رجعنا البيت وطبعا ماما ماوقفت بكى عشان اول شي نسمه وتاني شي بابا كان نفسها يكون معانا💔المهم اخدنا بكيتنا وطلعت فوق😹👋🏻النوم واجب ي جماعه والله
لقيت لين بتتكلم بي التلفون
لين:ياخ لي ماكلمتني لي اتفاجاه انا؟
....:..........
لين:ياخ ماسبب
.....:........
لين:ياخ كان حلو 🥺
انا:هو شنو
لين:انت كمان اسكتي مني
انا الشمار حرقني طبعا😑
لين:خلاص طيب طيب تمام باي
......:......
لين:مازعلانه عاوزه انوم
قفلت وبقت تطنطن
انا:هوي في شنو
لين:ياخ لي يعمل كدا بدون مايرجع لي
انا:هو منو
لين:الزفت منو غيرو محمد
انا:مالو
لين:فكى التقويم🥺💔اتخيلي
انا:اها ويعني
لين:كيف ويعني دي احلى شي فيو
انا:ي بت انت هبله او شي😹
لين:ياخ اسكتي مني
انا:الله يهديك ..وبعدين تعالي هنا انتوا مرتبطين
لين:لا لي
انا:كيف لي وانت بتتعاملو زي المرتبطين
لين:اناقلت ليو خلينا اصحاب بس وبعدين يعني ...
انا:اها شنو
لين:ياخ ماعارفه حبيتو وماعارفه اجيبها ليو كيف وهو اكيد للان لقى غيري
انا:حبيتيو وانااخر من يعلم😑💔
لين:ياخ مالاقيه تفسير غير حبيتو اعمل شنو
انا:طيب الصباح بنتفاهم اسي عاوزه انوم😴👋🏻
لين:اصلك تافه قدي
انا:والله احلها ليك الصباح😹💔
المهم نمنا وصحينا الصباح الساعه12😹💔لقينا ماما وخالتو ابتسام وهبه خلصو اي شي😐
انا:لي ماانتظرتونا
ماما:لي الظهر لكن😒
لين:كان تصحونا ي خالتو
هبه:اسي مافات شي تعالو ضايرو المطبخ
انا:سمح بعد نفطر ونشرب الشاي
ماما:هبه كلمي البنات الشعالت يحسبو المطبخ معام ديل ماعليم مسؤليه
انا:😹💔لي كدا ي سمسم
ماما:نفسي اعرف لماتعرسو حاتعملو شنو
انا:ننوم😴💜
لين:اناجعانه🐸ماوقت عرس اسي
المهم عدا اليوم ضايرنا واتونسنا وبقينا نزكر في جن نسوم وكدا
عدت الايام ونزلنا جامعه
عده السمستر حلو شديد وكونا شله ظااابطه في الجامعه اصلا اغلب الوقت اناولين برانا ومرات معانا شهد يلا شلتنا كانت عباره عن اناولين وشهد وفيحاء وابراهيم ومازن
المهم اغلب الوقت بنطلع وبنكون في الجامعه سوا وكدا
المهم يوم رجعت البيت وكان معانا خالتو ابتسام وعمو عمر
انا:هاي هاي
ماما:وعليكم😒
انا:خلاص معليش ..كيفكم
عمو عمر:تمام ي بتي تعالي النشاورك
انا:طوالي عاوزين تتشاورو في الغدا ولاشنو😹💔
خالتو ابتسام:ي بتي انت همك كلو الاكل والنوم😹
انا:اصلا احلى حاجتين
عمو عمر:عاوزين نشاورك في موضوع عرسك
انا:عرس منو
عمو عمر:عرسك انت
انا:انامالي
عمو عمر :ي بت ركزي معاي عرسك انت واحمد
انا:كيف يعني مافهمت عاوزين تعرسو لي احمد؟
ماما:ميارماتتغابي😒💔
انا:طيب وحده وحده فهموني
عمو عمر:ي بتي ابوك وصاني اناواحمد انو مانديك لي غير احمد
انا:طوالي ازكرت وصيت بابا وقلت ليم لكن ي عمو اناوواحمد اخوان واحمد ماشايفني غير كدا
خالتو ابتسام:ي بتي احمد ماعندو مشكله
انا في اللحظه ديك سحت😳
كيف كيف يعني احمد موافق هو ماشايفني غير اختو وهو اصلا عندو وحده في راسو واي ياخ
خالتو ابتسام:اها عاوزين رايك واصلا كدا كدا ماحانلقى احسن منك لي احمد
عمو عمر:وانازاتي شايفكم متفاهمين🖤
انا:اي ي عمو متفاهمين بس اناواحمد اخوان بس
ماما:ي بت ماتقولي اخوان انتوا ماراضعين على بعض
انا:بس ي ماما
ماما:ماماما ولاشي ي بت دي وصيت ابوك لازم تنفزيها ولاحتى في تربتو ماعاوزه تريحي
انا:لالا ي ماما ماكدا بس لكن...
