينا.
