ملكية قيد التوقيف 🔞❤

1

تالين :بابا تعيش خليني مع ختي مودة مزالها صغيرة
أم تالين و مودة: بنتي متدوهاش مني كمال جيبها و الله ندي بناتي و نروح
أبو تالين و مودة : يا مرا راهي رايحة عند جدها برك ما هوش راح ياكولها
الأم : و علاه تروح علاه ياك بنتي و كبدتي مش محتاجاتو مش حاباتوا يربي بنتي
كمال : تلمي فمك و لا لا خلاص أنا قررت تروح مع جدها مدامو وحدو معندو حد منها تونسوا و منها.... سكت
الأم : لا لا تعيش نحوس تالين تقعد عندي معيا مع عايلتها علاه هكا مزالها صغيرة مازلها حابة تعيش طفولتها علاه كمال ؟!؟ ياك بنتك
كمال تنهد و دنق في حبيبتو تترجا فيه لي معلبالهاش واش دار باه يزوجها و يحارب العالم على جالها... أما تالين بقات غير تخزر ببراءتها فيهم ميش عارفة واش راهم يهدروا و لا واش راه يسنا فيها شحال كانت تغيض بواش راهي تشوف و ميش فاهمة
هوما كامل هكداك و جا جدها أول ما شفاتو تالين فرحت خطراكش تحبو مهما كان و لكن جمدت في بلاصتها كيما خزرت لجدها كيفاه يدنق لمها كانت عارفة ميحبهاش أما بوها فخزر فيه بكل جدية و ثبات كلي ما هوش الحنون لكانت غايضاتوا بنتوا كسر الصمت إبتسامة جدها كي خزر ليها: تالين حبوبة جدها مجيش تحضنيني و لا متوحشتيش جدك عندو شهر غايب
تالين : جدو جدو و راحت تجري ليه توحشتك جدو مبعد هزت راسها خزرت فيه جدوا وليت ششباب بزاف توحشتك فتحلها يديه كثر و ضمها ليه بكل حب
أما أمها كي راتو تمنات متخزرش فيه كارهاتو و محترماتو على شيبو و باه متكسرش خاطر راجلها أما كي رات بنتها هكداك عرفت مراحش يفرط فيها و لا يخليها يحبها و منجيهة خايفة خايفة على صغيرتها....
الجد: تالين حبيبتي روحي ودعي ختك و قولي لزهور "خادمة مخلص لجد تالين حافظة الأسرار " تلملك قشك أني جاي...
تالين : دمعت بصح جدو راح نتوحش ماما و بابا و مودة ختي جي معانا و تبسمت
لكن جدها كسر قلبها كي عيط أجري تالين ديري واش قتلك دون مناقشة
خزرت فيه بعين ضايعة مكسورة جدها عيط عليها جدها لي جامي جرحها و لي تتخبا عندوا كي تغلط مستحيل يخزر فيها هذيك النظرة لكيما لكل يخافوها تكسر قلبها البريئ و راحت تجرجر رجليها لشمبرتها قابلتها ختها لمعوا عينيها و راح يخونوها و يلقاو طريقهم على خدها في لحظة ضعف ...مودة كانت تلعب 😍 راحت مودة حضنت ختها بيدواتها صغار و باستها و قتلها
مودة : ثالين علاث راكي تبكي منحبث نثوفك تبكي حتي  😫
تاين : شوفي فيا يا المزعوقة أنا راح نروح مع جدو و نولي متخافيش يا خي ؟!؟ و مسحتلها على شعرها بحنانة
مودة : ثوفي فيا و الله متلوحي و الله راح نوحثك متروحيث."وجات رايحة لجدها خافت تالين يعيط على قطعة من روحها شدتها من يدواتها تسيي تفهمها "
تالين : مودة متزعفنيش منيش راح نطول " و كي قالتها حست روحها تكذب عليها و تعطيها في أمل مكاش منو مي شدتها و خاباتها في بحر من خوف و كسر أنثى داخلها و كملت هدرت معاها " و نجيبلك معايا من إيطالية شيكولا و حوايج شابين يا عيوني أني فرحانة خطراكش ختك راح يولو يعيطولها لقاورية 😂😂😂 و ضحكت فوق قلبها شادة غصتها
