#ماوراءالنقاب
#الكاتبةورودالخالدي
البارت3
سراب::::
همه فاتو جوه واني بقيت انشف بالكاع بعدين عصرت الخاولي وعلكته ردت افوت ..بسرعة انفتحت باب الصالة شفت معتصم طلع وفرات وعمو يجرجرون بيه..واسمع فرات يكولة:
هاي وين رايح معتصم صدوك جذب!
عمي..فرات ..رجاءا..خلوني اطلع ما ابقه دقيقة..
عمي..شنو القضية..شنو نخليك تطلع انعل..الشيطان..اخذ نفس وليدي..شو..تعال خلي نكعد هنا نحجي..
وجره عمو من ايده اكو قنفة خشب بالحديقه كعدو عليها..هو صار بالنص..وهمه واحد منا وواحد منا..اني صافنه افكر هذا شبي هستوه دخل يسلم عليهم ومبتسم شبيه طلع ضايج وكوه يتنفس ويكولهم خلوني..اطلع..يربي شصار..جوه..شويه وسمعته..يكولهم:
عمي ..ابو فرات اترجاك خليني اطلع..خلي بيبيتي يمكم..العصر اجي اخذها..
وليدي..بس خليني احجي هسه هو شسوالك..وانت شفته يكسر الخاطر مشلول لايحرك لا ايد ولا رجل..ولسانه ثكيل حتى حجي ميحجي..شجرالك هاي انت العاقل ابو كلب الجبير!
عمي ياكلب جبير..انتو شتحجون تره دتحملوني فوك طاقتي..يعني شتردون مني بالضبط..اكابل كتال ابويه واكعد كبالة عين بعين..
وليدي..لا تكابلة ولا شي توه كعد من النوم الادويه تخلي ينام هوايه عشر دقايق يتريك..وندخله للغرفة الجوه..
لا تشوفه ولا يشوفك بعد ليش تكبر السالفه؟
عمي..بروح جدي خليني اطلع والله اختنكت احس نفسي ضاك..عليه بس خلي اطلع اشم هوه..
فرات كله..
شنو تطلع معتصم اخيك ليش تخرب العيد علينا..
فرات كتلك اختنكت ليش مجلب بيه ولازمني اريد اطلع اخذلي فره بالسيارة بس اخذ نفس..!
ماشي اخليك تطلع بس احلف كول وروح جدي ارجع اتغده يمكم..
فرات!!؟؟
ما اخليك تطلع اذا متحلف..
ماشي ارجع....ارجع وروح جدي ارجع..
وشفتهم هدوه هو وكف اني طبعا متحركت جنت بس اباوع عليهم شفته كام يمشي بسرعة متجه للباب اني واكفه بصف الباب ابد ملتفت ولا باوع عليه..بس اني اباوع عليه..فتح الباب وطلع وهمه دخلو..احس..روحي انقبضت اكثر..فهمت الي صار..معتصم شاف بابا..وضاج..وراد يروح..اي حقه..اي واحد بمكانه..راح يتصرف اكثر من هالتصرف ..بس هو عاقل..وفكر يطلع حتى مينفعل..اني عاذرته لو اني بمكانه واشوف قاتل بابا يمكن..اهجم عليه..لو..املخة بأظافري..بس معتصم عاقل ورزن..وابد معنده هالتهور والاندفاع...رجعت فتت جوه احس العيد صار عليه مثل الزقوم..فتت..للمطبخ مرت عمي مشغلة عين جبيرة بالكاع ودتركب باللحم..والبنات يلكطن بالتمن لان...
لان عنبر ويحتاج تلكيط..سمعت مرت عمي كالت..يمه..سراب..عجني..وخلي هوايه خمرة..حتى يختمر بسرعة.
هبه كالت:
ماما شنو تعجن خطية من البارحة لليوم تكرف وتنظف..خلي نشتري خبز احسن..
هااا..اي خطية صدوك تعبت ارتاحي بنيتي هسه ادز على خبز..
لا..حجية اني اعجن واخبز خبز حار يصير طيب ويه اللحم!
مو تعبتي بنيتي..
لا عادي اعجن واخبز ماعندي شي..
براحتج..
وشفت..مرت فرات تعوج بحلكها وتتبسبس هي واختها..مدري شيحجن..
رحت عجنت بمي دافي وكثرت خمره..ساعة واختمر العجين كعدت..اخذت الصياني البيها الشنك مال العجين طبعا مو صينيه وحده 3صياني لان كثرت كومه ناس عدنا..من طلعت..شغلت التنور يربي النار ممستقره..لان الهوه يلعب بالنار طفيته هسه وين اخبز
.باوعت اكو مثل الختلة بين باب الشارع والتواليتات الخارجيه شلت التنور اني وعلاوي..وخليته هناك..وسديت الباب حتى ما اعثر بيها من اخبز لان المكان زغير..وبديت اخبز تعبت الخبز هوايه والمكان زغير ..والنار قربيه احس..وجهي صار..مثل النار..هلكت يله خلصت طفيت..