طيب برد ليكم بعد الامتحانات
عمو عمر:ي بتي بعد امتحاناتكم عاوزين نعقد ليكم لانو احمد لازم يمسك شغل في لندن ومابقدر يضيع فرصه زي دي وكلها سنتين بس
انا:كيف يعني يعني حانسافر لندن؟وماما؟نخليها براها لالا ماممكن
ماما:ي بتي بيت ناس عمك جنبي يعني ماف عوجه
عمو عمر:وبعدين كلها سنتين بس
انا:لالا كيف نخليك براك اسي الله لاقدر او حصل ليك شي اناونسمه الاتنين نسافر لالا طبعا
ماما:ي بتي نسمه حاتجي تقعد معاي لمن تحضر ورقها وتسافرر
خالتو ابتسام:وتاني حاتجي تقعد معاي في البيت اصلا عمك بكون في شغلو وبجي متاخر ومحمد معا الجامعه واحمد مسافر بكون براي تحي تقعد معاي
ماما:والله خالتك ابتسام مصره عشان كدا فعلا حااقعد معاها
انا:يعني انتوا اوريدي محضرين لي اي شي خلاص طيب ماف مشكله المهم وصيه بابا🙂عن اذنكم
وطلعت فوق راسي جااااط شدييييد كيف كيف يعني احمد موافق احمد عاوز وحده تانيه كيف يكون عاوزني واي ياخ اكيد عمو جبرو عشان وصيه بابا لكن وصيه بابا لازم تمشي طيب اها العمل؟
طوالي شلت التلفون ضربت لي فله
فله:زفتويتي🥺🖤اشتقنا ي مرض
انا:في عينك امبارح كنت بتكلم معاك😹💔
فله:برضو اشتقنا😒🔪
انا:فله انغظيني راسي ضرب
فله:بسم الله مالك
انا:جيت من الجامعه لقبتي عمي .......الخ وحكيت ليها كلو
فله:واااي كضابه🥺💜يعني حاتعرسي احمد بعد رابع وطيب انت زعلانه لي مش بتحبيو😒
انا:اي بس ماف زول غيرك انت ولين ونسمه عارف واحمد مفتكرني اختو بس وبعدين هو اصلا بحب وحده تانيه
فله:لو بحبها ماكان قبل بيك
انا:ي غبيه وصيه بابا واكيد عمو جبرو
فله:اي صاح عايني اتكلمي معاو وقولي ليو ماضروري يعني لو رافض وكدا كانو انت ماعاوزه وحسسيو بي كدا عشان مايتجبر لكن بيني وبينك لو هو م موافق ماكان ادا الاوكي بتعتو
انا:اي خلاص بتكلم معاو
فله:والعرس بعد تخلصي
انا:لا😕
فله:اهامتين
انا:بعد شهر ونص يعني بعد الامتحانات طوالي تقريبا
فله:واااي ي ميار حاتعرسي من غيري😭💔
انا:اسمها حايهون عليك ماتجي عرسي
فله:وااي ماعارفه لازم لازم اجي ياخ😭💔
انا:طبعا🐸والاماحااعرس اصلا
فله:اسي حاتخلي احمد عشاني😉
انا:لاطبعا😹👋🏻
فله:تافه عرفتك😹💔
المهم دردشنا كتيييير ولماانتهيت ضربت لي احمد قلت ليو يجيني بكرا في الجامعه قال كويس
المهم تاني يوم حكيت لي لين من الصباح وبقت تزغرد🙂💔معليش اعزروها عندها سلك فاصل
انا:ي حيوانه اتلهي😒
لين:وااااي اخيرا ي ميار 😹💜
انا:انازاتي مبسووطه شديد بس احمد ياخ🐸💔
لين:اتكلمي معاو وشوفي رابو
انا:اي وجاي الليله
لين:محمد جاي🌚
انا:ياخ ماوقتكم
لين:انت وعتيني تتصرفي لي
انا:واناعن وعدي😹🖤
لين:يلا اسي انبسطي ي عروس
.....:دي منو العروس
لين:لمور😹🖤ي شهد حاتعرس
شهد:واخيرا وحده فينا بورتها حاتفك😹🖤
انا:بايرات براكم انامابايره😌👋🏻
.....:عان بدت تفتري
انا:بسم الله😹جيتي متين
....:اسي بس سامعاكم بتلعلعوا
لين:حرام عليك ي فوف مالي الدرجه دي😹🔪
فيحاء:لالا والله واكتر😹💜
المهم حكيت ليم وشهد ولين المساطيل يزغردو
المهم بقو يتكلمو عن عرسي وكدا
انا:كدي استكينو خلوا العريس اتكلم معاو الاول
فيحاء:ي زوله عمك قال وافق خلاص مبروك😹🖤
المهم دردشنا لي نهايت اليوم انتهى اليوم واحمد اتصل علي
انا:احم اي ي احمد
احمد:اناوصلت انت وين
انا:في الكفتريه😅
احمد:طيب جاي عليك😹
