بنت اكابر ( ثار) [مكتمله]

9

#بنت_اكابر

9
👑اللهم صل وسلم وبارك علي نبينا محمد👑

. كانت الاحداث هادئه في بيت السلماني.
ولم يحدث جديد سوي بقاء دهب في غرفتها لترتاح لان الطبيبه امرتها بالا تقف علي قدمها لتشفي سريعا

كان شبل يتناول الطعام معاها في الغرفه .رغم اعتراض امه

ولكن الشيخ وقف لها : هي مرته ومن حقها عليه يراعيها

ام شبل: بس ده الكبير .

وقف الشيخ بغضب: مين ده الكبير .انتي جنتي

ام شبل: اسفه يا شيخ. بس شبل هو الكبير بعدك . ولازم يقف معاك في كل شئ

الشيخ السلماني : وهو مش مقصر . بس من حقه ياكل مع مراته .ويراعيها . ده حتي ياخد ثواب. وله انتي عشان بتكرهيها

سكتت ام شبل ولم تتحدث

الشيخ السلماني: انا مش صغير ولا تخفي عن خفيه . بس ان مش راضي اقسي عليكي . راعي ربنا في بنت الناس . زي ماهما بيراعو ربنا في بنتك

........................

في بيت الراضي كان يونس يجلس بجانب ماسه التي مازالت تنام بفعل الحقنه من الامس.

وجهها ما زال شاحب ولكن لم تعد تتقيا وتبكي من الالم.

فتحت عينها لتجده يجلس علي سجاده الصلاه يصلي.

. جلست علي الفراش لتحاول ان توزن نفسها لانها تشعر بتعب وارهاق في جسدها.

انتهي من الصلاه ليسمع صوتها : تقبل الله

ابتسم بفرحه ووقف سعيدا لينظر لها بسعاده. . كانت عينه تلمع بطريقه جميله جعلت قلبها ينبض بحب

يونس وهو يقترب منها : كيفك دلوقت
ماسه : الحمد لله. بخير
قبل جبينها : سلامتك
ماسه: الله يسلمك من كل شر

جلس يونس بجانبها : حاسه بحاجه تعباكي

وضعت راسها علي صدره ليضمها بحنان

ماسه: كنت هموت يا يونس
يونس: بعد الشر عنك .. ربنا يحفظك ويحميكي

ماسه صمتت وراحت تفكر في ما حدث .

طول اليوم كان يونس معاها. لم يتركها . رغم انشغاله بامور قبيلته ومشاكلهم ولكنه ترك كل شئ لاجلها . وهذا زاد قيمته في قلبها. وغلاوته

في اليوم الثاني استعادت ماسه عافيتها

لتقف علي قدمها مره اخري .

يونس: ماسه ارتاحي ومتتحركيش
ماسه: صدقني يا يونس انا بخير. وصحتي عال. الحمد لله.