مودة : ياههههههههه ثح ؟!؟ ملا روحي و جيبلي بوبية كيما تاع ثبيستون هديك...  نحوث نروح لجدو نبوثو
نزلت مودة و تالين وصات زهور تلم قشها و كي جات خارجة قابلتها مراية الكولوار شافت روحها و دنقت مليح في عيونها و حالتها مالقري صغيرة 16 سنة "بصح كبيرة في عقلها بفضل حنكتها و ذكاءها لي جاباتو من رواياتها ..." تفكرت كلام خالقها "عسى أن تكرهوا شيء و هو خير لكم "  و قررت متبكيش و تتخذ الخطوة باه تروح معاه و تقبل بواش يسناها في الأخير هوما يكبرو فيها راهي رايحة مع جدها برك لكن ستغربت كلام يماها و باباها ؟!؟  على أي أساس يهدروا و خوف مها عندو تفسير لكن محبتش تكسر راسها بزاف جات نازلة لاحقة مودة مبعد شافت شمبرة أمها و بوها راحت هذت صورة لعائلتها الصغيرة و شميز بوها و خاتم أمها...  هداك الخاتم لي وعدتها تمدولها لأنوا ثمين و يعني لمها و كتبتلها note: ماما وعدتيني تمديلي الخاتم و ليوم ديتوا وحدي سمحيلي مقدرتش نشوفكم قبل منروح...
راحت مدتهم لزهور لكادر و شوميز و وصاتها تحطهم قراب باه يكون ستهلة تجبدهم...  و قتلها حدريهم بعد ما وصلوا لافاليز و حطوها في لمال نزلت من الباب الوراني و ركبت طونابيل و أمرت الشوفار يروح المطار و مبعد يلحق جدها كي محبش قلها نقول لجدو يحاوزك حتان جات زهور ركبت معاها و قاتلوا أمشي خزرت فيها تالين و دورت راسها تودع في بيتهم في الحديقة و المسبح و شجرة الياسمين لي تموت عليها أمرت الشوفار يحبس نزلت جابت عرف و راحت عاودت ركبت خباتوا و دورت وجها مش حاية زيد تتمعن بزاف تفاصيل
أما مودة كي نزلت عند جدها عنقاتوا و بادلها الأمر و تكسر قلبو و هو يشوف روحوا مذنب يفارق بين وردتين...  بصح كان لازم...
مودة : جدو قاتلي تالين جيبولي بزاااااااف ألعاب جدوا عيثك جيبلي هديك لعبة لي في ثبيستون نحبها...  و ثيكولا ثينوا مجيث
الجد : صار وليتي تعرفي تهدري و تشربي باسها و قال ما يكون غير خاطر الأميرة و هو هكداك وصلوا ميساج من زهور بلي وصلو للمطار مع تالين طمن قلبوا و قال لبوها كمال تالين راهي في المطار أنا نروح نلحقها
هنا جاتهم الصدمة
الأم : كيفاش كيفاش يعني مشفتش بنتي ؟!؟ كمال بصحكم راح تبعدوا بنتي عليا
كمال : بابا تعيش...
قاطعوا الجد و قلوا : راح الحال أنا نروح و بنتكم أمانة و راهي عند جدها متخافوش و خرج بعد ما ودع مودة لطلعت لشمبرتها تيكي تبكي تبكي....
الأم آخر خزرة للجد و راجلها فيها إستحقار و حقرة و حزن و لوم... طلعت لمودة رفدتها و جاتخارجة مسكها كمال
كمال : يا حبي كيفاه تخلوني كامل و أنا ما ذنبي تحوسي نعوق بابا في آهر عمري و يغضب عليا وقتها غاضها حبيبها شريك عمرها و رجعت في قرارها...
أعطوني رايكم إلا نكملها و لا لا لا  😍😍😍❤❤❤❤