قصة اليوم لا هيَ رعب ولا حب ولا خيالية ولا....
قصة اليوم شلون تعرف على اعز صديقتين💛..واحلى صديقتين💛.. يلا نبدي
يلا....
رح ابدي من جنت كلش صغيرة....من جنت صف اول ابتدائي مجنت احب اختلط ابد ماحب احجي وية اي بشر..هيج اني هذا طبعي ... ومجان عندي اي صديقة لحد ما صرت صف اول متوسط واني بعدني وحيدة... بيوم من الايام جنت كاعدة برَحلتي بالصف يعني
جان تفوت من يمي بنية اسمهة ابرار اول ما فاتت للصف وهيَ مبتسمة وتضحك وتضَحِك الكل وياهة اخذت نظرة عليهة حبابة وتحب تضحك وها جانت شقاوة هم ههههه.......ف ابرار كامت شوية شوية تتقرب
يعني تجي تسألني هذا السؤال شنو جوابة
او تجيني هلو شلونج هيج شي
جانت تجيني تسلم وتكعد تسولف وتسولف واني بس اسمع لان ماحب احجي ولا اضحك حتى..
شوية شوية ابرار كامت تتقرب اكثر مرة اجتني لابسة مناظر كبار.. كلتلي هلووو ..كلتلهة شنو هاي طالعة عبالك قرد ههههههه وهيَ كل عقلهة ضاجت😂😂
وراها كمت اني هم اسولف وياهة يعني هيَ تحجيلي نكت اني احجيلهة مواقف بعدين صرنة صديقات صرنة نطلع سوة ناكل سوة نسولف سوة.....
مجنت اتخيل انو بيوم رح تصير ابرار صديقتي لانو كلش تختلف عني ..وعلى فكرة قبل فترة اعترفتلي بشي كالتلي اني جنت اجيج بحجة سؤال او شي بس حتى اسولف وياج وانتي مثل الصنم متحسين كلشي ماكو😂😂😂😂😂😂
نكمل..
ابرار تحجيلي عن خواتها او اخوانها وحتى عن ابوهة امهة..صرت اعرف كلشي عنهم
واني هم حجيتلهة🤭
بعديييييين صرنا كلش قريبات يعني ("بيست فريند")
واخيراً نجحت من الأول اني وابرار رحنة صف ثاني😁
اني كعدت بالرحلة الأخيرة وابرار صارت كدامي يعني قبل الاخير ...
اني كعدت يم وحدة اسمهة بتول معقدة متضحك متسولف النوب اني صرت مثل ابرار اسولف واضحك هواااي ف هاي شلون رح اتأقلم وياهة😅😅
ابرار تندار علينة هلوووو شلونكم وتضحك وتسولف
وبتول هيج 😐 او هيج😒 هاي تعابير وجههة🤣
يعني نكدر نكول مثل الصنم🙊🤭
وراها كامت شوية تضحك ويانة وتسولف بس مو هواي يعني مرات تشارك وعرفتني ع اهلها نفر نفر وبعدين كامت تحجيلي اشياء تضحكني..صرنا صديقات بس مو كلش قريبات يعني نسولف بس مو هواي... ف بيوم صار ابيتنة مشكلة ... وكلش انقهرت رحت للمَدرَسة واني دمعتي بعيني طبيت للصف بعدني مكعدت بالرحلة وبديت ابجي بتول كعدتني وتريد تفتهم شبية ماكدرت احجي لساني عبالك نربط حاولت تهديني.. تكولي ميخالف..هديت شوية حجيتلهة الي صار
هنا بس عرفت بتول شلون بنية حبابة وتعرف شلون تهدي الوضع...حبيتهة كلش وحبيت طريقتهة بالحجي
بديت تقريبا اسولفلها كلشي يصير بينة...وراهة كمت اسولفلها كلشي يصير حتى لو شي مالة داعي...وهيَ هم نفس الحالة تسولفلي عنهة وعن بيتهم وشيصير ميصير
أخذت رقمها صرت يومية احاجيهة حتى لو ماعدنة دراسة بس اسلم عليهة وهيج
وهيَ هم تسأل علية واخذت رقم ابرار هم
وكمنة نسولف بشكل يومي💙💙💙
.
.
.
.
.
هذا البارت ١
ان شاء الله اكتب البارت ٢ باجر أو ورا
احبكم كلش
ام الزوز 💛🤍😇
