حب جامعي (باللهجة العراقية) (مكتملة)

Part_4

حب جامعي (باللهجة العراقية)

راح خالد وصلت الباب ردت افوت جان انسحل من شعري ونشمرت بالطارمة شفتة رشيد

رشيد :من كتلج اشعندج ويا هاذا كتيلي معندي شي وياه يوصلج ويلزم ايدج بنت.... انعل........... لأبو............ ك......

مريم :بس خلي افهمك.....

رشيد ضربيني ضرب بعمري منضربت هيج قبل بالحزام والدفرات والسحل لحد ما جسمي خدر امي مجانت موجودة بالعيادة بس اختي ميس ماتت من الخوف خطية... بعد ما متت من الضرب شمرني بالغرفتي رحت عل الجرباية من كثر الام غفيت لحد ما انفتح الباب واجت امي.

ليلى ام مريم :انتي شلون اتخونين ثقتنة بيج يا قليلة الادب عليمن اطلعين اكيد على ابوج استاذ وائل..... انطيني موبايلج والتابلت واللابتوب وينهن.

مريم :امي بس خلي افهمج الله يخليج.

ليلى ام مريم :بلا حس وينهن كولي... ها وطلعة من الغرفة ماكو . 😡

راحت امي وآني جان ضني بأمي هية الي راح تفهمني....كمت من الجرباية للمراية اباوع الوجي عبارة من دم وزراك مورم من كثر الضرب.....
-------------------------------------------
بعد اسبوعين من الحبس داخل الغرفة صار عادي اطلع من الغرفة وآني طالعة سمعت صوت امي تحجي بالموبايل وتضحك صار عندي الفضول..

ليلى :حبيبي مشتاقتلك كلش هواية صارلي يومين مجاية للدوام عبالك صار سنة علوشي انتة حياتي بدونك متسوى

. الصدمة جانت كلش قوية امي هاي هيج تسوي فتحت الباب بقوة وعلى السريع.
مريم :مامة ماتوقعت منج هيج انتي أولادج بعمر الزواج وانتي تصاحبين انتي آمي قدوتي طلعتي اسوء من ابوي على الاقل ابوي لما تركنة جان منطر أمة انتي لا ليشششش بس كوليلي 😭😖

ليلى :مريم هاي حياتي وآني حرة بيها واذا سمعت هاذا الكلام موصلتة الرشيد مراح تشوفين خير ماشي

مريم (بعيون مليانة دموع) :انتي لا امي ولا اعرفج ولا تخافين رشيد مراح يدري عن اذنج.... طلعت للحديقة حتا اشم هوى اختنمت كلش وآني وامشي اجة رشيد و بنت تحجي ويا

ريناد :ليش ما تكول الاهلك احنا متزوجين ترة تعبت اشوفك بالختلات

رشيد :ماشي حبيبتي الله كريم هسة انتي روحي ماشي

هوة ودة يفوت شافني كلي

رشيد :اشعندج واكفة هنا.

مريم :ولا شي دة امشي بالحديقة عفتة ورحت الغرفتي

.......... (بعد مرور اسبوع)...........

اجة رشيد يكلي مريم حضري روحج لان اجوج. خطابة أيسر أبن بيت ام رياض

مريم :منو كلك اريد اتزوج.

رشيد :رفضي علمود ادفنج حية اذا ما وافقتي تعرفين شنو راح أيصير. 😡

راح رشيد بعد ساعة من التهديدات

وآني امشي حتا اروح لغرفة اني سمعت َميس أتكول بالتليفون حبيبي آني اموت عليك انتة حياتي كلها ردت اتخبل سويت نفسي ماسمعت ورحت الغرفت آمي

مريم :مامة الله يخليج قنعي الرشيد ما اريد اتزوج.

ليلى :مريم اني ام واعرف مصلحتج وايسر خوش ولد يستر عليج

مريم :اني ماسويت شي بحياتي غلط حتا يستر عليك حرام عليكم ما اريد اتزوج افهمووو
ليلى :اسكتي ولا تطمطمين اغلاطج

مريم :اني الي حياتي بس اغلاط لو انتو ابوي متزوج قبل ١١سنة واحنا مدري بعد ما اطلقتو يجي كل أسبوع خمس دقايق مشفت حنان امو ولا اب وانتي مغرمة بشخص عمرة بالعشرين وابنج متزوج بالسر وبنتج عمرها متجاوز ال١٤ تخابر شخص غريب بالموبايل عمري مغلطت آني انتو الي كلكم اخطاء 😖

ليلى :طرراخخ 👋👋............

Dijla12murad. بقلمي