خارجة من دارهم وتودع في امها وباباها وحاسة نوع اخر مرا راح تقابلهم ودعتهم ودريكسيون لمطار وصلت وهبطت تجري تلقا ألين تسنا فيه ومتغششة...
ألين: وينك يا بقرة عندي ساعة وانا نسنا فيك بحال اول مرا غادي نروحوا خفي حاتفوتنا الفوايج
أرمين: ياا شحال تهدري عمي صالح (تقوللها عمي صالح بسكو هي عاقلة عليها ورزينة 😅) اي روحي برك ازربي
راحوا لبنات وطلعلو في طيارة وفي نفس لوقت
راسيل: شوف فيدك 10 دقايق تكون هنا ولا ني رحت (يكلم في تليفونوو مع أرسلان)
أرسلان: صايي برك راني وصلت علاه متقلق اصاحبي عيش الحياة الحلوة السعيدة طيط طيط طيط (اكيد سكر عليه تليفون هههه أرسلان شخصية مرحة ويضحك عكس راسيل تماما)
طلعوا لولاد كيف كيف مي لقاو بلايصهم مشي كيف كيف او وهوما وزوز بنات وحدهم في جناح هذا لغالين بسكو كلهم من طبقة راقية
(اكيد عرفتو شكون لبنات)قعدو لبنات حدا بعض وسكتو قالو سير غلطونا وقف راسيل فوق راس ألينا
راسيل: إإإي انتيا نوضي من هنا
ناضت ألينا وبعدها أرمين
أرمين: اولا مشي بلاصتك 😤ثانيا احترم روحك واعرف مع شكون تهدر وثالثا اي قلع من هنا لا نديفورميك خي حالة خي اقعدي نتي مشي لي يجي يقلك نوضي تنوضي
راسيل: شوفي هادي بلاصتي وحا نقعظ فيها بلملاحة ولا بلقباحة عجبك ولا ماعجبك حاجتك خصني غير لفروخ نهدر معاهم😒
الينا ناضت خافت وقتلها اقعدي ولا ارواحي بدلي معايا قتلها نقعدلوا هنا على قلبوا قعدت معاه...
باعد ما طلعت طيارة وهي وقتها طويل رقدت ارمين وطاحت على ايد راسيل وهو تلفتلها اول ما شفها حس بحاجة غريبة اول مرا يشوف زين كيفاها تبان عاقلة وفي نفس لوقت قوية ولسناها طويل اكيد باعد مدة ناضت ارمين اكيد كرشها( تماسيح بطنها تزقزق😅) تلتتلو قاعد رجل عن رجل حاكم محلة في يديه باينة وهرة وهداك لكور وزين وهي بقات باهتا فيه فقلها حب يديرلها بلعاني دا شعروا للورا وتبسم شوي هي مع ديك تبسيمة راحت للعالم اخر وضحكت معاه تلفتلها راسيل: واش كشما ديعتي في وجهي😬
ارمين:لا والوا محلاك برك باعظ فقت للروحها شا قالت حطت يدها عن فمها باعد قتلو نن والوا غير متديها في روحك بزاف حط رجلك في لرض لا طير 😉
راسيل: 😒فرخة
ناضت طلبت ماكلة جبولها كلات ورجعت قعدت شافت تليفونها بقات تلعب ودير في صوت هو تقلق قلها
راسيل: نقصي صوت افرخة😑
ارمين: نن احيط 😌
راسيل: تهدري معيا واقيل😤
ارمين: نن مع عمي صالح لي وراك قاعد يتمعشق 😒💔
مفهمهاش مي خلها vu عرف روحو يكسر في راسو ايا كملت كلات ورجعت رقدت (هههههه خوميرة متاع نوم كيما تقول ماني ليا اكيد😅)
وفي نفس لوقت من حهة لي منا كانت الينا مع ارسلان تفاهمو وحكاو وعجبو بعضهم
ارسلان: مالا صايي حا نوليو صحاب🤗❤️
الينا: ايه ان شاءالله 😘
تبدالوا لي نيميروا ولفيس .....
بعد مدة هبطت طيارة في امريكا تحديدا كندا
اكيد بطلتنا راقدة شابعة راقد وتحلم راهي في الجنة حتا تخس بلماء وتبدا تعيط اجري اعمي صالح غريقة حا نموتو تسونامي اجري حلت عينها تلقا الحيط كيما سماتو وصاحبو الينا يشوفو فيها الينا تضحك هيا وارسلان و راسيل يشوف فيها هاك وقلها
راسيل: فرخة نوضي نوضي 😑
ارمين:😛
ناضو وكل واحد جمع حوايجوا كي وصلوا
تلفتتلو ارمين
ارمين: نتمنا معاش نشوفك😒
راسيل: 😒😒 no comnt...
وكل واحد راح للوجهة تاعو وراح نبدا من ليوم الاحداث
نتمنا عجبكم بارت تع ليوم مذبيا شوي تفاعل باه نبدا نحط جديد❤️🙊🙈 الى الملتقى ان شاء الله ✨
أنت تقرأ
حبيبة الزعيم ✨💪🏻❤️
Actionحب وعشق ومافيا حين يلتقي الكل يصبح هوس 😢💔 حكاية جزائرية من تأليفي اول قصة لي 😊😻 فتاة مجنونة 😜ومضحكة😏 ومرحة تحب المغامرات دخلت في متاهة أدت بيها للمافيا 🤯 ...
