اسكريبت ❤❤
بروحها سندريلا
انا مرام بنت عاديه من طبقه فقيره جدا بحب اهلي وصحابي وجيراني امي ست بسيطه اوووي وجميله بيقولو اني ورثت الجمال منها ودي مشكلتي ف الدنيا اني شبه امي او بمعني اخر اني حلوه
ابويا راجل فقير جدا لكن عمره م قبل علينا قرش حرام امي كنا عايشين ومبسوطين جدا لحد م اامي للاسف كان عندها مرض نادر جدا حاجة كدا بتخليها دايما نايمه وخاسه لا بتتحرك ولا بتاكل ولا بتشرب جسم هزيل وبس
ولاننا فقرا مكنش معانا نعالجها اشدت بيها المرض لحد م في يوم جيت اصحيها لقتها مبتتنفس وحصل الا كان ابويا دايما بيخاف منه امي ماتت وسابتني لسه فاكرا اخر حاجة قلتهالي
قبل م تعيا
اوعي الزمن يغيرك ي مرام الدنيا مليانه سواد وظلم خليكي طيبه اوعي اوعي ي بنتي تتجري للحرام بدافع انو الطريق الوحيد افتكري ان الدنيا دي عامله زي الشقه الايجار بعقد مؤقت ومجرد م وقتك يخلص فيها هتروحي بيتك بيتك الا هيبقي علي حسب عملك في الدنيا ي بنتي احنا عايشين عشان نتعب ونستحمل الدنيا عمرها مكانت دار راحة لاء هي تمن الجنه عيشيها صح تكسبي اخرتك ي بنتي
بعدها بيوم ماما حبيبتي تعبت ومبقتش تتكلم ولا تتحرك
امي ماتت وسبتني بنت وحيده كنت صغيره لما ماتت بابا كمان زعل عليها اوووي
كنت محتاجة حد يراعيني ويهتم بيا ويحبني ابويا اتجوز خالتي
خالتي الا مبتكرهش في حياتها قدي مع اني معملتلهاش حاجة والله بس كانت بتكرهني عشان انا حلوه وهي وولادها لاء
عمر م الشكل كان مقياس البني ادم بقينا عايشين بنبص لبعض من برا وبس
اتجوز ابويا خالتي الارمله كان عندها بنتين اكبر مني وولد
رسمت خالتي علي ابويا حبها ليا هي واولادها
مرت السنين ومعاملتهم ليا من السوء للاسوء
لحد م ابويا ربنا رزقه بشغلانه برا البلد
سافر وسبني مع خالتي واولادها
كان بيجيلي عرسان كتير اوي وخالتي تطفشهم لحد م جالي عريس غني اوي ومحترم جي ع السيره منغير م يشوفني سعاد بنت خالتي حطت عنيها عليه وفعلا خطبها علي اساس انها انا كانوا دايما بيحاولو يبعدوني عنه عشان ميشوفنيش بس انا مكانش في دماغي بصراحة وجالي عريس تاني والمرادي نهي بنت خالتي حطت عنيها عليه بس هو كان يعرفني مقدروش يعملو معا زي عريس سعاد ف قالولو اني مش كويسه وكل همي اوقع الرجاله الغنيه اخد فلوسهم واسيبهم وخطب العريس الجديد نهي بس كان دايما يبصلي بنظرات استحقار وسعات حب مش عارفه بس نظرات محبتهاش
انا دايما مؤمنه ان نصيبي محدش هياخده غيري ف تلاقيني مبدقش علي افعالهم ربنا قادر ينتقملي منهم
مرت الايام والعيشه معاهم بقت اصعب بكتير كل يوم يغيظوني ولما يلاقوني مش بهتم يزودو عليا شغل البيت معنديش هدوم غير طقمين ببدل فيهم رغم ان ابويا ربنا فتحها عليه اخير لكن محدش كان بيديني حاجة صحيح معنديش هدوم ولا حزم لكن ربنا سترني ودا المهم هعوز اي تاني غير الستر الحمدلله
اتجوزت سعاد ومشيت كنت بقول الحمدلله اهو واحده مشيت عبال التانيه كمان وفعلا بعدها بكام شهر نهي كمان اتجوزت وبقيت لوحدي مع خالتي وابنها اسلام
