Untouchable

KPerstaym

Noong una palang kitang nakita, alam ko nang may patutunguhan ka sa buhay ko. Alam ko nang magugustuhan kita. Alam kong mamahalin na kita.

Ang gwapo gwapo mo kase. Matipuno. Gentleman. Hearthrob. Mabait. Maangas. Yung tipong may pagkabadboy? Iilan lamang diyan yung tipo ko pero nung nakita at nakilala na kita, biglang nagbago.

The first time I saw you, totoy ka pa noon. Payat pero syempre gwapo na. Ang cool mo lang. Napakacomfortable mong tignan. Yung tipong titigan mo lang ako e, kusa ng nagdadrums yung puso ko. Iba ka kase. Ang lakas ng appeal mo.

Minabuti ko ng sulyapan ka araw araw. Para naman mawala yung pagkamiss ko sa'yo.

Sa tuwing ngumingiti ka, hindi mo ako binigo. Napapangiti mo rin ako. Yung tawa mo? Sus, para akong nasa langit. Ang sarap pakinggan. Kinikilig ako. Seryoso.

Oo, seryoso ako sa yo. Alam ko namang seryoso ka saken e. Ayokong mawala ka. Gusto ko akin ka lang. Gusto ko sayo lang ako. Pangako. Pag-aari mo lang ako.