بنت عمي

الجزء الاول

قبل 11 سنه
ساره جالسه تصيح
والد ساره: شوه صار  حبيبتي… ليش تصيحي
ساره ببكاء: ماحد يحبني باباه خلنا نرجع بيتنا ما اريد ايلس هنا
ابو ساره: ساره هذا بيتنا انتي شوه صار ليش تصيحي
ساره: لكن محد يريد يلعب معي… و و و
ابو ساره: شوه
ساره: سعد قالي  ان امي ما تحبني وخلتني وراحت تتزوج غيرك
حضن ساره بقوه وقال: لا تسمعي لكلامهم حبيبتي
بعد يومين رجع والد ساره وساره الي بريطانيا
…… ..
جاسم: يمه ليش بنت عمي ساره ما عندها ام
ام جاسم: عندها ام حبيبي لكن سارت عنهم تذكر مره جات اهنا من زمان خالتك مني تذكرها لكن تو من زمان ما جات معنا لا تتكلم عن هذا الموضوع قدام ساره
جاسم: ليش
ام جاسم: لان راح تزعل ساره انها تركتها وهي عمرها 5سنوات
جاسم:  فهمت لكن هي وايد دلوعه ما احبها
ام جاسم: لا تقول كذا يا جاسم  يمكن راح  تتزوجها يوما  من الايام لما تكبر ههههه
جاسم: مستحيل
…… ..
بعد مرور 11سنه في لندن
امنه (ام جاسم) :حبيبتي ساره يالله راح نرجع الي البلد الكل ينتظارنا  مر شهرين علي موت ابوك خلاص حبيبتي لا تزعلي ادعيله تمام يالله خلينا  نروح المطار
ساره بحزن : يالله 
بعد 6ساعات وصلت الطاره الي المطار ونزلت منها ساره وامنه
جاسم: الحمدلله علي سلامه  يمه
امنه: الله يسلمك حبيبي… ..
جاسم هو ينظر لساره: عظم الله اجرج
ساره منزله راسها: الدوام والبقاء لله شكرا
جاسم:  نمشي
امنه: خلنا نروح البيت ونرتاح… تعبانه وايد من ركوب الطايره يالله يالله
بعد ساعه ونص وصلت ساره وامنه وجاسم الي منزل جدها… اخذت ساره تتذكر مجاءها الي منزل جدها قبل 11سنه هي ووالدها دمعت عيناها… .نظر جاسم لها وراها تبكي اشار الي والدته… .انتبهت امنه الي بكاء ساره
امنه:  ساره حبيبتي ليش تصيحي الحين قلتلج خلاص انسي وعيشي حياتج تو نحن اهلج ادعيله تمام حبيبتي اعتبريني امج وهذا جاسم ولد خالتج اعتبريه نفس اخوج وصديقج تمام
ساره تمسح دموعها:  اوكيه
امنه :يالله علي غرفتج عشان ترتاحي
دخلت ساره وامنه الي الفيلا استقبلهم الجميع الجد:  ساره بنتي كيف صحتج الحين
ساره تتقدم الي جدها وتقبل راسه ويده
ساره ببكاء وهي تحتضن جدها: ماني بخير جدي ابوي مات ..مات محد بقالي كلهم تركوني
الجد قاسم:  ساره بنتي هذا قضاء وقدر لا اعتراض علي قسمة الله ونحن عندج ليش تقولي كذا
الجميع ادمعت عيناه ما عدا جاسم الذي ينظر ببرود لها انسحب جاسم الي غرفة المكتب
الجد قاسم:  رقيه خذيها لغرفتها عشان ترتاح شوي
رقيه(اخت جاسم) وهي تتقدم الي ساره :يالله حبيبتي ساره
اخذتها الي غرفتها ووضعتها في السرير وتركتها
ساره ببكاء :ليش يالله خذيت ابوي ليش هو الوحيد الا باقلي… .امي تركتني وانا صغيره ابوي مات الحين
……
بعد 3ساعات
امنه تتحدث علي الهاتف: مني ما تريدي تشوفي بنتج هي وايد زعلانه علي موت ابوها محتاجتلج
مني: امنه انتي تعرفين عدل وضعي وما اروم اجي ولا اخذها معي وبعدين هي كبيره الحين تروم تدبر نفسها
امنه: وين ساره كبيره البنت عمرها 21 سنه بس ولو الطفل يكبر يظل محتاج امه وحضنها انا صحيح خالتها لكن ما اعوضها عن حنانج
مني:  ما اروم اجي محمد راح يزعل تعرفيه ما يعجبه اطلع من البيت
امنه: ليش قلبج قاسي علي بنتج هذي بنتج
مني بصريخ: بنتي بنتي… انا اصلا ما كنت اريد اسوي حد يوم سويتها ابوها اصر  اني اسويها قلتله راح انزلها لكن ما طاع وحياتي كانت فخطر يوم حملت فيها لكن بدل ما يهتم بحياتي كان هامنه بنته والحين وينه خليه يهتم فيها انا ماابيها خلاص ما ابيها ولا ابي اشوفها ولا تهمني اصلا الا بنت
امنه: حرام عليج يا مني تقولي كذا هذي بنتج الا بنت هذا ما بشورها وجيتها بعد ما بشورها لكن تعرفي ما منج مني انا ابوها يوم بغي بتزوج قلت اختي اولا من الغريب وراح تستانس لكن ما دريت انج طماعه وتحبي الفلوس يوم دريتي انه ترك كل شي وابوه ماراح يعطيه شي من الفلوس تركتيه وتركتي بنتج
مني:  وانتي كنتي متخيله اني بعيش بعازه وفقر طول عمري كنت عايشه معززه ومدلله والحين تريديني اعيش بالفقر واسكت
امنه: الفقر ما عيب وبالاخير اصلا كان ابوه بيرضي عليه كان بس بهدده ويخوفه عشان يرجع البيت لكن انتي بتسرعج هدمتي كل شي بدل ما تقنعيه يرجع تركتيه ..طول عمرج تحبي المظاهر والفلوس وانا لين اليوم ندمانه اني زورجتج اخوه ابو جاسم لكن خلف هذي البنت وانا راح اهتم فيها واعيشها احسن عيشه وبعوضها عنج وعند الحرمان الاشافته
مني: بنت الفقر بظل طول عمرها بنت فقر لو نظفتيها وتعطرت باغلي العطور انا اقول ربيها يمكن احد يرحمها ويطل بوجها ويتزوجها عشان ترتاحي منها
امنه: بزوجها ولدي وبيعيشها احلي عيشه بغززها وبكرمها وبدللها… .مع السلامه يا يا اختي
مني بغيض: مع السلامه
اقفلت الخط وزفرت بضيق
مني:  اوف… شوه ردها هذي اوف
……
امنه  تخبط علي غرفه المكتب
امنه: عمي .. جاسم اريد اتكلم معكم مشغولين
الجد قاسم:  دخلي يا امنه شي صاير
امنه: فيه موضوع اريد اتكلم فيه معكم
جاسم:  خير يمه فيه شي
امنه: الصراحه يا جاسم اريدك تتزوج ساره