رغم ان خالتي وعيالها مكانوش بيحبوني الا ان اسلام كان غيرهم كان بيجبلي الاكل من وراهم سعات كان بيقعد معايا ونتكلم كان بيهون عليا بس خالتي ربنا يسامحها جت في يوم وحكمت علي اسلام يتجوزني لحد م جالي اسلام يتكلم معايا
اسلام: مرام عاوز اتكلم معاكي
مرام: تعالي ي اسلام في حاجة
اسلام: هو انتي بتحبيني ي مرام
مرام : طبعا ي اسلام انتا اخويا ولازم احبك
اسلام: لا اقصد مستعده تتجوزيني
مرام : سكتت ومش عارفه ترد
اسلام: قولي ي مرام
مرام : بصراحة ي اسلام انا بحبك زي اخويا مش اكتر من كدا
اسلام: ياااااا ي مرام شلتي من علي قلبي حمل كبير اوووي
مرام: انا ي اسلام اتمني واحد زيك لكن انا مش قادره اشوفك غير اخويا
اسلام : انا كمان بصراحة انا في بنت بحبها اوي وبحكيلها عليكي نفسي اتجوزها وتبقالك اخت بدل قسوه اخواتي عليكي
مرام : الحمدلله علي كل حال وباذن الله هتتجوزها ربنا يفرحكو ي اسلام
اسلام : يارب
انا واسلام اتفقنا اننا اخوات لكن راينا معجبش خالتي وحكمت رائيها وجوزتنا انا واسلام غصب
صحيح كان اخويا وبحبو لكن جوازنا دا عمل حاجز بيني وبينو اوووي بعدها بفتره طلبت منو يتجوز البنت الا بيحبها واتجوزها طبعا خالتي وافقت بسهوله عشان تزلني وادايق
مرت السنين وانا واسلام زي الاخوات واسلام خلف وعيالو قربو يدخلو المدرسه وانا كل يوم خالتي بتعايرني اني مخلفتش كانت فاكره ان انا عندي مشكله متعرفش اني لسه بنت
نسيت اقولكو ان جوز نهي لما عرف اني اتجوزت اسلام شك في كلام خالتي وبناتها وسال اسلام عليا وعلي اخلاقي واسلام طبعا شكر فيا
حاول كتير اوي انو يكلمني بس كنت بصدو هو مهما كان جوز نهي بنت خالتي
صحيح مكنتش عاوزا بس فرحت انه عرف اني محترمه وانهم اتبالو عليا
مرت ايام وخالتي الكبر بان عليها والتعب زاد وبقت في ايامها الاخيره
طلبتني وهي بين الحيا والموت
خالتي: سامحيني ي مرام انا عارفه انك مش هتسامحيني بس وغلاوه امك الغاليه تسامحيني انا اتبليت عليكي وافتريت كتير خليني اقابل وجه كريم منغير م اخاف من زنبك
سكتت ومردتش ومشيت وانا بقول ياااا ي خالتي بقي السنين دي كلها والذل تمحيها كلمه معلش سامحيني دنا استحملت عشان عارفه ان اليوم دا جي وهاخد حقي منك ومن ولادك
روحت البيت ونمت حلمت بامي وهي بتقولي سامحيها متنسيش كلو عند ربنا متنسيش الدنيا فانيه ي بنتي
صحيت لبست وروحت لخالتي عشان اقولها اني مسمحاها بس لقتها ماتت خلاص وقفت علي غسلها وبعد م كفنوها وبيشيلوها خشبتها تقلت كانها بتقولهم مش همشي غير ام تسامحني
ولقيت راجل كبير دخل عليا وانا واقفه وبيقولي سامحيها ي بنتي سامحيها عشان تمشي
وفعلا قولتلها مسمحاكي خلاص ربنا يرحمك
ومشيت خالتي ودعتلها بالرحمة مش مثاليه لكن فكره العذاب مش سهله حتي لو كنت ديقتني ربنا يرحمها
خلاص خالتي ماتت واتحررت من السجن بتاعي دلوقتي اقدر اطلق واعيش حياتي
اسلام كان زوق معايا فعلا واطلقت ورجعت لحريتي صحيح انا كبرت اوي وبقيت 30 سنه لكن لسه بردو العمر قدامي كتير
# موووووني
لو اتفاعلتو هنزل جزء تاني للاسكربت وعي بتاخد حقها من ولاد خالتها ❤❤❤❤
