💔عمري ضاع💔

❤المقدمة ❤



هادي حتكون بدال رواية دعاء المظلوم تعويض عليها لان زي ما قلتلكم البنت ما حبت تعطي قصتها لان صارت معها ظروف ما قدرت تبعت قصتها 💔💔 بس رواية هادي حتكون اقواء منها وحتعيشوهاا  لعند 2020💔
.
.
.
.
.
في سنة 2009  في شهر 5 يوم 10 كان اليوم عرسي بعد علاقة دامت سنتين او بمعني مخطوبين  ...
يوم الاربعاء اخر ليلة في حوش اهلي كنت طبعا فرحانه ونستني في الايام يلي،بنعيشها مع راجلي لان كنت نحبه ومش متخيلة يوم بدونه كنا طول وقت نحكو كل دقيقة وكل ساعه فهمين بعضنا هلبا وكذلك نعرف حتي شن يبي من غير ما يتكلم كإن روحي التانيه
.
.
ساعه 3في ليل 😂❤
مراد :اهللااااا بعروستي

ياسمين :اهلين فيك حبي ❤🙈

مراد :اخرلك ليلة مع اهلك وتي روحك لي غدوة الليلة ليلتك يا حلوة 😂😂😂

ياسمين: ياسمين تضحك عليه لان تعودت علي بصارته .... تحشم عيب جنبي بنات  🙈🙈😂
مراد :باهي باهي اليوم نسكت لكن غدوة يا ويلك مني 😂😂😂

ياسمين ميته ضحك عليه وبنات كانو يسمعو فيه وميتات ضحك 😂😂😂😂
كلهم عارفين جو مراد يلي اقعمز جنبه اموت من الضحك لان كان دمه خفيف وجوه حلوة والكل كان احبه كان طيب وما يحب يتعارك مع حد واخاف ربي ❤ اهم شي

فاتت الليلة عليهم كلها ضحك وما رقدو لا صبح ساعه 6 ناضت دوشت وتوتي روحها بتمشي للمزين ❤
.
.
.
نعرفكم بالبطلة الرواية معانا ❤
ياسمين :مواليد 89 انسانة متواضعه ومتخرجة من كلية اللغات بيضة هلبا وعيونها كبار ورموشها محلينها كانو طوال  كانت حلوة بس مش،هضاك الجمال🙈 هكي نشوف كنت في روحي بس الناس لا كانو اقولولي حلوة🙈❤ ع مهم  انسانه عادية عندي  اخت اكبر مني متزوجة وتلات خوت اكبر مني كذالك متزوجين وكل واحد عايش بعيد علينا  ...
ما علينا منهم لان مش،مهمين  ....المهم ان ياسمين كيف عااشت حياتها والظلم والايام لعشته لعند سنة 2020حتعيشو معها بالتفصيل لان قصة مؤثرة وااااااجد واقواء قصة تجني اليوم بذات ❤❤❤
.
.
.
ياسمين تزوجت وعايشة احلي ايام زي اي عروسة كان مراد مدللها لان كان اموت فيها وغير شن تبي حاظر دهور بيها مناطق ليبيا يلي كانت خاطرها تشوفهم فاتو 9 شهور وهي متزوجة وما حملت من مراد بس كانت مخليتها ع ربي امته ما يسخر ربي ومراد كذالك ما كان يزعجها امته بتحملي ووو... لان كان مؤمن بربي هلبا ....
في سنة 2010 جاني خبر وفاة ان راجلي توفئ 😱😱😱😱😱
يا سمين  دخلت في حالة صدمة وعياااط مش مستوعبة ولا مصدقة دخلت في حالة نوض من نومي ونرجع ندوخ من جديد لا ناكل ولا نشرب ولا شي تلات شهور وانا عشت ع تغذية وبس من حالة الصدمة 😭😭😭😭😭💔

هل حتلاقي شخص اعوضها عن مراد وانسيهااا؟؟!! 😳❤
.
.
.
يتبع
تاااابعووووهاااا رواية وااااقعية واقواء قصة تجني اليوم من خاص لايكتكم وتعليقاتكم تشجعني نكملها رواية ❤❤❤