القدر والنصيب تحت سقف الحب

البارت الرابع والعشرين

البارت الرابع والعشرين💞القدر و النصيب تحت سقف الحب💞#بقلم_برنسسN

اخذت أغراضها و رحلت

و هو أيضاً ذهب و أخبر العميد بتحمس و تجاوب الطلاب معه من اول محاضره ثم ذهب الي تلك الجالسه داخل السياره تستشيط غضباً فتح باب السياره و جلس بجورها بابتسامه

همسه بغضب : قولي بقي ازاي تخبي عليا حاجه زي دي ايه شيفني عيله زي ما قولت امبارح باليل نادر انطق خبيت عليا ليه

نادر بابتسامه : حببتي اهدي بس هقولك كل حاجه بس اهدي

همسه : شيفني بشد في شعري كل اللي طالع عليك اهدي اهدي

نادر : خلاص بقي يا همسه اسمعيني اللي حصل ان سيادة العميد كلمني و طلب مني ارجع ادرس في الكليه تاني

همسه؛ هو انت كنت بدرس اولاني

نادر : اه انا من بعد التخرج اتعينت في الكليه علشان كنت جايب امتياز و طالع الاول علي الدفعه و طبيعي اتعين و بعد فتره الشركه كانت محتجاني فاخدت اجازه لان حيتان السوق وقفلنا شابين لسه متخرجين مسوالين عن شركه رأس المال بتعها في السوق ملايين فالكل اجا علينا و قالوا لقمه ساهله كان لازم نسيب كل حاجه و نشوف شركتنا الاول و اللي حصل  العميد كلمني تاني يوم ما رجعنا من السفر بس انا كنت متردد و لما روحت النهارده حطني قدام الامر الواقع
فلاش باك🎞️🎞️🎞️🎞️🎞️🎞️🎞️

العميد : اخر كلام يا نادر هترجع تاني تدرس ده حلمك و انا سبتك زمان لما وعدتني انك هترجع تاني و اظن انك كبرت و تقدر توفق بين شركتك و التدريس هنا

نادر : تمام يا فندم بس انا مراتي طالبه هنا و لسه متعرفش حاجه و اني هدرس في الكليه و الدفعه بتعتها بتحديد

العميد : دي نقطه تانيه انا مش عايز حد يعرف ان مراتك طالبه هنا لا دكاترة و لا استاذه و طلاب حتي هي متقولش لحد و لو في حد قريب منها يعرفك ميقولش

نادر بتسأل : طيب ليه

العميد : لان دا هيشتت الطلاب هيفضلوا عنيهم علي الاستاذ و مرات الاستاذ اللي هي زملتهم و غير كده هيسببلها ازعاج من نظرت الطلاب طريقة الكلام انتا فاهم يعني طالبه متجوزه من استاذها طيب كلمي الاستاذ ميخصمش درجات لا يا بختك بالاستاذ و كلام بنات كتير ممكن يزعجها و لو تفوقت يبقي اه لان جوزها الاستاذ

نادر : تمام يا فندم فهمت بس اكيد حضرتك عارف اني مش هميز همسه علشان مراتي

العميد : اكيد فاهم و واثق في دا انتا انسان محترم و انا بثق فيك علشان كده طلبتك بنفسي

نادر : تمام يا فندم انا هبداء امتا

العميد بابتسامه : حالاََ

نادر : بس كده مراتي هتتفاجا و ممكن تقول اني جوزها من غير ما تعرف و كمان ممكن تزعل

العميد : الشغل شغل و هي المفروض تدعمك و ان كان علي موضوع انها تقول مش هتلحق لان انت هبداء المحاضره و انا جاي معاك بنفسي يلا بينا